Sauniga o le Auaunaga mo Ianuari

Vaiaso e Amata ia Ianuari 3

Pese 36 (65)

5 minu: Faasilasilaga masani. Faamatala puupuu mai ni manatu patino i mekasini fou e ono fiafia i ai tagata i la outou oganuu.

25 minu: Manaoga o le faapotopotoga. Po o se lauga e faia e se toeaina i le mataupu e faapea, “Le Faafitauli o le Aʻoaʻoina ina ia Faatali” e faavae mai Le Olomatamata o Oketopa 15, 1993, itulau 8-11.

15 minu: “Fesoasoani i Isi e Talisapaia le Aogā o A Tatou Lomiga.” Talanoaina le mataupu ma le faapotopotoga. Ia fai ni faataitaiga pupuu pe a uma palakalafa e 3 ma le 4. Ia faailoa atu i le au talaʻi tusi e 192 itulau o loo maua i le faapotopotoga. Afai e lē o maua ia tusi tuai i le faapotopotoga, ia faataitai le faaaogāina o le tusi Olaga Faaleaiga pe a uma ona talanoaina le palakalafa e 5.

Pese 56 (110) ma le tatalo faaiu.

Vaiaso e Amata ia Ianuari 10

Pese 107 (190)

10 minu: Faasilasilaga masani ma faasilasilaga talafeagai mai La Tatou Faiva o le Malo.

15 minu: Ua E Sauni e Faafetaiaʻia se Aiaiga Faafomaʻi e Luʻia le Faatuatua? O se lauga aasa e faia e se toeaina agavaa e fesoasoani ai i uso ina ia talisapaia le aogā o le puipuia o i tatou e le pepa faafomai (Advance Medical Directive/Release), e faaaogā ai manatu mai le palakalafa 1-3 o le faaopoopoga o La Tatou Faiva o le Malo o Fepuari 1991. I nisi o Tauaofiaga Itumalo o “Aʻoaʻoga Mai le Atua,” e sili atu i le 50 pasene o pepa sa faaaogā mo le mauaina o lomiga fou na tatalaina sa leʻi sainia, e leʻi molimauina, ma e leʻi toe faafouina foi le aso na faatumu ai. Ia tufatufa atu pepa ia tau o tagata talaʻi ua uma ona papatisoina, ona talanoaina lea o le tusi o Oketopa 15, 1991, o loo iai faatonuga mo le faatumuina o pepa. Ia fautuaina uso ia AUA neʻi faatumuina pepa i lena lava po, ae ō ma i latou i le fale, ma iloiloina o latou manaoga e ala i le tatalo ona faatoʻā faatumu ai lea. Ae AUA NEʻI SAINIA ai loa le pepa i lena taimi. Ia aumai pepa ua uma ona faatumu i le Suesuega Tau Tusi a le Faapotopotoga e sosoo ai, ina ia fesoasoani ai toeaina i le siakiina po ua sainia le pepa, molimauina, ma tusia ai le aso. O le a faaaogā e le taʻitaʻi o Suesuega Tau Tusi a le Faapotopotoga se lisi o lata mai se taimi na saunia ai, ina ia faamautinoa po ua faitaulia uma tagata o lana vaega. (E mafai ona fesoasoani mātua ua uma ona papatiso i le faatumuina o Pepa Faamaonia mo a latou fanau.) Afai e iai se tasi e misia lena suesuega tau tusi, e mafai lava ona fesoasoani atu i ai taʻitaʻi o vaega po o toeaina i le Sauniga o le Auaunaga e sosoo ai, seia oo ina maeʻa uma ona faatumu faalelei ma sainia pepa a tagata talaʻi ua papatiso. E ao i toeaina ona iai sa latou lisi mo i latou o loo totoe ma ia taumafai e faatumuina uma pepa i le vave e mafai ai.

20 minu: “Toe Foi e Atiina aʻe le Talisapaia.” Talanoaga ma le aofia. Afai o loo faaaogāina e tagata talaʻi lomiga tuai, ona faataitai lea o le auala e faia ai se toe asiga i se tagata sa ia taliaina se tasi o ia tusi. A lē o lena, ia faataitai le toe asia o se tagata o lē na ia taliaina le tusi o le Olaga Faaleaiga, e faaaogā ai manatu o loo aumaia i le palakalafa e 5.

Pese 41 (77) ma le tatalo faaiu.

Vaiaso e Amata ia Ianuari 17

Pese 110 (212)

10 minu: Faasilasilaga masani ma le tala o le tupe. Ia faaaofia ai ma le taliaina aloaia o foai tauofo. Faamālō atu i le au talaʻi mo la latou lagolagosua tau tupe i le faapotopotoga, faapea foi ma galuega a le Sosaiete. Ia faamanatu ia i latou e leʻi uma ona faatumuina a latou pepa faafomai (Advance Medical Directive/Release) ina ia faia lea fuafuaga i lea lava po, e ala i le faafesootai atu o a latou taʻitaʻi o Suesuega Tau Tusi a le Faapotopotoga po o se tasi o le au toeaina.

20 minu: “Galulue i Oganuu e Galueaiina Soo.” Talanoaina le mataupu i fesili ma tali e le ovasia o le auaunaga. I faapotopotoga e iai a latou oganuu e galueaiina soo, ia faatomua ai se faataitaiga o se taulimaga e tasi mai le tusi Reasoning e pei ona faasino mai i le palakalafa e 4 ma le 5 po o se isi faatomuaga talafeagai mai le palakalafa e 6 ma le 7, po o se tasi lava o sauniuniga e patino i le oganuu. I faapotopotoga e lē galueaiina soo a latou oganuu, e ao ona faamatilatilaina mai i se faataitaiga nisi faatomuaga fetaui mai le tusi Reasoning. E ao ona matuā muai sauniunia lelei faataitaiga.

15 minu: O le ā le Lumanai mo le Lalolagi? Lauga e faavae mai itulau e 112-117 o le tusi Reasoning. (5 minu.) Ia faaaofia ai i le lauga manatu o loo i tamai ulutala e amata mai i le itulau e 112 ma le 113, e faaaofia ai le mataupu e oo atu i le ogatotonu o le itulau e 14. (7 minu.) Ia talanoaina e se tagata talaʻi fou ma se tagata talaʻi taumatuaina ua lava le poto masani, faamatalaga o loo i le itulau e 114-116. Ua finau mai tauāiga faalelalolagi o le tagata talaʻi fou lea e faapea, ua faaalia e le Tusi Paia o le a faaumatia le lalolagi. E sailia e le tagata talaʻi fou se fesoasoani mai le tagata talaʻi ua lava le poto masani ina ia malamalama ai i mau o le Tusi Paia e faatatau i le lalolagi. (3 minu.) I le faaiuga, ia talanoaina le fesili i le itulau e 117 “O ā ituaiga o tagata e fiafia i ai le Atua ina ia ola e faavavau i le lalolagi?” Ia faalaeiauina tagata uma e faamalolosi ina ia tauagavaaina i latou uma mo lena faaeaga faamanuiaina.

Pese 104 (175) ma le tatalo faaiu.

Vaiaso e Amata ia Ianuari 24

Pese 94 (163)

5 minu: Faasilasilaga masani. Ia faalaeiau i tagata uma ina ia faia sa latou vaega i le auaunaga i le fanua mo lenei vaiaso. Ia faasilasila atu fuafuaga a le faapotopotoga mo le auaunaga i le fanua.

10 minu: Pusa Fesili. Lauga faatasi ma se vaega a le aofia. Fesoasoani i tagata uma ia malamalama i le auala e ao ai ona taulimaina mataupu e tulai mai, e pei ona otooto mai i palakalafa muamua e tolu. E masani lava ona maua e le Sosaiete telefoni ma tusi mai tagata o aiga e toatamai ma faapea mai ua faafia ona latou logoina Molimau a Ieova e aua neʻi toe asiasi atu ia i latou, ae o loo latou faia pea lava. O lea, pe a tatou galulue i le galuega mai lea fale i lea fale, e ao ona tatou siakiina le teutusi o le oganuu, ma ia mātau fale ua uma ona logoina i tatou e aua le toe asiasi atu i ai.

15 minu: Faaaogāina e le Aiga o le tusi o le Yearbook Fou. E ao i le ulu o le aiga ona taimua i le autaluga uigā o faamatalaga i le amataga o le 1994 Yearbook. Ia faaiu le talanoaga e ala i le faia o ni fuafuaga a le aiga e faitauina ni itulau o le Yearbook i vaiaso taitasi.

15 minu: Galuega i le Fanua a le Faapotopotoga. E autaluina e le ovasia o le auaunaga ma se tasi toeaina galuega a le faapotopotoga mo le fa masina ua tuanai. Ua mavae atu le tasi vae tolu o le tausaga faaleauaunaga (Setema-​Tesema). O faapefea le tulaga o iai le faapotopotoga? Ia avatu se faamālō moni i le faapotopotoga i vala o loo sologa lelei ai. Ia taʻu atu foi ni mea e ao ona faaleleia ai le faapotopotoga ma avatu ni fautuaga aogā. Ia faaaofia puupuu ai ni mea se tasi pe lua na tutupu i le fanua mai uluai masina e fa o le tausaga faaleauaunaga. Ia faaiu i se manatu saʻo e atiina aʻe ai. Na matuā olioli Iesu ona o le faataunuuina o lana faiva. Tatou te mauaina foi le olioli sili pe a tele a tatou mea e fai i le galuega ua tuuina mai e Ieova ia i tatou.—Ioa. 4:34; 1 Kori. 15:58.

Pese 57 (107) ma le tatalo faaiu.

Vaiaso e Amata ia Ianuari 31

Pese 101 (186)

5 minu: Faasilasilaga masani. Faalaeiau i tagata uma ina ia vave faia se sao i le auaunaga i le fanua, e ala i le auai i le faaiuga o lenei vaiaso. E mafai ona avatu ni manatu aogā mo le taulimaina o mekasini fou.

10 minu: Taulimaina o le Tusi E Mafai ona E Ola e Faavavau i Parataiso i Le Lalolagi Mai Lea Fale i Lea Fale. O se lauga aasa ma puupuu e faamaonia ai le aogā o le tusi e fesoasoani ai i tagata ina ia iloa Ieova ma tapuai atu ia te ia. Ia faataitai le auala e ono faaaogā ai e se tagata talaʻi fautuaga o loo i lenei lomiga o La Tatou Faiva o le Malo, e sauniuni ai mo le faaaogāina o lenei tusi i le auaunaga i le fanua.

20 minu: Auai i Sauniga—O se Avega Tauave Uigā.” Talanoaina le mataupu i fesili ma tali. I le fesootai atu i le palakalafa e 2, ia faatalanoa ni tagata talaʻi ua latou foia ni toatuga ina ia auai ai i sauniga i se tulaga faifai pea.

10 minu: Manaoga o le faapotopotoga. Po o se lauga e faia e se toeaina e faavae mai le mataupu o Le Olomatamata o Oketopa 1, 1993, i le itulau e 22-25 e faapea, “Ia Iai se Manatu Saʻo i le Alofa Mutimutivale o le Atua.”

Pese 93 (187) ma le tatalo faaiu.