Sauniga e Fesoasoani ia i Tatou e Faia Soʻo

VAIASO E AMATA IA OKETOPA 1

Pese 51 (92)

10 minu: Faasilasilaga masani ma Faasilasilaga filifilia mai La Tatou Faiva o le Malo. Fautua ni taulimaga se lua o mekasini o le a talafeagai ma lou oganuu.

20 minu: “Faaauau ona Aʻoaʻo Atu e Aunoa ma le Faavaivai.” Talanoaga ma faataʻitaʻiga. A maeʻa ona iloilo le palakalafa 2, ona faataʻitaʻi lea e ni paeonia agavaa po o ni tagata talaʻi pe faapefea ona ofo o se tusiga i se tagata e faaalia le naunau moni i le feau o le Malo. Afai e manao le tagata e fia maua pea le (ni) mekasini, tatou te fiafia e tusia se tusiga ina ia mafai ai ona ia maua mekasini i le meli. Faamatala i ai le auala ua lagolagoina ai la tatou galuega i foai tauofo. Afai na te lē fia faia se foai, e mafai ona tatou faalaeiau o ia e maua aogā mai le faitauina o mekasini ma ofo i ai e te toe foi atu e talanoaina nisi faamatalaga faale-Tusi Paia faalaeiau. Faailoa atu e le taʻitaʻi fono le manaoga ia faautauta pe a ofo le tusiga. E faalētāua tele ona faapea atu e mafai ona maua mekasini mo se vaitaimi iloga, e pei o se tausaga e tasi. E ao foi i se tusiga e ono masina ona atiina aʻe le talisapaia o le tagata mo le feau o le Malo ua lomia i le mekasini ma fesoasoani ai ia i tatou e faamautinoa pe naunau moni o ia. A maeʻa palakalafa 3 ma le 4, ia iloiloina e ni tagata talaʻi aʻasa se toalua le auala o le a la faatatauina ai ia faufautuaga ia Oketopa ma masina o loo fotuai mai.

15 minu: “Tausisi i le Taimi ma Oe.” Lauga a se toeaina ua maopoopo lelei e faavae i Le Olomatamata faa-Peretania o Iuni 15, 1990, itulau 26-29.

Pese 105 (195) ma le tatalo faaiʻu.

VAIASO E AMATA IA OKETOPA 8

5 minu: Faasilasilaga masani ma Tala Faatiokarate.

20 minu: Mātua, Aua Neʻi Faaonoono Ia Outou Fanau. Lauga ma se faataʻitaʻiga e faavae i itulau 16 ma le 17 o le Awake!, Ianuari 22, 1990, ma tamaʻi ulutala “Uunaiaina Lau Tama Ia Tautalatala Mai” ma le “Malamalama I Manaoga O Le Au Talavou” i le mataupu 11 o le tusi Olaga Faaleaiga. Faamamafa le manaoga mo mātua ia malamalama i o latou alo taitoatasi ma fesoasoani ia i latou ia tuputupu aʻe faaleagaga atoa ma isi. I le faaiʻuga o le suesuega faale-Tusi Paia, faataʻitaʻi le auala e faamālō ai se matua i le fanau mo a latou taumafaiga. Faaalia le naunau ia latou mea aʻoga i le avatua o faalaeiauga ma fesoasoani i vaipanoa o loo fai ma faafitauli ia i latou. Faamamafa i toe upu a le taʻitaʻi fono le manaoga ia teu fatu i taimi uma faanaunauga o le tamaitiiti.

20 minu: “Pāʻia Loto e Ala i Suesuega Faale-Tusi Paia Uigā.” Iloiloga o le mataupu i fesili ma tali. A iloiloina palakalafa 3 ma le 5, faataʻitaʻi ona fetuutuunai ma aiaiga i lou vaipanoa. Faamamafa manatu talafeagai i le w 3/1/85.

Pese 103 (193) ma le tatalo faaiʻu.

VAIASO E AMATA IA OKETOPA 15

Pese 70 (132)

10 minu: Faasilasilaga masani ma le tala o le tupe. Faaaofia le talialoaia e le Sosaiete o foai, ma folasia le talisapaia mo le lagolagoina tau tupe o manaoga o le tou faapotopotoga. Faatalanoa puupuu se aiga o loo fuafuaina se gaoioiga tau auaunaga i le fanua i le faaiʻuga atoa o le vaiaso, e faamatilatila ai fuafuaga atonu e faapea ona aogā i isi.

20 minu: “Atiina aʻe Faiā Vavalalata Faaleaiga.” Lauga a se toeaina, ma sina sao a le aofia. Faaaofia faufautuaga i se mea e mafai ona fai i lou vaipanoa e atiina aʻe ai uiga faaleagaga i sui o le aiga ma fesoasoani i tagata uma e olioli i le galuega tau auaunaga i le fanua.

15 minu: Sauniuniga mo le Faiva i le Fanua. Faataʻitaʻi se vaega faaleaiga o loo sauniunia ni taulimaga i le fanua faatasi ma se tagata e toatasi o loo faamatilatilaina mekasini, o le isi e ofoina se sāvali, ma le lona tolu e ofoina se suesuega faale-Tusi Paia i aiga e faifua. Faailoa mai le faatinoina o ia mea e le tasi ma le isi o sui o le aiga.

Pese 71 (138) ma le tatalo faaiʻu.

VAIASO E AMATA IA OKETOPA 22

Pese 89 (162)

10 minu: Faasilasilaga masani. Talanoa puupuu mataupu silisili i le Pusa Fesili e ui ina atonu e lē o maua ai outou i le tulaga ua faamatalaina i le taimi nei. Lipoti le agaʻigaʻi i luma o le tauiviga o le tusiga o le Awake!

15 minu: Talisapaia le Galuega a le Ovasia Matagaluega. Talanoaina ma le aofia le mataupu i lalo o le “Ovasia Matagaluega” i itulau 47-50 o le tusi Organized to Accomplish Our Ministry. E ao i le taʻitaʻi fono ona faamamafa le auala e mafai ai ona tatou maua aogā mai le lagolagoina atoatoa o le asiasiga. E tatau ona tatou talisapaia le faaaʻoaʻoga o le tuutoina i le Atua ua faataatia e le ovasia matagaluega ma lona faletua i le tauaveina o lo la tofiga.

20 minu: “Taulimaina o le Tala Lelei—I le Felafolafoai Ma Tagata.” Talanoaga o le mataupu i fesili ma tali. Fai ni faataʻitaʻiga lava saunia e faaalia ai pe faapefea ona amata ni felafolafoaiga i le fale ma pe a feiloai foi ma tagata i fafo.

Pese 66 (129) ma le tatalo faaiʻu.

VAIASO E AMATA IA OKETOPA 29

Pese 109 (204)

5 minu: Faasilasilaga masani.

15 minu: Sapaitalia a Tatou Auauna o le Faiva. Faatalanoa uso o loo vaaia le pulelaa ma mea faatele leo, tupe, tusi, mekasini, ma tiute o se tautua. Faaauivi mai o latou tiute iloga ma e mafai faapefea e tagata talaʻi ona felagolagomai ina ia atili ai ona tausaafia la latou galuega. Fetuutuunai i manaoga o le faapotopotoga.

10 minu: Manaoga o le faapotopotoga.

15 minu: Sauniuni mo le Faiva ia Novema. Iloilo ni manatu e talanoa i ai e talafeagai ona faaaogā i lau oganuu i le taulimaina o le Tusi Paia Samoa ma le “Faauta! Ou te Faia ia Fou Mea Uma Lava.” Faataʻitaʻi pe ono faapefea ona talanoa le tagata talaʻi ma lē ona le fale e uiga i le tāua o le faitauina o le Tusi Paia. E mafai ona faaaogā le 2 Timoteo 3:16, 17 e faaalia ai faapea o le Afioga a le Atua ua faagaeeina ma e aogā, sosoo lea ma le Ioane 17:3 e faailoa ai lona aogā patino. Faafesootai i le ofo o Novema.

Pese 88 (160) ma le tatalo faaiʻu.