Sauniga o le Auaunaga mo Aokuso

Vaiaso e Amata ia Aokuso 2

Pese 4 (43)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Talanoa i le lipoti o le auaunaga i le fanua ia Me mo le atunuu ma la outou faapotopotoga. Faalaeiau tagata talaʻi uma ina ia auai i le faiva i le fanua ia Aokuso.

17 minu: “Ia Faasilisilia le Suafa Mamalu o Ieova.” Ia faatapulaa upu tomua ia itiiti ifo i le minute, ona talanoa loa lea i fesili ma tali. Ia faamatilatila mau o loo taʻua ai.—Tagai i le tusi Ola e Faavavau, itulau 184-185.

18 minu: “Aʻoaʻoga i Aʻoga ma Ou Sini Faaleagaga.” Ia talanoa e se tamā ma lona atalii po o se afafine le mataupu. E la te autaluina foi faamatalaga e fesootai i ai mai le Awake! o Tesema 22, 1995, itulau 7-11.

Pese 16 (143) ma le tatalo faaiu.

Vaiaso e Amata ia Aokuso 9

Pese 7 (51)

8 minu: Faasilasilaga a le faapotopotoga. Tala o le tupe.

12 minu: Fesoasoani Paeonia i Isi—O le ā se Agaigai i Luma ua Iai? Lauga ma ni faatalanoaga e faia e le ovasia o le auaunaga. Autalu taiala o loo saunia i La Tatou Faiva o le Malo o Setema 1998, itulau 4. Faamatala le auala na faamaopoopoina ai e la outou faapotopotoga lenei fuafuaga, ma fai atu se faamatalaga i le tulaga ua oo nei i ai i latou na avatu i ai le fesoasoani. Faatalanoa se paeonia se toatasi po o se toalua, ma nisi o le autalaʻi na maua aogā mai la latou fesoasoani. Faalaeiau i latou o le a sosoo ai i le tuuina atu i ai o lea fesoasoani ina ia faaaogā atoatoa lenei sauniuniga.

25 minu: “Po ua Tatalaina Nei mo Oe le Avanoa e Paeonia Ai?” Talanoa i fesili ma tali, e faia e se toeaina. Ia faailoa atu i se auala mautinoa avanoa o loo iai mo nisi tagata talaʻi e sili atu ina ia paeonia ai. Faatalanoa ni paeonia o ē e mafai ona faamatala mai i mea na oo ia i latou le auala na mafai ai ona latou foia toʻatugā masani ma taulau manuia ai. Iloilo le “Faasologa Faaaʻoaʻo a Paeonia Sauatoa,” e ala i le faamatilatila mai po ua faapefea i le fuafua lelei ona ausia ai itula manaomia. Faasilasila atu e faapea, so o se tasi e manao e fia maua se pepa talosaga mo le paeonia e mafai ona maua se pepa pe a maeʻa le sauniga.

Pese 9 (37) ma le tatalo faaiu.

Vaiaso e Amata ia Aokuso 16

Pese 11 (85)

10 minu: Faasilasilaga a le faapotopotoga. E toe lua faaiuga o le vaiaso o loo totoe ia Aokuso, o lea ia faalaeiau tagata uma ina ia faia se sao i le faiva a o lei uma le masina. Autalu le “Polokalame Fou mo le Aso Faapitoa o Fonotaga.”

15 minu: Manaoga o le faapotopotoga.

20 minu: Po o Faia ea Sou Sao i le Faia o Soo? Talanoa ma le aofia. I le vaai atu i le anoanoai o lomiga ua tufaina atu, o lo tatou sini la le amataina o ni suesuega faale-Tusi Paia ina ia mafai ai ona tatou fesoasoani atu i tagata ia maua aogā mai lomiga o loo latou maua. Ia faamatala mai e tagata talaʻi faafitauli ua taofia ai i latou mai le faia atili o nisi suesuega: (1) E faigata ona maua ni tagata e mananao e suesue. (2) O nisi foi tagata o ē faaalia le fiafia latou te faapea mai e pisi tele e lē mafai ai ona faia se suesuega. (3) Pe a uma ona amataina se suesuega, e faigata ona toe maua atu le tagata i le fale ina ia faaauau pea le suesuega. Ia talanoa foi i lagona atonu e iai i nisi tagata talaʻi e uiga i le galuega o le faia o suesuega faale-Tusi Paia: (1) ‘Ou te lagona lava loʻu lē agavaa e avea o se faiaʻoga.’ (2) ‘E leai soʻu taimi e faia ai se suesuega faalevaiaso.’ (3) ‘Ou te lē manao e avea ma aʻu avega tauave se isi tagata.’ (4) ‘Ou te loto malie lava e auai i isi vala o le faiva.’ Ia fai atu ni fautuaga mautinoa i ni auala e foia ai nei toatuga ina ia mafai ona auai totino i le galuega o le faia o soo. Ia tofi ni tagata talaʻi na taulau manuia e faamatala mai ni mea e olioli ai na latou tofo i ai i le galuega o le faia o suesuega faale-Tusi Paia.—Tagai i le faaopoopoga o La Tatou Faiva o le Malo, Aperila 1998, palakalafa 3-8, 15.

Pese 26 (212) ma le tatalo faaiu.

Vaiaso e Amata ia Aokuso 23

Pese 20 (93)

10 minu: Faasilasilaga a le faapotopotoga.

15 minu: Fesoasoani i Ē Fou Loto Fiafia Ina ia Talisapaia le Paia o le Faaipoipoga. Ia taimua se toeaina i le talanoaina o le mataupu ma le aofia e faavae i le tusi Reasoning, itulau 248-250. Tatou te feiloai atu i ni ulugalii o ē tali mai i le feau o le Malo ae tuai lava ona agaigai i luma ona o loo nonofo faatasi e aunoa ma le faaipoipoina faaletulafono. Ia talanoa i le auala e fesoasoani ai ia i latou ina ia malamalama i le mafuaaga e tatau ai i Kerisiano ona manatu maualuga i le faamamaluina o le faaipoipoga. (Tagai i le Awake!, Ianuari 8, 1992, itulau 26-27.) Ia avatu ni fautuaga e uiga i le mea e mafai ona tatou fai atu ai ma le atamai e fesoasoani ai i na ulugalii ia iloa le mafuaaga e lē mafai ai ona avea i latou ma vaega o le faapotopotoga seʻi vaganā lava ua lesitalaina faatulafono a latou faaipoipoga.

20 minu: “O le ā o le a E Fai Atu ai i se Tagata Lotu Puta?” Fesili ma tali. E masani lava ona tatou tau mānatu i se upu e fai atu ai pe a tatou tau atu i le oganuu i ni tagata e faapea mai e lē auai i latou i se lotu Kerisiano, ae talitonu i manatu, amioga, ma faiga faalotu e ese, e tatou te lē masani ai. O le mataupu lenei, ua amata ona talanoaina ai se mataupu faasolo e lima vaega. Ia fai se faataitaiga saunia lelei. Mo nisi faamatalaga atili e uiga i faiga faa-Puta, tagai i le faaopoopoga o La Tatou Faiva o le Malo o Fepuari 1998; le tamai tusi Amata ma Faaauau Talanoaga, itulau 13; ma le Mankind’s Search for God, mataupu 6.

Pese 18 (162) ma le tatalo faaiu.

Vaiaso e Amata ia Aokuso 30

Pese 28 (224)

10 minu: Faasilasilaga a le faapotopotoga. Ia faamanatu i tagata uma ina ia tuuina mai a latou lipoti o le auaunaga ia Aokuso. E tatau i le au faisuesuega o Suesuega Tautusi a le Faapotopotoga ona siaki tagata uma i a latou vaega ina ia mafai ai ona faamauina uma lipoti ia Setema 6.

17 minu: E Tatou te Alolofa i o Tatou Uso. Lauga a se toeaina, ia aofia ai ma se talanoaga ma le aofia e faavae i Le Olomatamata o Tesema 1, 1995, itulau 15-17, palakalafa 7-11. Faamamafa aogā e olioli ai pe a oo ina tatou iloa lelei o tatou uso, fefaalaeiauai, ma fesoasoani le tasi i le isi ina ia tumau i tofotofoga. Ia avatu se fautuaga i le auala e mafai ai ona faia lenei mea i se tulaga e sili atu ona lautele. Valaaulia le aofia e faamatala mai ni mea na tutupu e faaalia ai le auala na toe faafouina ai ma faamalosiauina i latou e ala i faalaeiauga alofa mai isi.

18 minu: Ia Faailoa Atu le Pogai o Lou Faamoemoe. Ia faatalanoa e se toeaina se talavou aʻoga se toatasi pe toalua o fai ma faaaoaoga lelei. E masani ona la fetaiai pea ma ni tulaga e fia iloa ai e a la tupulaga i le lalolagi le mafuaaga ua filifili ai a tatou tupulaga talavou e lē auai ma i latou i a latou gaoioiga. A o faaaogaina na avanoa e faamatala atu ai o latou talitonuga e faale-Tusi Paia, e manaomia ai i o tatou tagata talavou ona tutū mausalī i lo latou tetee atu. Ia talanoaina e le vaega le auala e la te tali atu ai pe a ofoina atu ia i laua ni tapaa po o ni fualaau faasāina. Ia autalu talanoaga o loo aumaia i le tusi, Young People Ask, itulau 277-281. Faamatala le auala ua avea ai le faia o le faaiuga ina ia faia le mea saʻo, o se puipuiga ma avatu ai se molimau lelei.

Pese 3 (32) ma le tatalo faaiu.