Lahatsoratsy Hafa amy Tilikambo Fiambena

Mampiasa JW Library ty ankamaroani-mpitory mba hanomàna fivoria, le teatean-drozy fizarà avy le ahità ani-lahatsoratsy fianara amy Tilikambo Fiambena iny. Fe misy lahatsoratsy hafa koa matetiky amy Tilikambo Fiambena rey, zany hoe lahatsoratsy misy hany ara-panahy. Akory ty hahitanao ani-lahatsoratsy reo noho ahafahanao mandramby soa baka amy raha rey lafa mampiasa JW Library?

• Misy lohatenikely hoe “Azo Vakỳ Koa” amy farani-lahatsoratsy fianara kiraidraiky amy Tilikambo Fiambena. Kiboho ty hoe “Lahatsoratsy hafa amy gazety toy ato”, ambanini-lohatenikely io eo. Henteo lohahevitsy anatini-gazety iny, fa ho hitanao eo ty lohateny noho nimeròni-lahatsoratsy fianara kiraidraiky. Kiboho ze lohateny teanao ho vakỳ amy lahatsoratsy hafa eo.

• Hiseho amy pejy fandrambesa amy JW Library, amy fizarà hoe “Inona ny Vaovao?” eo ze Tilikambo Fiambena vo niboaky, bakeo telesarzevo. Sokafo gazety nitelesarzevanao iny, le henteo lohahevitsy anatini-gazety iny mba hahazoa antoky hoe mandramby soa amy lahatsoratsy iaby anatiny ao rey iha.