Se Masina Faapitoa mo le Auaunaga i le Fanua
1 Pe mafai ona avea Tesema ma masina faapitoa o le auaunaga i le fanua mo oe? E ono manaomia ni fetuutuunaiga i lau faasologa masani, ae po o le a lē sili ea ona aogā ona iuga?
2 O nisi o tagata talaʻi talavou ua papatiso, o le a tele aso latou te malōlō ai mai aʻoga, ma o le a fiafia e avea i latou o ni paeonia lagolago mo le masina. Maeu se faalaeiauina o i latou pe afai e iai nisi o toeaina, auauna o le faiva, po o nisi foi tagata talaʻi latou te galulue faatasi i le fanua! Afai e lē mafai ona e paeonia i le masina, ona o ni ou lava faafitauli e patino ia te oe, pe e mafai ea ona e faaalu e tau lava o ni nai itula faaopoopo i le auaunaga e galulue faatasi ai ma i latou o le a paeonia? O le a avea moni lava lena ma faalaeiauga e sili ona mafana.
3 Afai o le a faia e tagata talaʻi uma ni taumafaiga faaopoopo, atonu e mafai e toeaina ona fuafua ni vaega mo le molimau atu i aso taitasi o ia aso malōlō, ina ia mafai ai e i latou e mafai ona paeonia, ona maua pea se tasi la te galulue i le auaunaga i le fanua.
4 O le taimi la lenei e fai ai fuafuaga a le tagata lava ia, le aiga, ma le faapotopotoga foi, ina ia avea Tesema o se masina faapitoa mo le auaunaga i le fanua i la outou faapotopotoga.