Sauniga e Fesoasoani ia i Tatou e Faia Soʻo
VAIASO E AMATA IA IUNI 3
Pese 112 (207)
10 minu: Faasilasilaga masani ma Faasilasilaga talafeagai mai La Tatou Faiva o le Malo.
20 minu: “Faatino le Tuutoina i le Atua e Pei ona Faia e Keriso.” Ufitia i fesili ma tali, ma ia faitau palakalafa 1-5, 7, 8. Faataʻitaʻi le ofo mo le tusi Mankind’s Search for God e pei ona fautuaina i le palakalafa 6.
15 minu: “Tausia ia Malosi le Faatuatua e Ala i Suesuega Totino.” A uma le faatomuaga i le palakalafa 1, ia faia se talanoaga i fesili ma tali i palakalafa o loo totoe. Ia talanoaina mau uma pe a lava le taimi. A talanoaina le palakalafa 6, ia faaaofia ni fautuaga aogā sa fesoasoani i uso i le faapotopotoga. Atonu e lelei pe a iai se tagata talaʻi e faailoa puupuu maia po o le ā na fesoasoani ia te ia ina ia faaleleia lana masani e suesue ma faamalosia ai lona faatuatua.
Pese 22 (41) ma le tatalo faaiʻu.
VAIASO E AMATA IA IUNI 10
Pese 97 (182)
5 minu: Faasilasilaga masani. Tala o le tupe. Faitau le faailoaga o le talisapaia e le Sosaiete o le lagolagosua tau tupe mo le galuega i le lalolagi aoao. Ia faafetai foi, i le faapotopotoga mo foai faameaalofa na maua.
20 minu: “Faaalia le Naunau Totino i Isi.” Fesili ma tali. Iloiloina ma le faapotopotoga le mea e mafai ona faia i lou vaipanoa e faatatau ai faamatalaga.
10 minu: Mea na tutupu i le faaaogāina o le tusi Mankind’s Search for God i le galuega talaʻi i la outou oganuu, atoa ma le faia o toe asiga ma suesuega faale-Tusi Paia i aiga.
10 minu: Pusa Fesili. Ia taulimaina e le ovasia o le aʻoga le talanoaga.
Pese 99 (118) ma le tatalo faaiʻu.
VAIASO E AMATA IA IUNI 17
Pese 68 (133)
10 minu: Faasilasilaga masani. Faamatilatila se manatu e tasi pe lua mai mekasini o loo iai. Faalaeiau tagata talaʻi ina ia faia se sao atoatoa i le auaunaga i le fanua i lenei faaiʻuga o le vaiaso.
20 minu: “Taulimaina o le Tala Lelei—Faatasi ma Mekasini i Oganuu ua Ufitia Soo.” Fesili ma tali. A talanoaina le palakalafa 3, ia faaogā e se talavou lava saunia mekasini o loo iai e faataʻitaʻi ai pe mafai faapefea e tagata talaʻi talavou ona talanoa ma tagata o aiga ma ofo i ai lomiga. E mafai ona faapea atu: “Talofa. O loʻu igoa o ______. Ua ou oo mai e aumaia ia te oe ni nai faamatalaga e sili ona tāua e uiga [taʻu le mataupu po o le ulutala]. Sa ou fiafia lava i le manatu lea. [Faasino i ai le manatu patino pe faamatala i ai se ata.] Na fesoasoani tele ia te aʻu [taʻu lona aogā ia te oe], ma ou te manatu o le a e olioli ai foi. Afai e te faitauina le mekasini, ou te fiafia e tuu ma oe.” A talafeagai, e mafai ona e faamatala i ai le tulaga o la tatou faiva i le lalolagi aoao o loo faapea ona lagolagoina atoatoa e ala i foai tauofo.
15 minu: “Faalauiloaina o le Tala Lelei i le ‘Aai o Tagata Polenisia’ i Niu Sila.” Lauga e faavae i Le Olomatamata, Iuni 15, 1991, itulau 21-23.
Pese 108 (200) ma le tatalo faaiʻu.
VAIASO E AMATA IA IUNI 24
Pese 74 (139)
10 minu: Faasilasilaga masani. Tala Faatiokarate. Faalaeiau le faapotopotoga e lagolagoina faatatauga mo le auaunaga i le fanua i le faaiʻuga o le vaiaso. Faamatilatila puupuu se tasi pe lua ni manatu e talanoa i ai mai mekasini fou.
20 minu: “Faataunuuina La Tatou Faiva o le Malo i le Fanua.” Iloiloga o le mataupu i fesili ma tali. Faataʻitaʻi pe mafai faapefea ona faaaogā tatau manatu o loo i palakalafa 2-6. A iloiloina le palakalafa 5, fai se faataʻitaʻiga e faaalia ai le oo atu o se tagata talaʻi o lē e faafaigata ona amataina se suesuega faale-Tusi Paia i le ovasia o le auaunaga mo se fesoasoani. Faaaogā e le ovasia le Index e fesoasoani ai i le tagata talaʻi.
15 minu: Manaoga o le Faapotopotoga po o le Tāua o le Molimau Lē Fuafuaina. Faatalanoa ni tagata talaʻi se toalua pe toatolu o ē na maua le upu moni e ala i le molimau lē fuafuaina. Faalaeiau le faapotopotoga ina ia mataʻalia i avanoa e molimau lē fuafuaina ai.
Pese 6 (14) ma le tatalo faaiʻu.