Faasologa mo le Sauniga o le Auaunaga
Vaiaso e Amata ia Setema 11
Pese 26 (212)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
15 minu: “O le Faamanuia a Ieova e Faatamaoaigaina ai i Tatou.” Faapuupuu upu tomua ia lē silia le minute, ona sosoo ai lea ma se talanoaga e faia i fesili ma tali.—Tagaʻi i le Insight, Tusi 2, itulau 804, palakalafa 6-7.
20 minu: “Faaaogā Mea o Loo Tutupu e Faagaee ai le Fiafia.” Talanoaina ma le aofia ma faia ni faataʻitaʻiga. Ia taʻua nisi o mea tutupu i le taimi nei ua faagaee ai le fiafia o tagata i le oganuu. O ā ni popolega mo le lumanaʻi ua māfua ona o nei mea? I le faaaogāina o le tamaʻi tusi Le Auala e Amata ma Faaauau ai Talanoaga Faale-Tusi Paia, itulau 3, ofo atu ni fautuaga i le auala e sauniuni ai se upu tomua o le a iʻu ai i le faia o se talanoaga faale-Tusi Paia. Ia fai ni faataʻitaʻiga aogā saunia lelei se lua.
Pese 28 (224) ma le tatalo faaiʻu.
Vaiaso e Amata ia Setema 18
Pese 2 (15)
10 minu: Faasilasilaga a le faapotopotoga. Tala o le tupe.
15 minu: O ā ni Mea na Tatou Faataunuuina i le Tausaga ua Mavae? Lauga a le ovasia o le auaunaga. Autalu ni mea tāua mai le lipoti a le faapotopotoga mo le tausaga faaleauaunaga e 2000. Ia avatu se faamālō mo ni mea lelei na faataunuuina. Faailoa mai ni vala e manaʻomia ona faaleleia. Ia taulaʻi atu i le tulaga o le faapotopotoga e tusa ai ma le auai i sauniga, amataina ma le faia o suʻesuʻega faale-Tusi Paia, ma le auai e lē aunoa i le auaunaga i le fanua. Otooto mai ni sini aogā mo le tausaga o loo fotuaʻi mai.
20 minu: “Ua Lamatia Ola!” Talanoaga ma le aofia. Ia faamatilatila mau o loo sii mai ai i le mataupu.
Pese 8 (53) ma le tatalo faaiʻu.
Vaiaso e Amata ia Setema 25
Pese 5 (46)
15 minu: Faasilasilaga a le faapotopotoga. Faamanatu i le ʻautalaʻi ina ia tuuina mai lipoti o le auaunaga ia Setema. Autalu le Pusa Fesili.
15 minu: Manaʻoga o le faapotopotoga.
15 minu: E Lē Uma le Aogā o a Tatou Mekasini. O le ā e te faia pe afai o faufaulalaʻi lomiga tuai o Le Olomatamata ma le Ala Mai!? Ua mananaʻo nisi tagata talaʻi e lafoaʻi ma le manatu faapea ua lē o toe aogā ia mataupu i le taimi nei. Na i lo o lea, i La Tatou Faiva o le Malo o Setema 1993, itulau e 3, o loo uunaʻia ai i tatou ina ia ō ma ave ni kopi o lomiga tuai ma ofo atu pe a talafeagai. E mafai ona e fili mai ni mataupu talafeagai atonu e fetaui i tane, fafine, tagata e iai ni o latou tomai faapitoa, tagata matutua, ma talavou; ona sauni loa lea e ofo mekasini pe a tulaʻi mai se avanoa. Faataʻitaʻi mai le auala e filifilia ai mataupu ma ofo atu ai. Faamatala mai ni mea na taulau manuia ai le ʻautalaʻi i le ofoina atu o mekasini tuai.
Pese 3 (32) ma le tatalo faaiʻu.
Vaiaso e Amata ia Oketopa 2
Pese 29 (222)
15 minu: Faasilasilaga a le faapotopotoga. Faailoa atu i le faapotopotoga e uiga i le fuafuaga ua faia mo le tufatufaina atu faapitoa o le Tala o le Malo Nu. 36, lea o le a amataina i le Aso Gafua, Oketopa 16, ma faaauau ai e oo atu i le Aso Faraile, Novema 17. Ia uunaʻi tagata uma e aofia ai ē iti ma ē fou, ina ia aapa atu e faia ai se sao atoatoa. E ao i faisuʻesuʻega o Suʻesuʻega Tautusi ona faamaopoopoina i latou uma i lana vaega ina ia auai ma le maelega i le mea e mafai ai. Ia faaaofia ai ni tala o mea na tutupu e faalaeiau ai mai le tufatufaina o le Tala o le Malo talu ai.
15 minu: “Pe e Tatau Ona Ou Siitia Atu?” Lauga a se toeaina. Ia faamatala le pogai e manaʻomia ai ona faaalia le tofamamao i le faia o se filifiliga ina ia siitia atu i se isi nofoaga. Talanoa i le auala e faatatauina ai le fautuaga o loo maua i le Faataoto 22:3. Ia faaaofia ai ni faamatalaga e faatatau i faaeteetega na o loo maua i le Watchtower, Aokuso 15, 1988, itulau e 22.
15 minu: Mea Tutupu i le Amataina o ni Talanoaga. I le polokalame o le Sauniga o le Auaunaga mo le vaiaso o Setema 11, na fautuaina ai ina ia tatou fafauina aʻe ni upu tomua e faatatau i mea o loo tutupu e faagaee ai le naunau fiafia ma amataina ai ni talanoaga i le faiva. Valaaulia le aofia e faamatala mai ni iʻuga lelei na latou olioli ai ona o le faatatauina o nei fautuaga.
Pese 16 (143) ma le tatalo faaiʻu.