Wedella—Anniꞌneranna Amaꞌnera Giddoꞌneta Fantine Kulle

Giddokkita annikkiranna amakkira fante kulate sharrama hasiissannohehu mayiraati? (La 23:26) Yihowa insa ate towaattannohenna massaggannohe gede qeecha uyinonsa. (Fa 127:3, 4) Huluullinoherenna yaachishinohere baalankare maaxiꞌrattoha ikkiro insara ate kaaꞌla qarra ikkitannonsa. Qoleno insa lowo diro heedhe afidhinohu kaaꞌlannohe woꞌnaalshi gate baꞌꞌannohe. Mito coye insara kula hooga soꞌroteni? Insa doga hoogitto geeshsha soꞌro diꞌꞌikkitino.—La 3:32.

Annikkinna amakki ledo hasaawa dandaattohu hiittoonniiti? Insarano aterano maltino yanna doorate woꞌnaali. Hatto assa qarra ikkituhero, borro borreessite macciishshaminohere insa giddo mittoho kula dandaatto. Annikkinna amakki ati hasaawa hasiꞌrattokki hajo kayise hasaawa hasiꞌrinohalla ikki? Insa addinta ate kaaꞌla hasidhannota qaagi. Annakkinna amakki diinu gede ikkikkinni kaaꞌlaanokki gede assite lai. Annikkinna amakkira giddokkita fante hasaawate sharramakki, hegerera kaaꞌlitannohe!—La 4:10-12.

WEDELLIMMATE HEESHSHOꞌYA—ANNIꞌYANNA AMAꞌYA LEDO HASAAWA DANDEEMMOHU HIITTOONNIITI? YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• 

  Esterinna Paatiriki uminsa daafira maa huwatino?

• 

  Yesuusi lawishshinni maa rosootto?

• 

  Annikkinna amakki ate daafira hedannota leellishinohu hiittoonniiti?

• 

  Annikkinna amakki ledo hasaawatto gede kaaꞌlannohehu Qullaawu Maxaafihu xintu seeri hiikkonneeti?