Ampeo Avao Ze Olo Kinto

Torolala: “Tsy nieny nampianatsy noho nitory ty vaovao soa [rozy].”—Asa. 5:42.

Ino ty Nataoni-Paoly?

Apostoly Paoly miresaky ty vaovao soa amin’olo vitsivitsy, amy efitsy malalaky amy lakilasy raiky.

VIDEO: Paoly Miezaky Manampy Olo ta Efesosy Any

1. Henteo VIDEO io, na vakio Asan’ny Apostoly 19:8-10. Bakeo diniho fanontanea retoa:

Akory ty ahaizantsika fa niezaky mafy Paoly lafa nitory ty vaovao soa?
Impiry Paoly ro nimpolimpoly tamin’olo reo tany mba hampianatsy an-drozy, le zisiky ombia ie ro nanao ani-zay?

Ino ty Ianarantsika Baka amy Paoly?

2. Mila miezaky noho manoka fotoa tsika mba hanaova fimpolia mitsidiky noho hanomboha fampianara Baiboly.

Tahafo Paoly

3. Tsidiho amy ze fotoa mety aminy olo iny. Eritsereto zao: ‘Ombia ty fotoa mety amin’olo iny, le aia ty teany hiresaha aminy?’ Miezaha hitsidiky azy avao ndre tsy mety aminao aza ty fotoa ameany.

4. Mifanaova fotoa. Lafa baka niresaky amin’olo iha, le anontaneo ie hoe ombia iha ro afaky miresaky aminy ndraiky. Anovo voafaritsy soa fotoa zay. Anovo azo antoky hoe mimpoly aminy any iha amy fotoa nifanaovanareo iny.

5. Ka kivy fa tsidiho avao ie. Ka avy le mieritseritsy hoe tsy nidary ty raha niresahinao taminy olo iny kanao tsy mety tratsinao na tozoro manao raha avao. (1 Kor. 13:4, 7) Anovo avao ze hahitanao azy, fe anovo azo antoky hoe tsy lanilany fahatany ty fotoanao.—1 Kor. 9:26.

HENTEO KOA

Asa. 10:42; 1 Kor. 9:22, 23; 2 Kor. 4:1; Gal. 6:9