Pusa Fesili

◼ Pe ua lē faalua ai ea ona tatou foai mo lomiga pe afai sa faia se foai i le taimi tatou te maua ai lomiga ma pe a tatou tuuina atu foai sa maua i le fanua i pusa meaalofa ua faailogaina mo le galuega a le Sosaiete i le lalolagi aoao?

Leai. O foai e tuu i pusa meaalofa mo le galuega a le Sosaiete i le lalolagi aoao, e lē mo na o lomiga. Ua mauaina uma e tagata talaʻi ma tagata loto naunau faamaoni lomiga e aunoa ma se totogi. Pe a faia e tagata talaʻi a latou foai, e lagolagoina ai i lea le tausia o ofisa o le lala, aiga Peteli, misionare ma aʻoga tau le auaunaga, ovasia femalagaai, ofisa e tufa atu ai lomiga, ma le anoanoai o isi auaunaga lagolagosua e manaomia mo le faataunuuina o le tofiga aoao na tuu atu e Iesu i ona soʻo. O le lomiaina o lomiga ua na o se vaega itiiti lea o lenei tofiga.

O le mea lea, pe a maua foai mai tagata naunau i le fanua, e lē tatau ona tatou faapea atu o le foai e “mo le lomiga.” E pei ona tatou faamatala atu ia i latou, o ē e naunau faamaoni e faitau a tatou lomiga latou te mauaina e aunoa ma se totogi. So o se foai la o le a aumaia e na tagata, o le a faaaogā mo le totogia o tupe faaalu o le galuega i le lalolagi aoao. Ua faapea foi ona moni i foai e faia e tagata talaʻi.