Ia ty Azonao Atokisa?​—Ino ty Volanin’ny Baiboly?

Diso fanantenà tsika lafa mamadiky antsika ty olo raiky natokisantsika. Fa tsy atokisan’ny ankamaroan’olo  . . .

• ty mpanao politiky, satria ty vatan-drozy avao ro hain-drozy fa tsy midary ty hahasoa ty vahoaky rozy.

• ty vaovao, satria mamonivony raha rozy sady tsy mivola ty marina.

• ty mpahay siansy, satria tsy mila ze hahasoa ty olo iaby.

• ty mpitariky fivavaha, satria militsilitsy amy politiky fa tsy mampianatsy ty olo mikasiky a Ndranahary.

Tsy diso mihintsy ty olo laha mifilifily ty olo hatokisany. Ndre ty Baiboly aza mampitandrina hoe:

• “Ka matoky ty olo ambony, na ty olombelo tsy afaky manavotsy.”​—Salamo 146:3, Fandikan-tenin’ny Tontolo Vaovao.

Misy olo raiky azonao atokisa

 Miresaky olo raiky azonao atokisa ty Baiboly: Tsy ia io fa Jesosy Kristy. Niavy tan-tany etoy ie taonjato maro lasa zay. Tsy hoe olo soa avao ie, fa ie koa ro nitendrè-Ndranahary ho Mpanjakan’ny Fanjakàny. “Tsy ho tampitsy mihintsy ty Fanjakàny.” (Lioka 1:32, 33) Fa manday an-danitsy any fanjakà io henanizao, le Fanjakà-Ndranahary ty ikaiha azy.​—Matio 6:10.

• Laha teanao ho hay hoe manino tsika ro afaky matoky an’i Jesosy, le vakio ty lahatsoratsy hoe “Iza no Mpanjakan’ny Fanjakan’Andriamanitra?” noho ty lahatsoratsy hoe “Inona no Hataon’ny Fanjakan’Andriamanitra?”