Sauniga o le Auaunaga mo Setema
Vaiaso e Amata ia Setema 7
Pese 20 (93)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Autalu le pusa, “O se Fautuaga.”
15 minu: “E Mafai Ona Tatou Faia Galuega e Sili Atu.” Fesili ma tali. Faalaeiau tagata uma ina ia faataatitia ni sini aogā mo le tausaga fou faaleauaunaga, ma ia galulue malosi ina ia faataulauina na sini.—Tagai i le Our Ministry, itulau e 116-118.
20 minu: “E Fesoasoani Paeonia i Isi.” Ia faamalamalama mai e se toeaina e faapea, e faaopoopo i le toleniga lea e saunia i le Aʻoga o le Faiva Faatiokarate, ua faia foi ni fuafuaga mo paeonia ina ia fesoasoani totino atu i nisi i le faiva. E na te lāgā ni fesili e faavae i le mataupu ma valaaulia le aofia e fai mai i ai se sao, ae maise lava paeonia faapea ma tagata talaʻi o ē o aafia ai i le polokalame. Ia talanoa i ni auala e mafai ona maua ai ni iuga e sili ona lelei. Ia faamatala atu e paeonia le auala ua latou olioli ai ma maua ai aogā mai le faia o se sao e ala i le fesoasoani atu i isi. E mafai e tagata talaʻi na fesoasoani i ai paeonia ona faamatala le auala na latou talisapaia ai lenei sauniuniga alofa ma ia taʻua ni manatu sa fesoasoani ia i latou e sili atu ona taulau manuia ma maua ai le olioli i le faiva.
Pese 18 (162) ma le tatalo faaiu.
Vaiaso e Amata ia Setema 14
Pese 23 (200)
10 minu: Faasilasilaga a le faapotopotoga. Tala o le tupe.
15 minu: Ia talanoaina so o se mataupu na misi a o faagasolo le vaiaso o le tauaofiaga itumalo po o le vaiaso na sosoo ane ai.
20 minu: Na Faapefea la Tatou Taumafaiga i le Tausaga ua Mavae? Ia autalu e le failautusi ma le ovasia o le auaunaga le lipoti o le auaunaga a le faapotopotoga ma aofaiga o ē auai i sauniga mo le tausaga ua mavae. Ia la faailoa mai ni vala mautinoa o le lipoti e mafai ona faalaeiauina ai, ma ia uaʻi totoʻa i vala e manaomia ona faaleleia. Pe sa 100 pasene le auai o tagata talaʻi i le auaunaga ia Aokuso? Ia otooto mai po o ā ni sini o le a uaʻi faapitoa atu i ai toeaina mo masina o i luma, e aofia ai ma le fesoasoani atu i tagata uma ina ia avea ma tagata talaʻi e auai e lē aunoa i le faiva. Ia faamatala atu ni manatu talafeagai mai le lipoti mulimuli a le ovasia matagaluega.
Pese 27 (221) ma le tatalo faaiu.
Vaiaso e Amata ia Setema 21
Pese 13 (124)
10 minu: Faasilasilaga a le faapotopotoga. Tala Faatiokarate.
15 minu: Manaoga o le faapotopotoga.
20 minu: “Taumafai ia E Iloa Ou Uso.” Fesili ma tali. Ia faaaofia ai ma ni faamatalaga mai le Watchtower, Oketopa 1, 1988, itulau e 10-11. Faalaeiau tagata uma ina ia tausolomua ona faamasani lelei le tasi i le isi.
Pese 12 (113) ma le tatalo faaiu.
Vaiaso e Amata ia Setema 28
Pese 26 (212)
12 minu: Faasilasilaga a le faapotopotoga. Faamanatu i tagata talaʻi ia tuuina atu lipoti o le auaunaga ia Setema. Faamalosiau i tagata uma e faia ni fuafuaga e faateleina ai pea le galuega mai lea fale i lea fale ia Oketopa ina ia faateleina ai le tufaina atu o mekasini. Faasino atu i La Tatou Faiva o le Malo, Oketopa 1996, itulau 8, mo fautuaga i le auala e sauniuni ai taulimaga. Faataitai se ofo o mekasini fou, ma faailoa mai le auala e taʻua ai le fuafuaga mo meaalofa tauofo i lē ona le fale. Ave se sapalai o mekasini mo le galuega i le faaiuga o le vaiaso.
20 minu: “Ovasia o Loo Taimua—Le Ovasia o le Auaunaga.” Se lauga a le ovasia o le auaunaga. Pe a uma ona talanoaina ona tiute, ona ia faamatala mai lea o ni auala maʻoti e mafai e le faapotopotoga ona galulue faatasi ina ia faateleina ai avanoa e faalautele ma ia uigā ai la latou faiva.
13 minu: O le ā e Manaomia Ina ia Avea ai ma se Tagata Talaʻi Lelei i le Faapotopotoga? O se lauga e fai ai se sao o le aofia. E lē tau manaomia ona iai ni tomai faapitoa po o ni taleni; ae o le mea e sili ona manaomia, ia ia i tatou uma le uiga o le naunau e atagia atu ai le alofa, lotomaulalo, maelega, ma le talisapaia. Ia tuu atu i le aofia e faamatala mai ni mafuaaga e manaomia ai mea nei: (1) se agaga fiafia, (2) auai e lē aunoa ma faia se sao i sauniga, (3) loto naunau e talia ma faataunuuina tofiga, (4) felagolagomai ma toeaina ma fuafuaga ua faia mo le faapotopotoga, (5) naunau moni e fesoasoani atu i isi, ma le (6) auai e lē aunoa i le auaunaga i le fanua ma ia vave ona tuuina atu le lipoti i masina uma.
Pese 19 (164) ma le tatalo faaiu.