Tenne Mitiinsitanno Yannara Hagiirraamo Ikka—⁠Qullaawu Maxaafi Mayyaanno?

Tenne mitiinsitanno yannara, iillannonke qarra hooꞌlate dhuku hoogankera dandaanno. Kay roore anga, hagiirraamma woy dadillaamma assitannonketi laonkeeti ikkiina heeshshonke gara diꞌꞌikkino. Qullaawu Maxaafi, qarru iillinsarono “hagiirraammaho . . . woꞌmanka woyite [heeshsho] jila” ikkitinota kulanno. (Lawishsha 15:15) Hagiirrinke lexxanno gede maa assa dandiineemmo? Hanni Qullaawu Maxaafi amaale tennera kaaꞌlitannonke gara laꞌno.

Yaaddo gargadha

Qullaawu Maxaafi, “Wodanu yaaddo dadille abbitanno” yaanno.—Lawishsha 12:25.

• Qullaawu Maxaafi quwa saꞌino yaaddo gargadhatto gede kaaꞌlannohe. Tenne daafira ledde afate, “Qullaawu Maxaafi Yaaddote Daafira Kulannore” yaanno birxicho lai.

Callimma qeela

Qullaawu Maxaafi, “Jaalu woꞌmanka woyite jaalaholla; roduuno qarru barra iillanno” yaanno.—Lawishsha 17:17.

• Qullaawu Maxaafi, mannu ledo noohe aantenna jaalooma kaajjishiꞌratenni callimma qeela dandaatto gede kaaꞌlitannohe amaale kulannohe. “Callimma Qeelate Jaalla Kalaqiꞌri—Qullaawu Maxaafi Kaaꞌlannohe Gara” yaanno birxicho nabbawi.

Maganohonna mannaho noonke baxille lexxa

Qullaawu Maxaafi togo yaanno: “Maganokki Yihowa woꞌmu wodanikkinni, woꞌma lubbokkinninna woꞌma hedokkinni baxi. . . . Olliichokki umikki gede assite baxi.”a​—Maatewoosi 22:37-39.

• Huuccatto Maganoho noonke baxilli lexxanno gede kaaꞌlitanno. Ledde afate, “Maganu Huuccattonke Macciishshanno?” yaanno birxicho nabbawi.

• Mannaho Yesuusi asse yiinonkere assineemmoha ikkiro, insara baxille leellinshanni heeꞌnoommo. Ledde afate, “Amanyootu Wodho Maati?” yaanno birxicho lai.

Tenne mitiinsitanno yannara hagiirraamo ikka dandiinanni gara Qullaawu Maxaafinni ledde afa hasiꞌrattoha ikkara dandaanno. Tennera, ninke ledo Qullaawa Maxaafa baatooshshiweelo xiinxallatto gede koyinsoommohe.