FIANARA MANOMPO | AMPITOMBÒ TY FIFALEANAO AMY FANOMPOA
Ampeo ty Mpianatsy Baibolinao mba Hamonjy Fivoria
Tampany bevata amy fanompoa ani-Jehovah ty fanatreha fivoria. (Sl 22:22) Falifaly tsika lafa mivory sady mahazo fitahia baka amy Jehovah. (Sl 65:4) Matetiky mandroso malaky mpianatsy Baiboly rey lafa manatriky fivoria tsy tampaky.
Ino ty azonao atao mba hanampea ty mpianatsy Baibolinao hanatriky fivoria? Ka mieny manasa an-drozy. Asehò an-drozy ty video hoe Ino ty Raha Atao amy Efitrano Fanjakà Any? Hazavao hoe ino ty soa ho azon-drozy lafa rozy manatriky fivoria. (lff fianara 10) Afaky miresaky hevitsy raiky niteanao tam-pivoria tany iha na miresaky ty raha hianara amy fivoria manaraky. Ameo fitaova hampiasà am-pivoria any ty mpianatsinao. Manaova raha mba hanampea an-drozy. Haindre mila alà an-trano any ohatsy rozy. Ho falifaly iha lafa mahita ani-mpianatsinao iny manatriky fivoria voalohany, ka ho tsapanao fa tsy nisera ty ezaky mafy nataonao.—1Ko 14:24, 25.
HENTEO TY VIDEO HOE AMPEO TY MPIANATSY BAIBOLINAO MBA HANATRIKY FIVORIA, BAKEO VALEO FANONTANEA RETOA:
Ino ty nataoni-Hanta mba hanasà ani-Faly hanatriky fivoria?
Manino tsika ro falifaly lafa manatriky fivoria ty mpianatsy Baibolintsika?
“Miaraky aminareo vatany Ndranahary”
Ino ty nitsapani-Faly tamy ie vo sambany nanatriky fivoria?