Sauniga o le Auaunaga mo Me

Vaiaso e Amata ia Me 6

Pese 11 (85)

10 minu: Faasilasilaga masani a le faapotopotoga. Autalu “O ā Au Fuafuaga mo Masina o i Luma?”

15 minu: “Ia Loto Atoa!” Fesili ma tali. A lava le taimi, ia talanoa i “Manatu e Talanoaina o se Aiga” i le Watchtower o Oketopa 15, 1981, itulau e 25.

20 minu: “Ia Talanoa i Lou Tuaoi i le Upu Moni.” Fesili ma tali. Autalu taulimaga ua fautuaina. Ia faalaeiau i ē fou ina ia faia se sao i le tufatufaina o mekasini, e faaaogā ai ni taulimaga pupuu e amata ai. Ia fai ni faataitaiga se lua e aofia ai le faamatilatilaina o le faamatalaga i le itulau e 2 o Le Olomatamata: “O le lomiaina o Le Olomatamata o se vaega o le galuega faaleaʻoaʻoga faale-Tusi Paia i le lalolagi aoao, ua lagolagoina e ala i meaalofa tauofo.” Tatou te fiafia e talia ni foai tauofo talafeagai mai tagata o ē fiafia i mekasini.

Pese 18 (162) ma le tatalo faaiu.

Vaiaso e Amata ia Me 13

Pese 21 (191)

7 minu: Faasilasilaga masani a le faapotopotoga. Tala o le tupe.

18 minu: “E Lei Iai Lava se Taimi na Sili ai Ona Tatou Lelei Faaleagaga e Pei o le Taimi Nei!” Fesili ma tali. Valaaulia ni tagata talaʻi se toalua pe toatolu, e aofia ai se talavou, e faamatala mai nisi o o latou faamanuiaga. Ia faaiu i le faailoa mai po ua faapefea i le faateleina o le talisapaia ona uunaia i tatou e faia ni galuega maelega i le auaunaga paia.

20 minu: Manaoga o le faapotopotoga. Po o se lauga i le mataupu “Faamafanafanaga ma Faalaeiauga—O ni Maatāua e Tele Tafa,” e faavae mai Le Olomatamata o Ianuari 15, 1996, itulau 21-23.

Pese 3 (32) ma le tatalo faaiu.

Vaiaso e Amata ia Me 20

Pese 26 (212)

10 minu: Faasilasilaga masani a le faapotopotoga. Autalu fuafuaga mo galuega o le auaunaga i le fanua. Faalaeiau tagata uma ina ia auai i le tufatufaina o mekasini.

15 minu: “Ia Tautala Pea i le Upu Moni.” Ia faamamafa le manaomia ona faia toe asiga, ma le sini e amataina ni suesuega. Ia ofo tusiga mo le ono masina ia i latou o ē faaalia le naunau moni. Fai ni faataitaiga pupuu se lua.

20 minu: Manaoga o le Faapotopotoga. Po o se lauga mai le mataupu “Le Auala e Mauaina ai le Olioli i le Faia o Soo,” e faavae i le Olomatamata o Fepuari 15, 1996, itulau e 19-22.

Pese 20 (93) ma le tatalo faaiu.

Vaiaso e Amata ia Me 27

Pese 22 (130)

5 minu: Faasilasilaga masani a le faapotopotoga.

15 minu: Ofoina Le Poto e Taʻitaʻia ai i le Ola e Faavavau ia Iuni. Ia muai talanoaina e le ovasia o le auaunaga le mafuaaga na lomia ai le tusi o Le Poto. Ona ia autaluina lea o nisi o manatu tāua ma ni tagata talaʻi tomai se toalua po o se toatolu. Ua taliina e le tusi fesili e uiga i lo tatou lumanai, mafatiaga o tagata, le Malo o le Atua, amioga faale-Atua, olaga faaleaiga, ma aogā o le tatalo. Ia faataitai e ni tagata eseese taʻi toalua se faafeiloaiga e mafai ona faaaogā e amataina ai se suesuega a lē i le uluai asiasiga po o se toe asiga. Ona talanoaina loa lea e le ovasia o le auaunaga manatu ia o loo mulimuli mai. E iai se manaoga ina ia faia ni suesuega uigā faale-Tusi Paia i se vaitaimi e sili ona puupuu. Na fuafuaina faapitoa lenei tusi mo lena fuafuaga. Ua faailoa mai ai le upu moni i se auala mautinoa ma le tuusaʻo. O fesili i palakalafa taitasi, ma fesili i faaiuga o mataupu uma, ua fesoasoani ia i tatou e tataʻi atu ai i manatu tāua. Ua aofia ai i le tusi tali i fesili ia e fesiligia ai tagata fou ua tuuina atu o ē ua fia papatiso. Ia faalaeiau tagata uma ina ia galulue ma le sini o le amataina o ni suesuega ia Iuni.

10 minu: Pusa Fesili. Faitau ma talanoa le mataupu ma le aofia.

15 minu: “Po o E Pisi Naʻuā?” Fesili ma tali. A lava le taimi, ia faaaofia ai ma ni faamatalaga mai le Awake! o Iuni 8, 1990, itulau e 14-16. Ia faamatala puupuu e se tagata talaʻi e toatasi pe toalua ni mea na la faia e faafetaiai ai ma le manuia se faasologa faatiokarate feomaʻi.

Pese 15 (127) ma le tatalo faaiu.