Yesuusi Jaddo Hunanno

Jaddo loossannori gawajjitannonke woyitenna miincanninke woyite hiitto ikkineemmoro Yesuusira leellannosi. Iso beebba kassansoonnisi, doogimale gannoonnisi, halaale wirroonnisi, beebba bushiinshoonnisi, hattono shetinse shinoonnisi. Yesuusi huninori nookkiha ikkirono, umisi fajjonni “heeshshosi lowo mannira wodo asse” uyino. (Maatewoosi 20:28; Yohaannisi 15:13) Isi xa Maganu Gashshooti Moote ikkino daafira, muli yannara baattote aana taashsho halaꞌlitanno gede assanno hattono jaddo hegerera baꞌanno gede assanno.—Isayaasi 42:3.

Qullaawu Maxaafi, Yesuusi qaafo adhihu gedensaanni alame hiittoota ikkitannoro kulanno:

• “Bushuullu shiima yannalla keeshshitanno; dargaho laꞌe hoogatto. Shaqqaddu kayinni baatto ragidhanno; atootenna keere afidhe hagiidhitanno.”—Faarso 37:10, 11.

Yesuusi kageeshsha assinonkeriranna albillitte assannonkerira galatu noonketa leellisha dandiineemmohu hiittoonniiti? Mitte doogo, ‘Maganu Gashshootihu danchu duduwi’ daafira lede rosate; Yesuusi duduwinoti qara sokka tenneeti. (Luqaasi 4:43) “Maganu Mangiste Maati?” yaanno birxicho nabbawi.