Faataoto

24 Aua e te matauʻa i tagata leaga,

Aua foʻi e te naunau e aufaatasi ma i latou,+

 2 Auā e mafaufau loloto o latou loto i faiga sauā,

Ma e tautatala o latou laugutu i mea e faatigā ai isi.

 3 Ua atiaʻe le fale* i le atamai,+

Ma ua faamausalīina i le faautaga loloto.

 4 O le poto foʻi e faatumuina ai ona potu

I mea tautele ma ‘oa mananaia eseese uma.+

 5 O le tagata atamai, e malosi o ia,+

Ma o le tagata poto, e tupu lona malosi.

 6 O le taʻitaʻiga atamai e te tau ai lau taua,+

Ma o le toʻatele o ē e faufautua, e manumalo ai.*+

 7 E lē mafai e le tagata valea ona maua le atamai moni;+

E leai sana faamatalaga e fai i le faitoto‘a o le aai.

 8 O so o se tasi e faufau mea leaga,

E taʻua o ia o le tagata e atamai i faufauga leaga.+

 9 O faufauga valea,* o le agasala lea,

Ma e inosia e tagata o lē e tauemu.+

10 Pe a e lotovaivai i le aso o le puapuaga,*

O le a itiiti lou malosi.

11 Ia laveaʻi iā i latou ua puʻea ia oti,

Ma ia taofi mai i latou ua tautevateva atu i le faaumatiaga.+

Ioe, o Lē e silasila mai iā te oe, e na te silafia

Ma toe taui atu i tagata ta‘ito‘atasi e tusa ma ana gaoioiga.+

13 Loʻu atalii e, ia ʻai i le meli auā e lelei ia;

O le meli mai i le faamoega lagomeli, e suamalie i le ‘ai.

Afai e te mauaina, o le a maua ai sou lumanaʻi manuia

Ma lē mou atu lou faamoemoe.+

15 Aua e te lamalama e pei o le tagata amioleaga e lata i le fale o le tagata amiotonu;

Aua e te faaumatia le mea e mālōlō ai o ia.

16 Auā e faafitu ona paʻū o lē e amiotonu ma o le a toe tulaʻi o ia,+

Ae o le a tautevateva o ē e amioleaga ona o mala.+

17 Aua e te olioli pe a paʻū lou fili,

Aua foʻi neʻi fiafia lou loto pe a tausuai o ia;+

18 Ina neʻi silasila i ai Ieova ma lē fiafia o ia,

Ma o le a Ia faaliliuese lona toʻasā mai iā te ia.*+

19 Aua e te tigā* ona o ē e fai mea leaga;

Aua e te matauʻa i tagata amioleaga,

20 Auā e leai se lumanaʻi mo se tasi e leaga;+

O le a tineia le molī o ē e amioleaga.+

Aua e te faifaimea faatasi ma ē e fouvale,*+

22 Auā o le a tupu faafuaseʻi lo latou malaia.+

25 Ae o le a manuia i latou e aʻoaʻia o ia;+

O le a oo faamanuiaga o mea lelei iā i latou.+

27 Ia sauniuni lau galuega i fafo, ma ia tapena mea uma mo le galuega i le fanua;

Ona e fausia lea o lou fale.*

29 Aua e te faapea ane: “Ou te faia iā te ia e pei ona ia faia iā te aʻu;

Ou te toe taui atu iā te ia ona o lana mea na fai.”+

30 Na ou ui ane i le fanua o le tagata paiē,+

Ma le togāvine o le tagata ua leai se mafaufau.*

31 Na ou vaaia ua sosolo ai vao leaga;

Ua ufitia le fanua i laau tuitui,

Ma ua solo i lalo lona pā maa.+

32 Na ou iloaina ma teu i lo‘u loto lenei mea;

Na ou vaai i ai ma a‘oa‘oina ai lenei lesona:*

33 Seʻi toe fai sina moe, seʻi toe fai foʻi sina moeiini,

Seʻi toe fai foʻi sina piilima a o taoto,

34 Ona oo mai ai lea o lou mativa e pei o le tagata faomea,

Ma lou lē tagolima e pei o le tagata ua uu ana auupega.+