Soso-kevitsy Hanampy Anao Lafa Iha Mianatsy
Henteo hoe Ino ty Raha Tokony Hianaranao
Samby mana ty fotoa anaovany fianara am-bata tsika iaby. Akory ty azontsika ampiasà soa ani-fotoa io? Voalohany, manokana fotoa ampy soa. Handramby soa iha laha mianatsy raha kelikely avao sady mandiniky soa ani-raha iny, tozay avy le mianatsy raha maro kanefa atao malakilaky avao.
Bakeo henteo hoe ino ty raha hianaranao. (Efes. 5:15, 16) Retoa misy soso-kevitsy vitsivitsy:
Mamakia Baiboly sanandro. (Sal. 1:2) Mety ho soa vasa laha toko natao hovakỳ sankerinandro amy fivoria andavanandro rey ro anombohanao azy.
Omano ty Tilikambo Fianara noho ty fivoria andavanandro. Miezaha hanoma soa, amy zay iha afaky manome valin-teny.—Sal. 22:22.
Vakio noho henteo ze raha niboaky farany, ohatsy hoe boky noho gazety, video, noho lahatsoratsy amy jw.org ao.
Ianaro ze raha mahakinto anao. Azonao atao ty manao fikaroha mikasiky ty raha sarotsy mahazo anao, ty fanontanea manahira anao, na ty foto-kevitsy teanao ho hay amy Baiboly ao. Laha ta hahita hevitsy hafa hanampy anao iha, le milira amy fizarà hoe “Kilalao Ara-baiboly” amy jw.org ao.