Sauniga o le Auaunaga mo Mati
Vaiaso e Amata ia Mati 4
Pese 1 (21)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
15 minu: “Ia Faamanū atu ia Ieova ‘i Aso Uma Lava.’” Fesili ma tali. Faitau le palakalafa e 2-5 pe a lava le taimi. Avatu se faalaeiauga aogā e atiina aʻe ai mo le galuega paeonia lagolago ma le paeonia sauatoa.
20 minu: “O le Poto e Uiga i le Atua Moni e Taʻitaʻia ai i le Ola.” Autalu taulimaga ua fautuaina. Fai se faataʻitaʻiga se tasi pe lua. Avatu ni faaaoaoga i le auala tatou te faailoa atu ai ma le faaeteete i ē ona fale lo latou avanoa e saosaolaumea ai i le galuega i le lalolagi aoao.
Pese 41 (77) ma le tatalo faaiu.
Vaiaso e Amata ia Mati 11
Pese 81 (165)
10 minu: Faasilasilaga a le faapotopotoga. Tala o le tupe.
20 minu: “Maua Aogā Mai le Aʻoga o le Faiva Faatiokarate mo le 1996—Vaega 3.” Lauga e faia e le ovasia o le aʻoga. Faalaeiau tagata uma o ē e mafai ona tusia o latou igoa ma ia faia ma le faamaoni o latou tofiga. Ia faamatala manino tulafono mo le faaleoina o upu e ala i le faaaogaina o macrons (faamamafa) ma glottals (koma liliu).
15 minu: Ia Faifaimea Faatasi o se Aiga. E talanoa faasamasamanoa atu le tamā i lona aiga e uiga i le manaoga o le faifaimea faatasi, e faavae i Le Olomatamata o Setema 1, 1993, itulau e 16-19. Ia uaʻi totoʻa i le suesuega a le aiga faapea le galuega faaevagelia. Ia taʻua le auala ua malepelepe ai aiga i aso nei ona o le itiiti o se taimi latou te faifaimea faatasi ai ae maise lava le leai o ni mea e masani ona fiafia faatasi ai. O le suesueina o le Afioga a le Atua ma le faia faatasi o se sao i le faiva ua avea o se faamanuiaga i le aiga Kerisiano. Ia faamamafa le manaoga mo le tamā ina ia faamaopoopo lelei nei mea, ma mo le tinā ina ia lagolagosua. E tatau i fanau ona naunau i gaoioiga faaleagaga, i le galulue vavalalata faatasi ma mātua. O le a autasi ai le aiga ma faamalosia ai e onosaia le faateleina o omiga o le fia manao i le lalolagi.
Pese 89 (162) ma le tatalo faaiu.
Vaiaso e Amata ia Mati 18
Pese 4 (6)
10 minu: Faasilasilaga a le faapotopotoga. E ao ia i latou o faia suesuega ona faamalosiau i ē fou o loo lelei le agaigai i luma i a latou suesuega faale-Tusi Paia e aapa atu mo le sini ia avea o ni tagata talaʻi e lei papatisoina. E mafai foi ona fesoasoani mātua i a latou fanau ina ia avea ma tagata talaʻi. Ia autalu taualumaga ua fautuaina o loo faaauivi mai i le tusi Organized to Accomplish Our Ministry, i le itulau 97-100.
15 minu: Autalu Mea Tāua i le 1996 Yearbook of Jehovah’s Witnesses. Ia talanoa e se aiga nisi o vala faaoso naunau e uiga i la tatou galuega i le lalolagi aoao o loo faaaofia mai i le itulau e 3-5 ma le 33. Ua latou ioe e faapea, i aso taitasi, o le a latou taumafai ai e faitau faatasi ni itulau o le Yearbook pe a uma ona talanoaina le mau o le Tusi Paia ua faatulagaina i le tusi Iloiloina o le Tusi Paia i Aso Taitasi.
20 minu: “Fesoasoani i Isi ia Maua le Poto e Taʻitaʻia ai i le Ola.” Ia autalu taulimaga ua fautuaina mai e faaaogā pe a faia toe asiga. Ia faaaofia ai ni faataʻitaʻiga se tasi po o se lua. Faamamafa le sini o le amataina o ni suesuega.
Pese 58 (130) ma le tatalo faaiu.
Vaiaso e Amata ia Mati 25
Pese 9 (26)
15 minu: Faasilasilaga a le faapotopotoga. Autalu “Mea e Faamanatu mo le Faamanatuga.” Ia faamatala le mafuaaga e tāua ai ona auai. (Tagai i Le Olomatamata o Aokuso 1, 1985, itulau e 18-20.) Autalu fuafuaga e fesoasoani ai i tagata matutua, o ē e lē atoatoa le malosi, ma ē fou ina ia auai. Ia talanoa fuafuaga mo le faalauteleina o le galuega o le auaunaga i le fanua i le vaiaso o loo sau. Ia autalu foi le mataupu, “Le Faaalia o le Agaga Talimalo i Tagata Ese,” i le itulau e 32 o le lomiga o le Awake! o Setema 22, 1995.
15 minu: Pusa Fesili. Lauga a se toeaina. Ia talanoa mafuaaga ua uunaia ai i tatou ina ia lima foai, e pei ona faaauivi mai i Le Olomatamata o Me 15, 1992, itulau e 16-17.
15 minu: “Sauniuniga—Le Ki i le Taulau Manuia.” Fesili ma tali. Ia faailoa atu o le a tatou ofoina Le Olomatamata ma le Ala Mai! ia Aperila ma Me. Ia fai nei fuafuaga i le otaina o nisi kopi faaopoopo, ma ia maua ni pepa mo tusiga, ia faia foi ni aiaiga e lagolagosua ai i fuafuaga a le faapotopotoga mo le aso o le galuega mekasini.
Pese 6 (14) ma le tatalo faaiu.