XIINXALLO 8
Rosiisate Kaaꞌlanno Lawishsha
Maatewoosi 13:34, 35
ASSA HASIISSANNOHERE: Macciishshaano baxisannonna qara hedo luphi assanno lawishsha horoonsidhe rosiisatto rosi xawe leellanno gede assi.
KONNE ASSA DANDAATTO GARA:
Huwatate qarrisannokki lawishsha doori. Yesuusi gede, jajjabbanna hawa gede huwantannikki coye xawisate rosantino coyibba horoonsiꞌri. Lawishshu huwatate qarrisanno gede assannore aanaho leddooti. Macciishshaanote coyi gurchaawannokki gede, coyiꞌratto lawishshi shiqishshanni nootto rosi ledo xaadannoronna teꞌee buuxi.
Macciishshaanote daafira hedi. Macciishshaano assitannorinna baxxannori ledo xaadooshshe afiꞌrino lawishsha doori. Coyiꞌratto lawishshi macciishshaano saalfattannonna koffi yitanno gede assannoha ikkannokki gede qorophi.
Qara roso xawisi. Lawishsha horoonsiꞌra hasiissannohehu shiimmaadda coye ikkikkinni qara hedo xawisateeti. Rosiisatto manchi lawishsha calla ikkikkinni qara roso qaagganno gede assi.