Fesoasoani i le Taimi Tatau
1 Ona o lona manatu mamafa moni mo le faapotopotoga, o le a saunia ai pea e Iesu le “fesoasoani . . . i ona aso e tatau ai.” (Epe. 4:16) O le tele o le fesoasoani manaomia ua sauniunia e ala i “mea alofa i tagata,” e pei ona folafola i le Efeso 4:8, 11, 12. O se tasi o na meaalofa o le ovasia o le auaunaga i faapotopotoga taitasi.
2 O ā auala e mafai ona fesoasoani ai le ovasia o le auaunaga ia i tatou? E fai si feololo: (1) Ua ia inainā e tausia i tatou uma ia malamalama i le tāua o le galuega talaʻi ma le faia o soʻo. (2) E ia te ia le atugaluga e saunia se faamaopoopoga ma se taʻitaʻiga lelei i le fanua e ala i Suesuega Tau Tusi a le Faapotopotoga i vaega. (3) Na te naunau e vaaia ua aumai ia i tatou taitoatasi le fesoasoani totino e manaomia ia faaleleia ai lo tatou uigā o ni faifeau.
ASIASIGA A LE OVASIA O LE AUAUNAGA
3 E faaopoopo i le fesoasoani matagofie e lē aunoa ua saunia e ala i le faatatauga o le Suesuega Tau Tusi a le Faapotopotoga, ua faia foi sauniuniga faapitoa mo i tatou e maua ai le fesoasoani i se faavae taitoatasi. E masani ā ona tofia le ovasia o le auaunaga e taulimaina se Suesuega Tau Tusi a le Faapotopotoga, peitai i masina taitasi na te tuua ai lana lava vaega ae galulue ma se tasi o isi suesuega tau tusi mo se vaiaso. Suitulaga lana fesoasoani a o alu ese o ia. E muamua ona ia logoina le taʻitaʻi o le suesuega a o mamao lana asiasiga ina ia mafai e le vaega ona faia fuafuaga talafeagai ia maua aogā atoatoa mai gaoioiga o le vaiaso.
4 I le gasologa o lenei vaiaso faapitoa, e taulimaina le suesuega tau tusi i le auala masani mo le 45 minute. O le a faaavanoa e lenei le 15 minute mo le ovasia o le auaunaga e avatu ai se lauga faalaeiau ua fuafuaina e fesoasoani ia i tatou ia faaleleia i la tatou galuega faaevagelia. E tāua mo tagata talaʻi uma, atoa ma ē naunau fou, ona auai.
5 E tatau i tagata talaʻi uma i le vaega ua asiasia ona fuafua e faia se sao atoatoa i le auaunaga a o faagasolo lenei asiasiga faapitoa, ae maise i le faaiʻuga o le vaiaso. I mea e talafeagai ai, e mafai ona taupule e molimau i le afiafi mo lena vaiaso. O se tasi o sini o le ovasia o le auaunaga ia galulue i le auaunaga ma le toatele o tagata talaʻi e mafai ai. Atonu e mafai ona ō faatasi o ia ma nisi o i tatou ia tatou toe asiga ma suesuega faale-Tusi Paia. So o se tasi e lagona le manaomia o le fesoasoani po o se faalaeiauga i le faiva e mafai ona oo atu ia te ma talosagaina le fesoasoani. E mafai foi, ona tatou maua aogā i le auai i faatasiga mo le auaunaga i le fanua e faapea ona ia taulimaina mo le vaega i lena vaiaso.
6 O le a faaalu e le ovasia o le auaunaga le taimi e talanoa ai gaoioiga a le vaega ma le taʻitaʻi o le suesuega. E autaluina faatatauga faifai pea mo le auaunaga ia faamautinoa ua pulea mea i se auala faatino e aogā mo tagata uma. Afai e manaomia e nisi le fesoasoani po o se faalaeiauga e auai e lē aunoa i le faiva, atonu o le a ia talanoa ma na o i latou ma ofo i ai nai faufautuaga agalelei o le a fesoasoani ia i latou e faaleleia. E mafai e le ovasia o le auaunaga ona faia faatatauga e asiasi i tagata lē talaʻi pea faatasi ma le taʻitaʻi o le suesuega. E mafai foi, ona ia autaluina ma le taʻitaʻi o le suesuega tau tusi le faila o lipoti o suesuega faale-Tusi Paia a lena vaega. Atonu e mafai ona latou ō faatasi ma nisi o tagata talaʻi i a latou suesuega faale-Tusi Paia i aiga ma ofoina i ai se faalaeiauga faaleagaga.
7 I faapotopotoga e tele suesuega tau tusi, atonu o le a faatuatuai le asiasiga a le ovasia o le auaunaga. O le mea lea, e tatau ai i tagata uma ona faia se taumafaiga faaopoopo ia maua aogā atoatoa pe a ia asiasi atu. I le taimi o le asiasiga, faamaumau faufautuaga ua aumaia mo le faaleleia o lau faiva ma faia se uunaiga tinoū e faatinoina i latou a o leʻi oo i le isi asiasiga. O le mea moni, e avanoa o ia i le faapotopotoga e saunia le fesoasoani i so o se taimi tatou te manaomia ai. I faapotopotoga e itiiti Suesuega Tau Tusi a le Faapotopotoga, o le a taumafai le ovasia o le auaunaga e asiasi i vaega taitasi a itiiti mai o le taʻi ono masina.
8 O lo tatou loto malie e felagolagomai ma le auauna o le auaunaga ma avatu le lagolagosua ma le loto atoa pe a ia asiasia la tatou Suesuega Tau Tusi a le Faapotopotoga o le a fesoasoani ia i tatou e faateleina lo tatou uigā i le galuega o le fai ma soʻo ma maua ai le olioli tele i la tatou faiva.