Ampeo ty Mpianatsy Baibolinao mba Tsy Hiaraky amy Naman-draty

Mila mifily soa ty olo hataony nama ty mpianatsy Baiboly raiky laha teany ty ho namani-Jehovah. (Sl 15:1, 4) Hanampy azy hanao ty soa ty fanàna nama soa.​—Oh 13:20; lff fianara 48.

Miezaha ho soa fanahy lafa manampy ty mpianatsinao tsy hiaraky amy naman-draty. Mety ho sarotsy amin-drozy ty hiala amy naman-drozy rey. Dikani-zay, soa laha miezaky midary azy iha. Azonao atao, ohatsy, ty mandefa mesazy aminy, mikaiky, na mitsidiky azy mihintsy. Lafa mihamandroso mpianatsinao iny, le azonao atao ty manasa azy amy fiaraha ataoni-mpiara-manompo rey. Ho hitany amy zay fa mbo maro mandilatsy ty nafoiny ty nama ho azony. (Mr 10:29, 30) Ho falifaly koa iha lafa mahita hoe mihamaro avao ty olo lasa anatini-fianakaviani-Jehovah.

HENTEO TY VIDEO HOE AMPEO TY MPIANATSY BAIBOLINAO MBA TSY HIARAKY AMY NAMAN-DRATY, BAKEO VALEO FANONTANEA RETOA:

• Ino ty atao hoe naman-draty?​—1Ko 15:33

• Manao akory tse ty nieritseretani-Faly fiaraha ataoni-mpiara-manompo zao?

• Ino ty nataoni-Hanta mba hanampea ani-Faly tsy hiaraky amy naman-draty?