Sauniga e Fesoasoani ia i Tatou e Faia Soʻo
FAAALIGA: O le a faatulagaina i La Tatou Faiva o le Malo se Sauniga o le Auaunaga mo vaiaso taitasi ia Aokuso ma Setema. E mafai e faapotopotoga ona faia ni fetuutuunaiga pe a manaomia ina ia auai i le tauaofiaga itumalo ma mo se autaluga e 30 minute o manatu tāua o le polokalama i le Sauniga o le Auaunaga i le vaiaso e sosoo ai. E mafai ona muai tofia le autaluga o aso taitasi i ni uso agavaa se toalua pe toatolu o ē e mafai ona taulaʻi atu i manatu autū. O le a fesoasoani lenei autaluga lava saunia i uso e manatua ai manatu autū mo le faatatauina totino ma le faaaogāina i le fanua. E ao ona pupuu ma fana saʻo i le manatu tali mai le aofia ma mea tutupu e faamatalaina.
VAIASO E AMATA IA AOKUSO 5
Pese 81 (165)
10 minu: Faasilasilaga masani ma Faasilasilaga e filifilia mai La Tatou Faiva o le Malo. Faia se taulimaga e tasi pe lua o mekasini o le a talafeagai mo le oganuu, ma faalaeiau tagata talaʻi uma ia ō i le auaunaga i le fanua i lenei faaiʻuga o le vaiaso. Aumai le tusi Reasoning i le Sauniga o le Auaunaga i le vaiaso a sau.
20 minu: “Vivii Atoatoa i le Suafa o le Atua.” Talanoaga i fesili ma tali. Faaiʻu i se faataʻitaʻiga lava saunia e faaalia ai le auala e ono faaaogā ai le Mataupu o Talanoaga o loo iai. Fetuutuunai i aiaiga i le oganuu. A uma ona faafeiloai pe faailoa atu ia lava ma le talafeagai, e ono faapea atu le tagata talaʻi: “O loo matou talanoaina i le asō ma o matou tuaoi le manaoga ia maua se vaaiga mautinoa mo le lumanai. Ua lē aunoa ona tautalagia e taʻitaʻi o le lalolagi a latou fuafuaga mo se lalolagi e sili ona lelei. O le ā ua faalagolago i ai o latou faamoemoega? E te talitonu ea ua agavaa tagata mo le aumaia o se lalolagi e sili ona lelei? [Faataga mo se tali.] O loo iai se mea na taʻua e le perofeta o Ieremia e uiga i lenei itu e pei ona faamauina i le Ieremia 10:23. [Faitau.] Na pau le auala ua mafai ai ona tatou mautinoa le lumanai, ona ua tatou iloa e uiga i le folafolaga na faia e le Atua lava ia. Ma o le a lē mafai ona lē taulau lana folafolaga. O le mea lenei na tusia e le aposetolo o Peteru. [Faitau 2 Peteru 3:13] Seʻi matau foi le auala ua faamatilatila ai i lenei polosiua le folafolaga mautinoa mai le Atua.” Ona faaauau lea e le tagata talaʻi ona faaali i lē ona le fale ni faamatalaga talafeagai i le polosiua Olioli i Le Ola po O le Malo.
15 minu: “Totō ma Faasūsū—O ni Laasaga i le Faia o Soʻo.” Talanoa ma le aofia palakalafa 1-9 o le sulu, itulau 3. A talanoaina palakalafa 7-9, ia faia se faatatauga aogā o le mataupu e ala i le faaaogāina o ni faatalanoaga pupuu o ni tagata talaʻi o ē ua mafai ona faia le mea ua taʻua po o ni mea tutupu i lou vaipanoa e faataʻitaʻi ai manatu. Ia mautinoa e pupuu ma fana saʻo i le manatu mea tutupu po o faatalanoaga.
Pese 58 (130) ma le tatalo faaiʻu.
VAIASO E AMATA IA AOKUSO 12
Pese 7 (27)
10 minu: Faasilasilaga masani. Tala o le Tupe. Faitau i le faapotopotoga talialoaia ma faaleoga o le talisapaia mai le Sosaiete mo foai na auina atu. Ia faamālō foi, i le faapotopotoga mo le lagolagosua i manaoga o le faapotopotoga. Faalaeiau e auai i le auaunaga i le fanua i le faaiʻuga o le vaiaso ma isi taimi pe a faia faatatauga mo le molimau atu i vaega.
15 minu: “Auai ma le Loto Atoa i le Faiva i le Fanua—Vaega 2.” O se lauga faalaeiau ma aogā e taaofaia ai manatu i le mataupu ma faataʻitaʻi ai le faaaogāina o le tusi Reasoning. E lē manaomia ona faataʻitaʻi fua e nisi manatu ua taʻua, peitai e mafai lava e le failauga ona tau o le faailoa mai pe faapefea ona sue ma faaaogā mataupu o loo i lenei mea faigaluega lelei mo le auaunaga i le fanua. Faataʻitaʻi puupuu le tāua o vaega faataʻitaʻi e sauniuni ai mo le faiva i le fanua. A lava le taimi, e mafai ona valaaulia le tagata talaʻi e faamatala mai le auala o ia faia ai lenei mea.
20 minu: “Totō ma Faasūsū—O ni Laasaga i le Faia o Soʻo.” A maeʻa se faatomuaga puupuu e faafesootai ai ma manatu na ufitia i le vaiaso ua mavae, faia se autaluga i fesili ma tali o palakalafa 10-20 o le sulu, itulau 3 ma le 4. Atonu e mafai e nisi tagata talaʻi ona faamatala mai pe ua faapefea ona latou faaleleia la latou faiva ma amataina suesuega faale-Tusi Paia e ala i le faatatauina o faufautuaga na aumaia i lomiga faatoʻā tuanai atu o La Tatou Faiva o le Malo.
Pese 28 (48) ma le tatalo faaiʻu.
VAIASO E AMATA IA AOKUSO 19
Pese 51 (92)
10 minu: Faasilasilaga masani. Tala Faatiokarate. “Galulue Mamafa i le Faia o le Finagalo o le Atua.” Faalaeiau uso e faia ni fuafuaga mamao e auai i le polokalama o le aso fono faapitoa 1992. Faasilasila le aso ma le nofoaga pe afai ua iloa. A lava le taimi, faailoa mai po o ā ni mataupu i mekasini o loo iai atonu e sili ona talafeagai e ofo i lea fale ma lea fale i lenei faaiʻuga o le vaiaso.
20 minu: “Taulimaina o le Tala Lelei—I Oganuu ua Galueaiina Soo.” Fesili ma tali. Faia se faatatauga o faamatalaga i le faapotopotoga pe fetuutuunai i manaoga o le faapotopotoga.
15 minu: “Faatatauga o le Suesuega Tau Tusi a le Faapotopotoga—Vaega 2.” Lauga faalaeiau a se taʻitaʻi uigā o suesuega tau tusi.
Pese 82 (152) ma le tatalo faaiʻu.
VAIASO E AMATA IA AOKUSO 26
Pese 91 (98)
15 minu: Faasilasilaga masani. Talanoaga auiliili o faatatauga a le faapotopotoga mo le auaunaga i le fanua ma le mea ua faia e saunia ai se faalaeiauga ma se fesoasoani mo tagata talaʻi o loo paeonia. Ia patino ona uaʻi atu i manaoga o i latou o ē atonu e amata la latou auaunaga paeonia ia Setema 1. Faalaeiau e auai i le auaunaga i le fanua i le faaiʻuga o lenei vaiaso, ma faamanatu i tagata talaʻi e ave se sapalai o tusi Ola e Faavavau e faaaogā i le auaunaga i le fanua e amata i le Aso Sa, Setema 1.
15 minu: Manaoga o le faapotopotoga. E mafai ona faaaogā faamatalaga o loo i le faavaa o le Awake! o Iuni 8, 1991, o se faavae mo se lauga po o se talanoaga i le mataupu o le faitatala.
15 minu: Pusa Fesili. Talanoaga ma le aofia. Faataʻitaʻi pe mafai faapefea e se tagata talaʻi ona faailoa atu i se auala tuusaʻo ma faigofie faamatalaga e uiga i foai faameaalofa. Afai e fesili mai lē ona le fale pe fia le tau o se lomiga, e mafai ona tali atu le tagata talaʻi: “E lē totogia a matou lomiga, peitai afai e te finagalo e faia sina foai itiiti i la matou galuega tau aʻoaʻoga faale-Tusi Paia i le lalolagi aoao, matou te fiafia e talia.” Pe, a talafeagai, atonu e faailoa atu e le tagata talaʻi le mataupu e faapea: “Atonu o loo e tau manatunatu pe ua mafai faapefea ona faia e Molimau a Ieova lenei galuega.” E mafai ona faatali teisi le tagata talaʻi mo se tali e mafai mai, ona faaauau lea: “O Molimau uma lava a Ieova o ni faifeau tauofo e lē totogia la latou galuega. E aofia ai i lenei mea i latou o ē o loo saunia ma tufatufaina nei lomiga. O loo lagolagoina lenei galuega e i matou atoa ma isi o ē talisapaia le aogā o lenei galuega tau aʻoaʻoga faale-Tusi Paia e ala i a matou foai faameaalofa. Afai e fia faia e so o se tasi sina foai itiiti, e talia ma le fiafia.” Ona faatali lea o le tagata talaʻi, ae seʻi tali mai lē ona le fale. Faamanatu i tagata talaʻi e faaaogā ma le atamai lomiga ma faamatala ma le faautauta i tagata o ē faaalia le naunau moni ma ave lomiga le faatatauga o foai.
Pese 101 (186) ma le tatalo faaiʻu.