Faasologa o le Sauniga o le Auaunaga

Vaiaso e Amata iā Oketopa 8

Pese 12 (113)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Ia faalaeiau i tagata uma ina ia matamata i le vitiō United by Divine Teaching a o sauniuni mo le talanoaga lea e faia i le Sauniga o le Auaunaga i le vaiaso o Oketopa 22.

15 minu: Pe e ia te Oe ‘le Loto Usiusitai’? (1 Tu. 3:9) Lauga a se toeaina, e faavae mai Le Olomatamata o Iulai 15, 1998, itulau e 29-31. Ia talanoaina auala e mafai ona tatou faaalia ai le usiusitai i le galulue faatasi ma le faapotopotoga.

20 minu: Ia Faaaogā Lelei a Tatou Mekasini. E talanoaina e le ovasia o le auaunaga ma le auauna o loo gafa ma mekasini lo la atugaluga e tusa ai o le tufatufaina atu o mekasini a le faapotopotoga. E la te taʻua le aofaʻiga o kopi o loo maua e le faapotopotoga i masina taʻitasi, pe a faatusatusa atu i le aofaʻiga o mekasini o loo lipotia mai na tufatufaina. E foliga mai, e feoloolo lava le aofaʻi o ni mekasini o loo na ona faaputu pe tiaʻi foʻi. E mafai faapefea e tagata talaʻi ona latou faaaogā lelei a tatou mekasini? E talanoaina e uso ni manatu autū se fitu o loo taʻua i le vaega o le Sauniga o le Auaunaga mo le vaiaso o Oketopa 4, 1999 e faapea “Ia Mataalia i Mekasini!” La te toe autaluina le mea na tupu o loo taʻua i Le Olomatamata o Fepuari 15, 1998, itulau e 28-29, ma talanoa ai i nisi o auala e ono mafai ona faatatauina ai e le faapotopotoga na manatu sa faatulaʻi mai. Ia faalaeiau i tagata uma ina ia taumafai e faaaogā taulimaga faataʻitaʻi na o loo faamatilatila mai i masina taʻitasi o La Tatou Faiva o le Malo.

Pese 4 (43) ma le tatalo faaiʻu.

Vaiaso e Amata iā Oketopa 15

Pese 2 (15)

10 minu: Faasilasilaga a le faapotopotoga. Tala o le tupe.

35 minu: “Po o E Faatatauina Mea na E Aʻoaʻoina i le Tauaofiaga Itumalo o ‘Faiaʻoga o le Afioga a le Atua’?” Talanoaga ma le aofia e faatatau i le polokalame o le tauaofiaga e taulimaina e le faisuʻesuʻega o le Suʻesuʻega o Le Olomatamata. Pe a uma se faatomuaga e tasi le minute, ona faatulaga lea o le 10 i le 12 minute e talanoaina ai aso taʻitasi o le polokalame. Ia faapuupuu ona taʻua manatu autū i lalo o tamaʻi ulutala taʻitasi, ona tāpā lea o ni manatu mai le aofia (1) i le auala ua latou taumafai e faatatauina ai faatonuga, (2) i le auala ua aogā ai iā i latou ona o le faia faapea, ma (3) nisi mea e latou te lagona e manaʻomia ona latou faia. Ia faaaogā ni fesili faatupu manatu ina ia maua ai se talanoaga e olaola. Ia fesoasoani atu i tagata uma ina ia latou talisapaia le manaʻoga o le faatatauina o mea ua latou aʻoaʻoina.

Pese 3 (32) ma le tatalo faaiʻu.

Vaiaso e Amata iā Oketopa 22

Pese 5 (46)

10 minu: Faasilasilaga a le faapotopotoga. I le faaaogāina o manatu o loo faatulaʻi i le itulau e 8, ia fai ni faataʻitaʻiga pupuu se lua o le ofoina o mekasini, e faaaogā i le isi faataʻitaʻiga Le Olomatamata o Oketopa 1, a o le isi e faaaogā ai le Ala Mai! o Oketopa-Tesema.

10 minu: O le a Faapefea Ona E Tali? Ia taʻua faapuupuu manatu o loo i le itulau e 204-205 i le tusi o le Reasoning, o loo aumaia ai le tali manino i le fesili, “E faapefea ona maua e Molimau a Ieova la latou faamalamalamaga o le Tusi Paia?” Ia faatino mai se faataʻitaʻiga ua lelei ona saunia, e faaalia ai le auala e tali atu ai i lenei fesili pe a fai se toe asiga, ma sosoo ai ma se valaaulia māfana ina ia auai i sauniga a le faapotopotoga.

25 minu: “United by Divine Teaching—Se Vaaiga i le Autasi Moni Faaleuso.” Se talanoaga ma le aofia. Ia faaaogā palakalafa muamua ma le mulimuli e faatomua ma faaiʻu mai ai le vaega. Ina ia tataʻi atu i se talanoaga olaola o le vitiō, ia fesiligia fesili taʻitasi ua saunia. Pe afai e iai se tasi o le faapotopotoga na auai atu i tauaofiaga i isi atunuu, ia valaaulia i latou e faamatala mai o latou lagona ina ua vaaitino lava latou i le tulaga faavaomalo faapea le autasi o la tatou faalapotopotoga. A lē o lea, ia faamatala mai ni tala faaootia loto o mea na tutupu, o loo faamauina i le 1994 Yearbook, itulau e 7-9, ma le 1995 Yearbook, itulau e 8-11. Iā Tesema o le a tatou autaluina ai le vitiō To the Ends of the Earth.

Pese 11 (85) ma le tatalo faaiʻu.

Vaiaso e Amata iā Oketopa 29

Pese 19 (164)

12 minu: Faasilasilaga a le faapotopotoga. Ia faamanatu atu i tagata talaʻi e aumai a latou lipoti mo le auaunaga i le fanua mo Oketopa. O le lomiga e ofo iā Novema o le polosiua o le Manaomia po o le tusi o Le Poto. Ia faataʻitaʻi mai le taulimaga puupuu lenei: “I lenei vaitaimi o le faigatā o le tamaoaiga, e toʻatele tagata ua latou iloa le faigatā ona maua o mea e manaʻomia. Pe e te manatu ea o le a aumaia e faigāmalo faaletagata se vaifofō i lenei faafitauli, i se auala o le a laugatasia ai tagata uma? [Tuu atu se avanoa mo se tali mai.] O se folafolaga lenei o loo i le Tusi Paia na ou iloa le matuā faalaeiau ai.” Faitau le Salamo 72:12-14. Ona ofo lea o le polosiua o le Manaomia po o le tusi o Le Poto, ma faaopoopo atu i ai ma sina manatu talafeagai mai le lomiga.

15 minu: Manaʻoga o le faapotopotoga.

18 minu: “Po o Lelei Lau Taumafa Faaleagaga?”a Tuu atu se avanoa mo ni manatu e faaopoopo mai ai le aofia i Le Olomatamata o Aperila 15, 1997, itulau e 28-31, ina ia faamatala mai le māfuaaga ma le auala e tatau ai ona tatou faamalolosi e tausisia se masaniga lelei o le taumafa i meaʻai faaleagaga.

Pese 21 (191) ma le tatalo faaiʻu.

Vaiaso e Amata iā Novema 5

Pese 20 (93)

10 minu: Faasilasilaga a le faapotopotoga. I le faaaogāina o manatu o loo faatulaʻi mai i le itulau e 8, ia faataʻitaʻi mai ni taulimaga pupuu se lua o le ofoina o mekasini, o le isi faataʻitaʻiga e faaaogā ai Le Olomatamata o Oketopa 15 a o le isi e faaaogā ai le Awake! o Oketopa 22.

18 minu: Sauniuniga a le Aiga mo Sauniga. E talanoa se tamā ma lona aiga i auala e mafai ai e tagata uma ona tapenapena ina ia faia so latou sao uigā i sauniga. E latou te faaaogā taʻiala mai Le Olomatamata o Iulai 1, 1999, itulau e 20, palakalafa 9, e sauniuni ai a latou tali e fai pe a oo i le Suʻesuʻega o Le Olomatamata o lenei vaiaso. (1) E tofu tagata uma o le aiga ma se fesili e tasi pe lua e latou te filifilia e tali mai ai. (2) Pe a māeʻa ona autaluina palakalafa ua filifilia, ona latou fafau aʻe lea o o latou manatu i a latou lava upu. (3) E latou te fili maia mau autū o loo faasino mai ona talanoa lea i le auala e fesootaʻi atu ai nei mau taʻitasi i le mataupu, ma fuafua po o ā ni faamatalaga e fai ina ia faatatau atu ai nei mau i le lesona. Ia tinoū uma tagata e faia se vaega i le sauniga.

17 minu: “O le ā le Sini Autū?”b Ia faamamafa le aogā o le fesoasoani atu i tagata suʻesuʻe ina ia latou iloa le tāua o le auai atu i sauniga a le faapotopotoga. Ia faaaofia ai ma se faataʻitaʻiga ua sauniunia lelei o le auala e faia ai lenei mea, e ala i le faaaogāina o le mataupu e 17, palakalafa e 6-8, i le tusi o Le Poto.

Pese 15 (127) ma le tatalo faaiʻu.

[Faaopoopoga i lalo]