Sauniga o le Auaunaga mo Setema

Vaiaso e Amata ia Setema 6

Pese 73 (157)

10 minu: Faasilasilaga masani ma Faasilasilaga e filifilia mai i La Tatou Faiva o le Malo.

20 minu: Faamalosiau Lau Fanau mo Aʻoaʻoga. O le lauga ma ni faatalatalanoaga ma faataitaiga. Ua fesagai talavou Kerisiano i aso nei ma mataupu e matuā lē malamalama lava i ai le toatele o tagata i le faapotopotoga. Ae maise lava, o mātua e tatau ona latou muai nofouta i nei lui ina ia latou faamalosiau ai i a latou fanau e faafetaiaia tofotofoga o le faamaoni. Ia faatalatalanoa ni talavou se toatolu e eseese o latou tausaga. O ā nisi o omiga patino i le aʻoga e tatau ona latou faafetaiaia i aso taitasi? O le ā ua fesoasoani ia i latou ina ia faatumauina ai le latou faiā lelei ma Ieova? Ia fuafua se faataitaiga o se aiga o loo talatalanoa faatasi i palakalafa e 2 ma le 3 i le itulau e 11 o le polosiua o Aʻoga. Ia faaali mai e tamaiti le tauemua ma le faaeseaina o i latou, ona o lo latou tausisi atu i tapulaa faale-Tusi Paia e faatatau i amioga mamā. E faalaeiau e le ulu o le aiga le fanau, i lona faaleo atu o lona fiafia i la latou faaaoaoga ma faamanatu atu ia i latou e faapea o loo matuā malie le finagalo o Ieova i a latou amio. (Faata. 27:11) Faaiu e le uso o loo tauaaoina le mataupu, i le faamālō atu i talavou o le faapotopotoga ona o a latou galuega lelei ma uunaia i latou ina ia talanoa atu pea i o latou mātua, ina ia faamalosia ai faaleagaga i latou a o faagasolo lenei tausaga faaleaoaoga.

15 minu: “Fesoasoani i Isi ia Iloa le Oa Sili.” Ia talanoaina le mataupu i fesili ma tali. Ia faamanatu i le faapotopotoga e tatau ona tuuina atu i tagata e naunau fiafia le avanoa e faimeaalofa ai i le galuega i le lalolagi aoao. Atonu e na ona faapea atu lava o se tagata talaʻi: “E ui lava ina matou ofoina a matou lomiga e aunoa ma se totogi, ae matou te fiafia e taliaina sina foai mo la matou galuega i le lalolagi aoao.” Po o lou faapea atu foi: “Afai e te finagalo e faia sina au foai mo le faaauilumaina o lenei galuega tau aʻoaʻoga faale-Tusi Paia, e mafai lava ona e faia faapea. O le a matuā talisapaia lau foai, ma o le a faaaogāina atoatoa mo le faalauteleina o le tala lelei o le Malo.” Pe a talanoaina le palakalafa e 4, ia faia se faataitaiga o se tagata talaʻi o loo ia ofoina atu i se matua le tusi o le Ola e Faavavau.

Pese 57 (107) ma le tatalo faaiu.

Vaiaso e Amata ia Setema 13

Pese 59 (112)

10 minu: Faasilasilaga masani. Ia aofia ai le tala o le tupe, ma faailoaga aloaia o foai tauofo. Ia faamālō atu i le faapotopotoga ona o le lagolago ma le limafoai i manaoga o le faapotopotoga faapea le galuega a le Sosaiete i le lalolagi aoao.

10 minu: “E Aogā i Isi le Faaaogāina o Mekasini.” Lauga ma faataitaiga. Ia faamatilatila le tāua o le faaaogāina atoatoa o lomiga fou ma lomiga tuai o mekasini. Fai ni faataitaiga se lua, o le tasi e faatomua ai se mekasini fou, a o le isi e faaalia ai le auala e faaaogā ai se lomiga tuai e foia ai se manaoga patino o lē ona le fale.

15 minu: “O le ā o le a Tatou Faataunuuina i Lenei Tausaga Faaleauaunaga?” O se lauga e faatalatalanoa ai ma le aofia. Ia faia e le ovasia taʻitaʻi. Ia toe autalu le auaunaga a le faapotopotoga i le tausaga ua tuanai, ma faamalosiau i tagata uma ina ia fuafua mo nisi galuega se tele a o faagasolo le tausaga faaleauaunaga o le 1994.

10 minu: “Ia Suesue Tusi o le Ola e Faavavau ma le Autasia i le Tapuaiga.” Pe a uma ona autalu le mataupu ma le aofia, ia faataitai mai e se tagata talaʻi ua lava saunia, le auala e suia ai le suesuega mai le tusi o le Greatest Man i le tusi Ola e Faavavau.

Pese 9 (26) ma le tatalo faaiu.

Vaiaso e Amata ia Setema 20

Pese 28 (48)

10 minu: Faasilasilaga masani. Ia faamatilatila mataupu o loo i mekasini fou e mafai ona faatomua atu i lenei vaiaso i le auaunaga i le fanua.

20 minu: “Fesoasoani i Tagata Pei ni Mamoe ina ia Atiina aʻe i se Faavae Mausali.” Talanoaina le mataupu ma le aofia. Ia faamatilatila le manaomia ona sauniuni mo toe asiga uma. Ia fuafua se tagata talaʻi agavaa e faataitai le faiga o se toe asiga i se tagata o lē na muai tuu ai le tusi Ola e Faavavau, e faaaogā ai faamatalaga mai le palakalafa e 3, po o le 5.

15 minu: “Amataina o Suesuega Faale​-Tusi Paia i Aiga.” Fesili ma tali. Pe a uma ona talanoaina le palakalafa e 4, ia faia se faataitaiga uigā o se toe asiga o loo faaaogā ai na o le Tusi Paia, ae faavae aʻe i vaega o le tusi Ola e Faavavau po o le Reasoning, e pei ona fautuaina ai.

Pese 30 (84) ma le tatalo faaiu.

Vaiaso e Amata ia Setema 27

Pese 62 (113)

10 minu: Faasilasilaga masani. Tala Faatiokarate.

20 minu: O Fea o Iai Ē Pele ia i Tatou ua Maliliu? O se talanoaga a se aiga. I le faaaogāina o le mataupu ua filifilia mai itulau e 98-100 o le tusi Reasoning, ia talanoa atu le ulu o le aiga e faatatau i le maliu o se uo mafana a le aiga. Ia faaautu lona manatu i le fesoasoani atu i lana fanau ina ia malamalama i le manatu o le Tusi Paia. E fesili atu o ia ia i latou ina ia faamautinoa o loo latou malamalama i le uiga o le oti, ma ia mafai foi ona faailoa manino mai o latou manatu e fuafua i lo latou matutua. Na te faaali atu foi ia i latou le auala e mafai ona latou faaaogāina ai le tusi Reasoning e faamafanafana atu ai i isi.

15 minu: Ia Ofoina atu Mekasini a o Faagasolo le masina o Oketopa. Ia fuafua ni faataitaiga se tolu, o le tasi e faatomua ai se Olomatamata fou, o le isi e faatomua ai se Awake! fou, ma le isi e faaalia ai o loo fai si tele o galuega a lē ona le fale, ona ofoina lea i ai o se sāvali. Pe a uma faataitaiga taitasi, ia faamanino i le aofia le pogai na aogā ai le taulimaga. Pe a faaalia mai se naunau talafeagai, e mafai loa ona ofo atu i ai tusiga o mekasini.

Pese 1 (21) ma le tatalo faaiu.