Pusa Fesili

● Afai e seʻe ese se tagata talaʻi i se isi nofoaga, o le ā e ao ona faia e fesoasoani ai i le agaʻi atu i se faapotopotoga fou?

O le taimi lava e taunuu ai se tagata talaʻi mai le isi faapotopotoga, e ao i le failautusi o le faapotopotoga, ona ia maua mai lena tagata talaʻi le igoa o lana faapotopotoga sa iai muamua, le igoa ma le tuatusi o le failautusi o lena faapotopotoga. Ona tatau lea ona ia tusi i le failautusi o lena faapotopotoga muamua, e talosaga iai mo le Pepa Faamaumau a Tagata talaʻi o le Faapotopotoga ma se tusi e faatatau i le tagata talaʻi. O le isi failautusi na mauaina lenei talosaga e ao ona tali atu ma le lē faatuai.—Vaai le Organized to Accomplish Our Ministry, itulau 104-105.

E mafai ona fesoasoani le tagata talaʻi o le a seʻe ese e faamautinoa ua ia iloa le igoa saʻo o le faapotopotoga o loo ia auai ma le igoa ma le tuatusi o le failautusi. Ma, pe a taunuu atu i le faapotopotoga fou, e mafai ona avatu lenei faamatalaga i le failautusi iinā ina ia mafai ai ona ia vave gaoioi i ai. E mafai ona taofi le avatua o lipoti o le auaunaga i le fanua i le faapotopotoga fou seia maua mai le pepa faamaumau. Mulimuli ane e mafai ona lafo atu galuega a le tagata talaʻi i le pepa faamaumau ma faaaofia ai i le lipoti a le faapotopotoga o le masina e sosoo ai.

I nisi tulaga atonu ua uma ona iloa e le tagata talaʻi le igoa ma le tuatusi o le failautusi o le faapotopotoga lea o le a ia seʻe i ai. Afai o lea, o le a lē tau manaomia la ona faatali le au toeaina mo se talosaga. E mafai ona vave auina atu le faamaumauga o gaoioiga a le tagata talaʻi ma se tusi e faailoa atu ai i le failautusi a le faapotopotoga lea o le a auaumea ma le tagata talaʻi.