Sauniga o le Auaunaga mo Setema
Vaiaso e Amata ia Setema 7
Pese 30 (84)
15 minu: Faasilasilaga masani ma Faasilasilaga talafeagai mai La Tatou Faiva o le Malo. Talanoa le mataupu “Pe Mafai ona Toe Faafou le Naunau?” ma faia se faataʻitaʻiga puupuu i le auala e mafai ai ona faia se asiasiga faapena.
15 minu: “Vivii atu i le Atua o Foafoaga.” Iloilo le mataupu i fesili ma tali. Fuafua mamao mo ni talavou e lelei faaaʻoaʻoga, latou te faamatalaina mai mea na tutupu o loo i lomiga ua sii mai i le palakalafa e 4, ma e mafai e se isi tagata talaʻi ona faamatalaina le mea na tupu o loo taʻua i le palakalafa e 5. Faamamafa le manaoga ina ia faaaogā le faautauta i le ofoina o lenei lomiga tautele.
15 minu: “Taulimaga e Faagaee ai le Naunau.” Talanoa ma le aofia i le auala e faatatauina ai faufautuaga i la outou oganuu. Fuafua mo ni faataʻitaʻiga moni se lua pe tolu ua lava saunia.
Pese 50 (97) ma le tatalo faaiʻu.
Vaiaso e Amata ia Setema 14
Pese 41 (77)
10 minu: Faasilasilaga masani. Faaaofia ai le tala o le tupe ma talialoaia o foai. Faamālō i le faapotopotoga mo le lagolagoina ma le agaalofa o manaoga o le faapotopotoga, atoa ma le galuega a le Sosaiete i le lalolagi aoao. A lava le taimi, ia avatu ni mea na tutupu ua uma ona saunia e fesootai ma le ofoina o le tusi o Tala o le Tusi Paia.
20 minu: “Puipuia la Oulua Fanau Mai se Tuigā Toto.” Faia e se toeaina se lauga i le palakalafa 1-11. Ia faamanino atu le mafuaaga o loo i tua o le faaiʻuga e faapea, o le ioega a mātua ina ia togafitia e se fomaʻi le la tama i lalo o tulaga ua taʻua i le palakalafa e 5-7, e lē manaomia ona femoumouai.
15 minu: “Ia Faamautinoa e Toe Asiasi Atu.” Talanoaga i fesili ma tali. Faia se faataʻitaʻiga lava saunia e aofia ai faamatalaga ua iloiloina i le palakalafa e 6. Faamamafa le manaoga ina ia toe asiasi atu i tagata naunau sa feiloai i ai i le amataga o le masina.
Pese 6 (14) ma le tatalo faaiʻu.
Vaiaso e Amata ia Setema 21
Pese 63 (123)
5 minu: Faasilasilaga masani. Faamatala se mea puupuu na tupu i le fanua pe faailoa atu foi ni manatu e talanoa i ai, e mafai ona faaaogā i le auaunaga i le fanua i lenei vaiaso.
15 minu: “Puipuia la Oulua Fanau Mai se Tuigā Toto.” Talanoaga i fesili ma tali o le palakalafa e 12-28. Taulai atu i tali o fesili o loo faaalia i le palakalafa e 12 ma le 20. Faamamafa faapea, o sauniuniga mamao a mātua ina ia maua se togafitiga faafomaʻi mo le la tama, e masani ona avea lena ma autū o le taulau i le alofia o se tuigā toto.
15 minu: “Suesueina o le The Greatest Man Who Ever Lived.” Fesili ma tali. Atiina aʻe le maelega mo le suesueina o lenei tusi.
10 minu: Autalu Galuega a le Faapotopotoga. I le faaaogāina o fuainumera o loo i le pito i luma o le Congregation Analysis Report (S-10), lea na auina atu i le Sosaiete i le amataga o le masina, ia talanoa le ovasia taʻitaʻi ma le ovasia o le fanua i itu sa matilatila i le galuega a le faapotopotoga mo tausaga ua mavae. Faamālō mafana i tagata talaʻi ma paeonia mo a latou taumafaiga faataulaga totino i le auaunaga ma lo latou faamaoni e auai i sauniga. Ia patino ona taʻu mai vaega ua latou sili atu ai. E mafai ona faia ni faatusatusaga o le galuega i tausaga ua mavae pe afai o iai ni lipoti i le faila. Ia faailoa atu foi ni vaega e mafai ona faia ai ni faaleleiga i le tausaga faaleauaunaga o le 1993.
Pese 16 (39) ma le tatalo faaiʻu.
Vaiaso e Amata ia Setema 28
Pese 24 (51)
15 minu: Faasilasilaga masani. Tala Faatiokarate. Faailoa atu mekasini o loo maua mo le faaaogāina i le auaunaga i le fanua, ma avatu ni manatu e talanoa i ai, e tasi pe lua e ao ona tosina ane i ai tagata i le oganuu. Faataʻitaʻi pe mafai faapefea ona ofoina atu mekasini fou, e faaaogā ai se taulimaga faale-Tusi Paia, e pei o se tasi o taulimaga o loo faaauivi mai i le mataupu i le pito i luga o le itulau i tua. Faamanatu atu i tagata uma e aumai a latou kopi totino o le tusi Greatest Man i le Sauniga o le Auaunaga i le vaiaso e sosoo ai.
15 minu: “Papatisoga,” i le tusi Reasoning, itulau e 54-58. Lauga amata e faavae i lona “Uiga.” Faataʻitaʻi pe faapefea i se toeaina ona talanoa ma se tasi o lē sa vaoia mai le papatisoga. Faamatilatila le faamatalaga i le itulau e 54. Faamamafa le tāua o le faia o se tuuina atu ma faailogaina e ala i le papatisoga i le vai. Faaiʻu e le failauga i le iloiloina puupuu o faamatalaga e uiga i le papatisoga i le agaga paia, papatisoga mo ē ua maliliu, ma le papatisoga i le afi.
15 minu: Faailoa atu Mekasini ia Oketopa. Fai se lauga puupuu e faamatilatila ai le aogā o le Awake! ma Le Olomatamata. E ao i tagata talaʻi ona vave faitau lomiga fou ina ia tautala atu ai ma le maelega pe a ofoina atu i isi. E ao ona faamautinoa e naunau moni lava se tagata a o leʻi ofoina i ai se tusiga. Faataʻitaʻi le auala atonu e ofoina ai e se tagata talaʻi le mekasini ma fuafua e toe foi atu ma le lomiga e sosoo ai, ma amataina ai se ala mekasini.
Pese 28 (48) ma le tatalo faaiʻu.