Sauniga o le Auaunaga mo Novema

Vaiaso e Amata ia Novema 1

Pese 28 (48)

10 minu: Faasilasilaga masani ma Faasilasilaga e filifilia mai i La Tatou Faiva o le Malo. Faamālo i le au talaʻi mo lo latou sao o loo faia i le galuega talaʻi o le Malo.

20 minu: “Pe E te Faaaogāina le Tusi Paia?” Talanoaga e faia i fesili ma tali e se uso e agavaa i le galuega i lea fale ma lea fale ma le faia o toe asiga. A uma ona talanoaina le palakalafa e 4, ia faataitai pe faapefea e se tagata talaʻi ona sii atu se mau pe na o se fuaitau foi i se tagata pe afai o tele ni ana mea o loo fai. A uma le faataitaiga, ia faamamafa le tāua o le mulimuli i lenei fautuaga a o tatou taumafai e “talaʻi le upu” i oganuu tatou te feiloai ai ma le toatele o tagata o loo matuā tele a latou galuega i aso faisoo. (2 Timo. 4:2) A maeʻa le talanoaina o le palakalafa e 6, ia valaaulia se tagata talaʻi e agavaa i le faaaogāina o le tusi Reasoning e faamatala mai pe faapefea ona ia faaaogā le tusi i le molimau atu.

15 minu: “Le Upu Moni e Uiga ia Iesu Keriso.” Talanoaga a le ovasia o le auaunaga ma se tagata talaʻi o loo naunau e faaleleia lona tomai i le galuega i lea fale ma lea fale. Pe a uma ona talanoaina le palakalafa e 3, ona fai atu lea o le ovasia o le auaunaga i le tagata talaʻi e faataitai le taulimaga ua faatū atu, ae avea le ovasia o le auaunaga ma tagata o le aiga. A uma ona talanoaina le palakalafa e 4, ona fai lea e le ovasia o le auaunaga le taulimaga i le tagata talaʻi. Ia faalaeiau i le faapotopotoga ina ia fesoasoani i ē loto fiafia ma tagata aʻoga o le Tusi Paia, ina ia latou talisapaia le aogā o le polosiua o le Tolutasi.

Pese 59 (112) ma le tatalo faaiu.

Vaiaso e Amata ia Novema 8

Pese 80 (146)

10 minu: Faasilasilaga masani. Faataitai se taulimaga o mekasini fou, e faatomuaina ai se mataupu e mafai ona faaaogā i le auaunaga i le fanua i le faaiuga o lenei vaiaso. Ia uai atu i “Se Masina Faapitoa mo le Auaunaga i le Fanua,” ma valaaulia tagata uma ina ia mafaufau mamafa i le tāua o le faateleina o se sao i le auaunaga i le fanua ia Tesema, e ala i le paeonia lagolago po o le galulue faatasi ma paeonia.

15 minu: “Fesoasoani i Isi ia Malamalama e Uiga ia Iesu.” Talanoaina le mataupu i fesili ma tali. Faataitai le toe asiga ua faatulaga mai i le palakalafa e 3. Faalaeiau tagata uma ina ia aasa pe a talanoa ma tagata i le galuega i lea fale ma lea fale.

20 minu: “Talavou e—Ia Faafiafia le Finagalo o Ieova.” Talanoaina e se toeaina ma ni tagata talaʻi talavou se toalua pe toatolu palakalafa 1-18. Faamamafa aogā e selesele mai e talavou ona o a latou faaaoaoga lelei, ma le aogā o mataupu o le tusi “Young People Ask . . .” Iloiloina mau pe a lava le taimi.

Pese 71 (138) ma le tatalo faaiu.

Vaiaso e Amata ia Novema 15

Pese 11 (29)

10 minu: Faasilasilaga masani, e aofia ai le tala o le tupe ma le faafetai mo foai tauofo. Faamālo i le faapotopotoga ona o lo latou lagolagosua tau tupe i le faapotopotoga, faapea foi ma le galuega a le Sosaiete i le lalolagi aoao. Faailoa atu fuafuaga mo le auaunaga i le fanua i aso malōlō a le lalolagi ua lata mai.

15 minu: “Tausia o Manaoga Faaleagaga o Ē Logonoa.” Talanoaina i fesili ma tali. Afai e leai ni tagata logonoa i le faapotopotoga, ia faapuupuu le taulimaga ma faaautu manatu i le manatu mamafa i tagata logonoa e maua i le oganuu. Ia sauniuni faatasi ma sāvali fou mo ē logonoa. Faaaogā le taimi o totoe mo manaoga o le faapotopotoga po o se lauga e faavae mai i le mataupu e faatatau i “Fesootaiga—E Sili atu i le Tau ina Talanoa” i Le Olomatamata o Aokuso 1, 1993, itulau e 3-8.

20 minu: “Talavou e—Ia Faafiafia le Finagalo o Ieova.” Talanoaga i fesili ma tali o le palakalafa e 19-33 o le faaopoopoga. Faatalanoa se tagata talaʻi e toatasi pe toalua. Ia aumaia ni manatu i le auala na fesoasoani ai le faapotopotoga i lo latou tutupu aʻe faaleagaga.

Pese 21 (47) ma le tatalo faaiu.

Vaiaso e Amata ia Novema 22

Pese 44 (85)

10 minu: Faasilasilaga masani ma Tala Faatiokarate. Faalaeiau le faaaogāina o mekasini fou i le molimau atu i le faaiuga o lenei vaiaso.

15 minu: “Fesoasoani i Tagata Aʻoga o le Tusi Paia e Sauniuni mo a Latou Suesuega.” Talanoaina i fesili ma tali. Faitau palakalafa pe a lava le taimi.

20 minu: “Mauaina Aogā Silisili Mai le Tauaofiaga Itumalo o le 1993 ‘Aʻoaʻoga Mai le Atua’”—Vaega 1. Talanoaga ma le aofia i palakalafa 1-16. E ao i tagata talaʻi ona talanoaina ni manatu talafeagai ma a latou tagata aʻoga o le Tusi Paia o le a auai i le tauaofiaga.

Pese 95 (170) ma le tatalo faaiu.

Vaiaso e Amata ia Novema 29

Pese 105 (195)

10 minu: Faasilasilaga masani. Faalaeiau i latou e mafai ona paeonia lagolago ia Tesema.

15 minu: “Mauaina Aogā Silisili Mai le Tauaofiaga Itumalo o le 1993 ‘Aʻoaʻoga Mai le Atua’”—Vaega 2. Ia talanoaina ma le aofia le palakalafa e 17-19 ma ia autalu ma le faaeteete “Faamanatu mo le Tauaofiaga Itumalo.” Ia faaaofia ai ma manatu talafeagai o loo faavae mai i le Watchtower o Iuni 15, 1989, itulau e 10-20, pe faalaeiau atu i aiga e autalu manatu o i na mataupu a o leʻi auai i le tauaofiaga.

20 minu: Faaaogāina o Laʻu Tusi o Tala o Le Tusi Paia e Fesoasoani ai i Ē Pei ni Mamoe ia Tesema. O le talanoaga ma le aofia. Ia fai atu ni fesili e pei o fesili nei: O le ā se tasi o mea na tupu i le faiva a Iesu, po o ana feutagaiga ma tagata, ua faagaeeina ai oe? Aisea ua faagaeeina ai oe e lenei mea na tupu? O le ā le tāua ia te oe o lenei tusi? O le ā ua e aʻoaʻoina e uiga ia Ieova, talu ai lou suesueina o lenei tusi? O ā ni manatu o le a e faatomuaina atu, pe a e ofoina le tusi? Ia faataitai e se tagata talaʻi agavaa le ofoina atu o le tusi. Ia faalaeiau atu i tagata uma ina ia faia so latou sao i le auaunaga i le fanua i le Aso Sa.

Pese 13 (33) ma le tatalo faaiu.