Pusa Fesili

◼ Pe a molimau atu i luga o le telefoni, pe e tatau ona tatou faamatala atu le fuafuaga mo meaalofa tauofo?

Pe a molimau saʻo atu i le tagata, atonu e mafai ona tatou faamatala atu faapea o le galuega tau aʻoaʻo atu faale-Tusi Paia a Molimau a Ieova, o loo lagolagoina e meaalofa tauofo ma e tatou te fiafia e taliaina na meaalofa. Peitaʻi, e lē taʻua se meaalofa tauofo po o le faatulagaga mo meaalofa tauofo pe a molimau atu i luga o le telefoni, ona e ono faauiga sesē ai o se suʻega tupe. I so o se vala lava, o le faiva a Molimau a Ieova e lē o se faiga faapisinisi.—2 Kori. 2:17.

◼ Pe a molimau atu i luga o le telefoni, o le ā e tatau ona tatou faia pe a talosaga mai se tagata e aua nei toe vili atu se Molimau a Ieova i le numera lea?

E tatau ona faaaloalogia le manaʻoga o le tagata. E tatau ona tusia le aso na talosaga mai ai le tagata ma lona suafa ona tuu lea i le teutusi o le oganuu ina ia ʻalofia ai e le ʻautalaʻi ona toe viliina le numera lea i se taimi o i luma. E tatau ona iloiloina faatasi i le tausaga le lisi o tagata o ē na talosaga mai e aua neʻi toe vili atu iā latou numera. I lalo o le taʻitaʻiga a le ovasia o le auaunaga, e mafai ona tofia ni tagata talaʻi agavaa ua lava le tomai ina ia telefoni atu i nei tagata e toe iloiloina po o tumau pea lo latou manatu e aua neʻi toe vili atu se Molimau a Ieova.—Tagaʻi i le Pusa Fesili i La Tatou Faiva o le Malo faa-Peretania o Iuni, 1994.