Manaova Hira Fiderà ho ani-Jehovah amy Fo Falifaly

Nanao hira fiderà ho ani-Jehovah Paoly noho Silasy lafa tam-pigadrà tao. (As 16:25) Azo antoky fa nanampy an-drozy hana hery hiareta raha zay. Ka manao akory tsika henanizao? Mana hira fampiasantsika amy fivoria tsika, le misy hirahira hafa koa amy tele jw ao. Tena mampahery antsika raha rey, sady manampy antsika tsy hivaliky avao, ndre misy fitsapà aza. Tsy vitani-zay, fa ahafahantsika midera ani-Jehovah raha rey. (Sl 28:7) Nampirisihy tsika mba hahatiaro ty tononi-hira rey, ndre vitsivitsy aminy aza fara faharatiny. Fa nanohatsy nanao ani-zay va iha? Afaky mizatsy mihira noho mianatsy ty tononi-hira rey tsika amy fotoam-pivavahani-fianakavia.

ALEFASO TY VIDEO HOE AJÀ MANAO HIRA FIDERÀ HO ANI-JEHOVAH, BAKEO VALEO FANONTANEA RETOA:

• 

  Ino ty soa azontsika lafa mihira ty hirani-Fanjakà iny?

• 

  Ino ty ataoni-Sampan-draharahani-Feo noho Video lafa manoma hangalaky feo olo mihira?

• 

  Ino ty ataoni-ajà rey noho ty fianakavian-drozy mba hiomana amy fangalà feo?

• 

  Ino iaby ty hira teanao marè amy hirani-Fanjakà rey, le ino ty antony?