Taulimaina o le Tala Lelei—O se Aiga
1 O se aiga tuuina atu ua auai atoatoa i le auaunaga paia—o le tamā, tinā, ma le fanau e auauna i le Atua ma le solu atoa—o se viiga i le suafa silisili o Ieova. Tatou te fiafia ona e toatele aiga faapena o loo i ai i faapotopotoga o tagata o Ieova i le lalolagi aoao.
2 Ioe, ua iai i le tamā le avega tauave muamua e tausia mo manaoga faaleagaga o lona aiga. (1 Kori. 11:3) Faatasi ma le felagolagomai o lana avā ma le fanau, e mafai e lona aiga ona faaofi atu se aafiaga malosi i isi. (Mata. 5:16) O ā nisi o itu e mafai ona folasia ai lenei felagolagomai?
IA TAIMUA MĀTUA
3 I le tele o tulaga, atonu o le tamā o se toeaina po o se auauna o le faiva. O le uiga o lenei mea e faaopoopo i faanaunauga o lona aiga, e tatau ona tuuina atu sona taimi ma uai atu i meafai a le faapotopotoga. O le avega tauave a le tamā o le vaai totoa ua faasoasoa le taimi avanoa ina ia lē faagaloina ai lona aiga. Atonu o le a lē faigofie lenei i taimi uma pe a manatu i le tagisiaina o lona taimi faatapulaa. Ae ona o lona aiga o lana avega tauave muamua, e tatau ona ia faatulaga e le aunoa sona taimi tāua e faatasi ai ma lona aiga i le suesuega, i le auaunaga i le fanua, i sauniga, ma evaevaga onomea. Ona o aiaiga ma isi avega tauave atonu o le a suia ai le faasologa a le tamā i faatasiga, peitai maeu se tauia pe afai e mafai ona ia faaaluina se taimi i masina uma i le auaunaga i le fanua ma sui o lona aiga!
4 E tāua le felagolagomai ma le avā. E mafai oa ia lagolagosua i lana tane i se auala e sili ona tāua i le fesoasoani e toleniina le fanau i le faiva. O lana faaaʻoaʻoga maelega ma le tuutoina o le a tele sona aafiaga i le fanau e tutupu aʻe i lo latou talisapaia mo le faiva.—2 Timo. 3:14, 15.
5 E anoanoai faaaʻoaʻoga lelei o tulaga sa faapea ona amo toatasi ai e se matua le uta faaleagaga o avega tauave ma toleniina ma le manuia fanau i le faiva. Ona o le faaaʻoaʻoga sili ona lelei a lo latou tinā po o le tamā, e toatele tagata talavou ua tauaveina se tulaga mausali o le upu moni, e oo i le tagofia o le faiva faataimi atoa.
AVEGA TAUAVE A FANAU
6 Ae ā le avega tauave a fanau? E oo i le Alo lelei atoatoa o le Atua, o Iesu, a o avea pea ma tamaitiiti, sa gauai i le taʻitaʻiga ma le faatonuga a ona mātua. (Luka 2:51) O le mea lea, pe a fuafuaina e le tamā ma le tinā e faaalu faatasi e le aiga se taimi i le faiva, o le matafaioi a le fanau o le faaalia lea o lo latou tuutoina faaleatua i le felagolagomai ma o latou mātua.—Efe. 6:1-3.
7 O le tapuai faatasi o se aiga—i suesuega, tofu sao i le faiva i le fanua, ma auai i sauniga—e faamalosia ai le fusi o le alofa ma le autasi i le liʻo o le aiga. Mātua ma fanau ia saosaolaumea avega tauave i lenei itu.