Pusa Fesili

◼ Aiseā e manaʻomia ai ona faautauta pe a molimau atu i ni tusi e lafo atu i le meli?

O le molimau atu e ala i tusi e lafo atu i le meli, ua faamaonia o se auala aogā tele mo le talaʻiina atu o le tala lelei. Ae peitaʻi, o mea na tutupu talu ai nei i le lalolagi, ua faaeteete ai tagata i le tatalaina o ni teutusi mai ni tagata e latou te lē iloaina. O ni tusi foʻi e leai ni tuatusi o ni tagata e mafai ona toe lafo atu iai se tali o le tusi, e masani lava ona masalomia, aemaise lava pe afai e tusilima tuatusi ma e mafiafia mea i totonu o le teutusi. E ono lafoaʻia e tagata e ona fale na tusi e aunoa ma le tatalaina. E mafai faapefea ona taofia le tutupu mai o na mea?

Afai e mafai, e tatau ona faaaogā se laau lomitusi e tusia ai le tusi, ma faatuatusi ai. E tatau ona tusia ai le suafa o lē e ona le fale i le teutusi. Aua le faatuatusiina e faapea, mo “Lē e Ona le Fale.” E lē gata i lea, ia tusia ai pea se tuatusi e toe aumai ai se tali. Afai e lē lelei le faailoa atu o lou tuatusi totino, tusi ai lou igoa ma le tuatusi o le Maota o le Malo. Aua le aauina atu ni tusi e aunoa ma le tusia ai o lou igoa. Aua lava neʻi faaaogāina le tuatusi o le ofisa o le lālā.—Tagaʻi i le Pusa Fesili o La tatou Faiva o le Malo o Novema 1996.

Mo nisi fautuaga atili ma le faataʻitaʻiga o tusi, e mafai ona maua i le tusi, Benefit From Theocratic Ministry School Education, itulau e 71-73. O le a fesoasoani nei taʻiala iā i tatou ina ia faaaogā tusi e lafo atu i le meli i se auala uigā e faaoo atu ai le tala lelei i isi.