Baalunku Mannira Sabbakate Qinaawa

Yihowa hunda Israeelete manna qineessinonte gede, xaa yannarano mannisi fajjosi wonshanno gede qineessanno. Alamete doyichora addi additi sinu biiro, woradda, songuwanna qanchu soqqansho gaamo baalanti sabbakate looso umo fushshate mitteenni loossanno. Baalunku mannira, lawishshaho wole afoo coyiꞌranno mannirano sabbankeemmo.—Aj 14:6, 7.

Mannu halaale afanno gede kaaꞌlate yite wole afoo rosate hedde egennootto? Wole afoo rosate yanna hoogittoro nafa, harancho hasaawu bitima rosate JW Languweji yinanni appilikeeshiinenke horoonsiꞌra dandaatto. Tenne appilikeeshiine soqqanshote horoonsidhinihu gedensaanni, kiꞌneno umi xibbi diro heeꞌrino Kiristaani gede hagiidha dandiitinanni. Insa, wole gobbanni dayino manni “Maganunniha jawa looso” uminsa qaalinni kullanna macciishshe dhagge assiꞌrino daafira, lowo geeshsha hagiidhitino.—Soq 2:7-11.

YIHOWA JAALA IKKI—WOLE AFOO COYIꞌRANNO MANNIRA SABBAKI YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• 

  JW Languweji yinanni appilikeeshiine horoonsiꞌra dandiitinannihu mamoote ikkara dandaanno?

• 

  Tini appilikeeshiine maa maa amaddino?

• 

  Kiꞌne heedhinoonni qooxeessira mannu hiikkoye hiikkoye qaale coyiꞌranno?

• Maganu Gashshooti sokka afate hasatto noosi manchi wole afoo coyiꞌrannoha ikkiro maa assa hasiissannoꞌne?—od 100-101 guf. 39-41