Sauniga mo le Auaunaga ia Me
Vaiaso e Amata ia Me 3
Pese 9 (37)
8 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Tala Faatiokarate.
17 minu: “Ia Aʻoaʻo Isi Ina ia Maua e i Latou Lava Aogā.” Ia faapuupuu upu tomua ia itiiti ifo i le minute, ona sosoo ai lea ma le talanoaina i fesili ma tali o le mataupu. I le faaaogaina o le mataupu e 13 o le tusi o Le Poto, ia faataitai le auala o loo maua ai e tagata aogā e ala i le suesueina, malamalama, ma le faatatauina o mataupu silisili o le Tusi Paia.
20 minu: “O Auala e Faalautele ai Lau Faiva.” E talanoa e ni toeaina se toalua le mataupu e tali atu ai i ni fesili e lāgā e tagata eseese i le aofia. Ia fesili atu se talavou talaʻi, se ulugalii faaipoipo, ma se uso matua ua litaea mai le galuega i toeaina e faatatau i ni auala e ono mafai ona faalautele ai la latou faiva. Ia aumai ni fautuaga aogā mai le mataupu faapea le mataupu e 9 o le tusi Our Ministry, ia taulai atu i le mataupu, “O ā Ou Sini Faaleagaga mo le Lumanai?” (What Are Your Spiritual Goals for the Future?) itulau e 116-118. Ia faaalia e tagata talaʻi le talisapaia mo faamatalaga aogā ua saunia e le Sosaiete e faailoa mai ai le auala ua fuafuaina mo le faalauteleina atu o gaoioiga i le auaunaga i le lumanai lata mai.
Pese 14 (117) ma le tatalo faaiu.
Vaiaso e Amata ia Me 10
Pese 2 (15)
10 minu: Faasilasilaga a le faapotopotoga. Tala o le tupe.
15 minu: O ā Au Fuafuaga mo le Vaitaimi e Lagilelei ai le Tau? Ia autalu e se aiga a latou fuafuaga mo le auai i le tauaofiaga, auai i le auaunaga o le paeonia lagolago, faiga malologa, ma faafiafiaga. (Tagai i La Tatou Faiva o le Malo o Me 1998, itulau e 3.) Ia latou talanoaina le auala o latou fuafuaina ma faatinoina ai le molimau atu lē fuafuaina, ma ia latou faataitai maia le auala e amata ai se talanoaga. Faamamafa le manaomia ona tausisia pea ia suesuega totino ma le suesuega faale-Tusi Paia a le aiga, ia alu atu i sauniga a le faapotopotoga pe a faimalaga i se isi mea, ma ia lipoti atu gaoioiga i le auaunaga i le fanua i lau faapotopotoga i lou atunuu. Ia faamatala mai e le aiga ni mea lelei na latou tofo i ai ma le olioli na latou lagona i le asiasia o isi faapotopotoga. Ia latou talanoaina ni auala e mafai ona latou faaalia ai le agaga talimalo i so o se tagata e asiasi mai i le faapotopotoga.
20 minu: Ō Atu i Vaipanoa e Maua i ai Tagata! O se lauga e faavae mai i itulau e 42-48 o le 1997 Yearbook. A o tatau ona tatou auai pea i le molimau atu mai lea fale i lea fale, ia tatou mataalia e sailia avanoa e molimau atu ai lē fuafuaina—i so o se taimi, i so o se nofoaga. Ia faamatala ni tala o mea tutupu mai le Yearbook, e faaalia ai pe na faapefea ona faia e isi lena mea ma maua ai iuga lelei a o faimalaga atu i pasi, a o savavali i le auala pe i le matafaga, a o faalatalata atu i taavale o loo paka, a o ō atu i nofoaga o loo tutū ai loli, a o faaaogaina telefoni, ma tusia ni tusi. Pe a lava le taimi, ia valaaulia le aofia e faamatala mai nisi o tala o mea na tutupu ia i latou lava. Ia faalaeiau tagata uma e faaaogā tatau avanoa taitasi e avatu ai se molimau i so o se vaipanoa e maua i ai tagata.
Pese 22 (130) ma le tatalo faaiu.
Vaiaso e Amata ia Me 17
Pese 12 (113)
10 minu: Faasilasilaga a le faapotopotoga.
20 minu: “Ia Fuafua Mamao!” O se lauga e autaluina ai gaoioiga faatiokarate uma ua fuafuaina e le faapotopotoga mo isi masina ia e sosoo mai. Faalaeiau tagata uma ina ia faailoga aso na i a latou kalena ma ia aua neʻi faatagaina nisi mea e faalavelave mai.
15 minu: Aisea e Faataga ai e Ieova Sauaga e Oo i Ona Tagata? O le lauga a se toeaina, e faavae mai itulau e 676-677 o le Jehovah’s Witnesses—Proclaimers of God’s Kingdom. E pei ona valoia e Iesu, e ‘inosia [i tatou] e nuu uma.’ (Mata. 10:22) Atonu tatou te fetaiai ma teteega a o tatou auai i le faiva, a o auaufaatasi ma tauaiga faalelalolagi, pe faifaimea faatasi ma tagata e lē o ni Molimau i nofoaga o galuega pe i le aʻoga. I se uiga mautinoa, e faamatala atu ai e le failauga le pogai e faataga ai e Ieova na sauaga po o teteega, ma le faapefea i lo tatou onosaia o na mea ona iu ai i le taitaia atu i faamanuiaga.
Pese 11 (85) ma le tatalo faaiu.
Vaiaso e Amata ia Me 24
Pese 16 (143)
15 minu: Faasilasilaga a le faapotopotoga. Ia faamatala atu le manaomia ona tulituliloa tagata fiafia na maua a o faia se molimau atu lē fuafuaina ma a o faafesootai atu i tagata o ē tāutala i se isi gagana. Pe afai o se isi faapotopotoga po o se isi atunuu e sau ai le tagata, ia faamautinoa e faaoo atu na faamatalaga i lena faapotopotoga po o le ofisa o le lālā a le Sosaiete, ina ia mafai ona tulituliloa pea le tagata fiafia. Ia faaaogā tatau i ai le fesoasoani a tagata talaʻi o la outou faapotopotoga o ē tāutala i isi gagana. Pe afai e talafeagai, e mafai ona faia ni talanoaga e faaaogā ai le lomiga lava lena o loo maua i le gagana a le tagata e ona le fale ma le gagana a le tagata talaʻi. E mafai ona aogā le polosiua o le Manaomia i nei tulaga.
12 minu: Pusa Fesili. Lauga a se toeaina.
18 minu: Po o Faia so Tatou Sao i le Galuega o le Tuueseeseina? O se lauga e uunaia ai a le ovasia o le auaunaga, e faavae i Le Olomatamata o Iulai 1, 1997, itulau 30-31.
Pese 3 (32) ma le tatalo faaiu.
Vaiaso e Amata ia Me 31
Pese 4 (43)
15 minu: Faasilasilaga a le faapotopotoga. Ia faamanatu i tagata uma ia tuuina mai a latou lipoti o le auaunaga i le fanua ia Me. Autalu lomiga mo le ofo ia Iuni, le tusi o le Tumutumuga o le Faaaliga. Faataitai se taulimaga faaaʻoaʻo, ia taʻua ai le tulaga o meaalofa tauofo.
15 minu: Manaoga o le faapotopotoga.
15 minu: E Sese Laʻu Lotu? O se talanoaga i le va o ni auauna o le faiva se toalua. E tatou te feiloai ma le toatele o tagata e fiafia i le upu moni ma viiviia Molimau a Ieova. Ae peitai, ua taofiofia i latou ona o loo iai pea ni sootaga ma a latou lotu. Ua faigata ia i latou ona talitonu e faapea, e na o i tatou lava o loo iai le lotu moni ma o a latou tapuaiga e sese. Ua avea lenei o se toatuga sili i lo latou agaigai i luma faaleagaga. Ia autalu e uso vala e ono o loo taʻua i le itulau 204 o le tusi Reasoning, lea o loo faaalia manino ai e faapea, e lē o mulimuli isi lotu i le Tusi Paia. Faalaeiau le aofia ina ia faaaogā nei manatu e fesoasoani atu ai ma le tomai i tagata loto faamaoni ina ia iloilo o latou talitonuga faalotu.
Pese 6 (45) ma le tatalo faaiu.