Galulue Mamafa i le Faia o le Finagalo o le Atua
1 O galuega mamafa e aogā e aumaia ai ni iʻuga manaomia e sili ona faamalie loto. (Fai. 3:13) O le ā le galuega o loo faatinoina i aso nei ua sili ona faamoemoe i ai mo le fiafiaga i le taimi nei ma agaʻi atu ai i le lumanai e lē gata mai? E tasi lava le tali—o le faia lea o le finagalo o le Atua. O mafuaaga mo lenei mea o le a iloiloina maeʻaeʻa e auala i lauga, faataʻitaʻiga, ma mea tutupu i le polokalama o la tatou aso fono faapitoa mo le tausaga faaleauaunaga 1992. O le matua o le polokalama o le “Galulue Mamafa i le Faia o le Finagalo o le Atua.”—Efe. 6:6; 1 Timo. 4:10.
2 O le toatele o tagata i aso nei ua matuā lē faamalieina lava ma lē mautonu i o latou aiaiga i le olaga, lea ua faatumuina sona vaega tele i se galuega latou te lē fiafia i ai. I le eseesega, o le faia o le finagalo o Ieova i le faataʻitaʻi ia Keriso ua faatumuina ai o tatou olaga i fuafuaga ma mafai ai ona tatou faatinoina e oo lava i a tatou galuega totogi i se vaaiga mautinoa. O le ā la e aofia ai i le galulue mamafa i le faia o le finagalo o le Atua? O ā nisi o mea e tatau ona tatou puipui faasaga i ai ina ia faaauau ai pea ona ola mo le finagalo o le Atua? E tāua faapefea ona mulimuli i faatonuga ma faufautuaga ua aumaia e le faalapotopotoga a Ieova e faatatau i le galuega talaʻi ma le aʻoaʻo atu? O ā avanoa tutasi ua iai mo talavou o ē taunapa i le faia o le finagalo o le Atua?
3 O le a taliina ma le lotomalie ia fesili i le polokalama, lea e aofia ai lauga autū e lua “Pe o Pulea e le Finagalo o le Atua Lou Olaga?” ma “La Tatou Fuafuaga i le Olaga—Faia le Finagalo o le Atua.” Fuafua nei e auai ma olioli i lenei polokalama faapitoa i lona atoaga.