Olunna Kipho Uurra Hoogginohu Mayiraati?
Qullaawu Maxaafi olahonna kiphote kora ikkinori maatironna lowore galaaffatanni noohu kuni qarri xaa geya tidhama hooginohu mayiraatiro xawise kulanno.
CUBBO
Maganu umi annankenna amanke Addaaminna Heewani danisinni kalaqino. (Kalaqama 1:27) Hatto yaa, insa kalaqamunni Maganu akatta, lawishshaho keerenna baxille leellisha dandiitanno yaate. (1 Qorontoosi 14:33; 1 Yohaannisi 4:8) Ikkollana, Addaaminna Heewani Maganoho shitte cubbo loosino. Konninni kainohunni, ninke baalunku cubbonna reyo ragiꞌnoommo. (Rooma 5:12) Ragiꞌnoommo cubbi duucha woyite bushare hendeemmo gede assannonke; hakko daafira, batinyu manni kakkache busha coye assanno.—Kalaqama 6:5; Maarqoosi 7:21, 22.
MANNU GASHSHOOTE
Maganu kalaqinonkehu uminke umonke gashshinammora diꞌꞌikkino. Qullaawu Maxaafi “haꞌrinshosino mannu umisi qineessiꞌre dandaannokkita” kulanno. (Ermiyaasi 10:23) Hakko daafira, mannu gashshooti olanna kipho woꞌmunni woꞌma hoola didandaanno.
SHEEXAANENNA AGAANINTESI
Qullaawu Maxaafi “alame woꞌma . . . bushu anga no” yaanno. (1 Yohaannisi 5:19) Hakku “bushu” yinihu Sheexaane Daawuloosiiti; isi qole lubbo shaannoho. (Yohaannisi 8:44) Badheenni heedhe, goꞌlite shoonna reyo kalaqqanni noori isootinna wole busha ayyaannaati.—Yohaannisi Ajuuja 12:9, 12.
Olahonna kiphote kora ikkinore ninke hoola didandiineemmo; Maganu kay dandaanno.