Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Me 5 e oo ia Aokuso 18, 1997. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sese:

1. Na mulimuli atu Esekia i ala o lona tamā, o Aasa, i le faatāuaina o tapuaiga i atua sese i Iuta. [it-1 itu. 1103]

2. O vala o aso e gata ai e na o le Mataio 24, Mareko 13, ma le Luka 21 o loo maua ai. [kl itu. 102 pusa]

3. O le fesili a Ioane le Papatiso lea e maua i le Luka 7:19 ua faaalia ai lona lē faatuatua. [Faitau Tusi Paia faalevaiaso; tagai i le w87 1/1 itu. 16.]

4. I le Paseka mulimuli a Iesu ma ona soo, sa na o Peteru lava na fai atu ia te ia: “Ou te lē tuulafoaia lava oe.” [Faitau Tusi Paia faalevaiaso]

5. E leai se faamaoniga faale-Tusi Paia e iloa ai na faaipoipo le aposetolo o Peteru. [Faitau Tusi Paia faalevaiaso]

6. O le Malo lea na talaʻia e Iesu e lona lua atu lona tāua i le pule silisili ese aoao a le Atua. [kl itu. 91 pala. 4]

7. O Herota Anetipa, o le tupu lea na faatonuina le vavaeeseina o le ulu o Ioane le Papatiso. [it-1 itu. 1095]

8. Ina ua taʻu atu e Iesu i le au Faresaio e faapea o loo i lo latou lotolotoi le Malo o le Atua, sa ia faasino atu ia te ia lava o le a avea ma Tupu i le lumanai. (Luka 17:21) [kl itu. 91 pala. 6]

9. E leai se faamalamalamaga saʻo i le mafuaaga ua tele atu ai faaupuga eseese i le tusi a Luka nai lo o isi Evagelia e tolu pe a tuufaatasi. [si itu. 187 pala. 2]

10. E leai ni sui o le Vaega Pule na mafai ona asiasi atu i atunuu o Europa i Sasaʻe ina o faasaina la tatou galuega i lena vaega o le lalolagi. [jv itu. 506 pala. 1]

Tali fesili ia o loo mulimuli mai:

11. O le ā le ata na faia e le Sosaiete i le 1954 na faailoa atu ai i le au maimoa i le lalolagi aoao le matuā telē o le faalapotopotoga a Ieova? [jv itu. 480 pala. 4]

12. I ā auala ua foia ai e nisi tagata talaʻi le tulaga faigata i le sailia o tagata e talanoa atu i ai i le faiva? [jv itu. 516 pala. 1-3]

13. Aisea na faatonu ai e Ieova Elia ina ia “faauuina Asaeli e fai ma tupu o Suria”? (1 Tu. 19:15) [it-1 itu. 1046]

14. O le ā na uiga i ai le fetalaiga a Iesu ina ua ia faapea atu: “Ia ia te outou le masima, ma ia fifilemu outou ia te outou”? (Mare. 9:50) [Faitau Tusi Paia faalevaiaso; tagai i le w85 5/15 itu. 24 pala. 12.]

15. O le ā se lesona tāua e mafai ona tatou aʻoaʻoina mai i uiga faaalia o Iesu i le mea alofa a le fafine mativa ua oti lana tane? (Mare. 12:42-44) [Faitau Tusi Paia faalevaiaso; tagai i le w87 12/1 itu. 29 pala. 7–itu. 30 pala. 1.]

16. Ua faapefea ona iloa nisi o uiga o Peteru i le auala o loo faia ai tusitusiga a Mareko, ma aisea ua ia tusi ai faapea? [si itu. 182 pala. 5-6]

17. Pe a tatou faatusatusaina le Mataio 6:9, 10 ma le Luka 11:2-4, aisea e tatou te ono faia ai se faaiuga faapea, o le tatalo faaaʻoaʻo e lei faia ma le manatu e aʻo faatauloto? [Faitau Tusi Paia faalevaiaso; tagai i le w 9/15/90 itu. 16 pala. 6.]

18. I le ā le auala e faamalosia ai lo tatou mautinoa i le maufaatuatuaina o le Tusi Paia pe a tatou faitauina mau e pei o le Luka 3:1, 2? [si itu. 188 pala. 7]

19. O ā mau i le Salamo ma le Eperu ua faaalia ai sa lei amataina le pulega a Iesu i le taimi lava na afio atu ai i le lagi? [kl itu. 96 pala. 15]

20. Ona ua tatou iloa e faapea sa faatuatua pea Iesu i le Atua, ae aisea la na alaga atu ai: “Loʻu Atua e, loʻu Atua e, se a le mea ua e tuulafoai mai ai aʻu?” (Mare. 15:34) [Faitau Tusi Paia faalevaiaso; tagai i le w 4/1/88 itu. 31.]

Tuu ane le upu, ni upu po o se fasi fuaiupu manaomia e faauma ai fuaiupu nei:

21. O le faaipoipoga a Herota Anetipa ma Herotia sa lē gata ina ․․․․․․․․ ae ․․․․․․․․ e tusa ai ma le tulafono faa-Iutaia. [it-1 itu. 1100]

22. Na talosaga atu Mose ia ․․․․․․․․, le tuagane o lana avā, ina ia fai o ia ma ․․․․․․․․ mo le nuu o Isaraelu i lo latou ō ese mai le vaega o le Mauga o Sinai e agaʻi atu i le ․․․․․․․․. [it-1 itu. 1126]

23. O ․․․․․․․․, le tupu o Turo, na fesoasoani ia Solomona i le fausiaina o le malumalu i Ierusalema e ala i le saunia o ․․․․․․․․ ma ․․․․․․․․. [it-1 itu. 1121]

24. Na aauina atu Harold King ma Stanley Jones i ․․․․․․․․ i le 1947, ua avea ai ma se tasi o uluai atunuu o le Itu i Sasaʻe na aauina atu i ai misionare ia na toleniina i Kiliata. [jv itu. 489 pala. 2]

25. O le Sibia ma le Light o igoa na o ․․․․․․․․ na faaaogaina e misionare e molimau atu ai i atu motu i le itu i mātū o le Sami Keripiane (West Indies). [jv itu. 463 pala. 1]

Fili le tali saʻo i faamatalaga ia o loo mulimuli mai:

26. Ina ia faafetaiaia le manaoga mo ni misionare, na faavaeina ai (le Faiva Faatiokarate; le Faiva o le Malo; le Aʻoga o Kiliata) i le (1939; 1943; 1946). [jv itu. 458 pala. 2]

27. O (Alesana; Tioterifi; Umenio), o se aposetate o le uluai senituri, e mautinoa na ia aʻoaʻoina e faapea, o le toetu e faafaatusa, ma o le a leai se toetu i le lumanai mo ē ua maliliu. [it-1 itu. 1164]

28. O le fasiotia o tamaiti i lalo ifo o le taʻilua tausaga i se taimi e lei mamao talu le fanau mai o Iesu, na faatonuina lea e (Herota Akeripa I; Herota Anetipa; Herota le Sili). [it-1 itu. 1093]

29. O le tauemu atu o Isamaeli ia Isaako, lea o loo taʻua i le Kenese 21:8, 9, ua faailogaina ai le amataga o se vaitaimi e (400; 430; 450) tausaga o puapuaga o tagata Iutaia, lea na faaiuina ina ua laveaiina Isaraelu mai (Asuria; Papelonia; Aikupito) i le (537; 740; 1513) T.L.M. [it-1 itu. 1216]

30. E pei ona faamauina i le (Mataio 10; Mataio 24; Luka 21), na tuuina atu e Iesu faatonuga patino mo le auaunaga ia i latou na ia aauina atu e talaʻi. [si itu. 180 pala. 31]

Faafetaui mau ia o loo mulimuli mai i faamatalaga o loo lisiina i lalo:

Mare. 7:20-23; 13:10; Luka 8:31; Galu. 12:20-23; 17:11

31. E tatau ona tatou mataala ia iloaina so o se taaʻiga e lē faale-Atua po o faiga faapiopio e ono oo mai i o tatou mafaufau ma loto, ma e tatau ona aveesea a o lei mauaa. [Faitau Tusi Paia faalevaiaso; tagai i le w89 11/1 itu. 14 pala. 16.]

32. O le a aufaatasi temoni ma Satani i se tulaga o le lē toe gaoioi e pei ua oti i le vaitaimi “o le afe o tausaga.” (Faaa. 20:3) [Faitau Tusi Paia faalevaiaso]

33. E manaomia se agaga o le faanatinati ina ia mafai ai ona faataunuuina le galuega o le molimau atu i le lalolagi aoao i se taimi faatapulaaina. [Faitau Tusi Paia faalevaiaso; tagai i le w 10/1/95 itu. 27.]

34. E faitau sefulu afe tagata ua aʻoaʻoina e Molimau a Ieova e faitau ma tusitusi, ua avatu ai i tagata le avanoa e suesue totino ai i le Tusi Paia. [jv itu. 466 pala. 3-4]

35. E tatau i tagata ona faaeteete i le uiga o le fia viia o i latou lava auā e matuā lē fiafia le Atua i le loto fefete, ma e faapena foi i le toatele o tagata. [it-1 itu. 1097; tagai foi i le w 9/1/94 itu. 21.]