KIRISTAANU HEESHSHORA
Soqqanshonke Isilanchimma Woyyeessiꞌra Qoqqowinkera Heeꞌranno Manna Baala Hasaawisa
TOGO ASSA HASIISSANNOHU MAYIRAATI? Zekkaariyaasi, addi addi afoo coyiꞌranno manni Maganu Mangisteha dancha duduwo macciishshe adhannota masaalino. (Za 8:23) Ikkina insara dancha duduwo ayi kulanno? (Ro 10:13-15) Qoqqowinkera heeꞌranno manni baalaho Maganu Mangisteha dancha duduwo kulate qoossonna qeechi noonke.—od-AM 84 guf. 10-11.
TOGO ASSA DANDIINANNIHU HIITTOONNIITI?
Balaxxe qixxaawi. Wole afoo coyirano manninni xaadattohalla ikki? JW Laanguweeji Appi yinanni appilikeeshiine horoonsidhe harancho hasaawu bitima qixxaawa dandaatto. Woy mobayilekinni jw.org aana isi coyiꞌranno afiinni qixxaawinore afiꞌranno gara leellisha dandaatto
Wodanchi. Minunni mine hadhe soqqamatto wote xaadatto manni hasaawisittokki sae haꞌroonke. Doogaasincho woy makeena agadhe no manna hasaawisi. Gudumaaleho soqqamatto wote, mixokki mannaho farciꞌra ikkitinota deꞌooti
Baalanka manna hasaawisate woꞌnaali. Umo minesi marte hoogootto mancho wole wote marte hasaawisate woꞌnaali. Qoqqowikki giddo noo manna baala hasaawisate woꞌnaali; lamalate giddo woy barru giddo babbaxxitino yannara mara dandaatto. Mito manna borrote sokka borreessite, silketenni woy doogote xaadde hasaawisa dandaatto
Keeshshittokkinni mari. Hasatto noonsare keeshshittokkinni galagalte marte hasaawisi. Hasaawisatto manchi ati dandaattokki afoo coyiꞌrannoha ikkiro, isi coyiꞌranno afoo dandaanno rodii ledo xaadisi. Isi coyiꞌranno afoo dandiitanno halashshaano ledo xaada geeshsha silke bilbila agurtooti.—od-AM 94 guf. 39-40
“GOBBATE QACCE GEESHSHA” SABBAKKE YITANNO VIIDIYO LAꞌINI GEDENSAANNI AANTE NOO XAꞌMUWA HASAABBE:
Roduuwu xeertote heeꞌranno mannira sabbakate mayi qixxaawo qixxeessitino? (1Qo 9:22, 23)
Insa hiikkonne guficho ikkanno coye dandiite saꞌino?
Insa mayi atoote afidhino?
Qoqqowikki giddo heeꞌrannoha lowo manna hasaawisate maa assa dandaatto?