Faasologa o le Sauniga o le Auaunaga

Vaiaso e Amata iā Setema 8

Pese 8 (10)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Ia faalaeiau tagata uma e toe autalu a latou faamaumauga o le polokalame o le fonotaga matagaluega i le tausaga faaleauaunaga ua mavae, e sauniuni ai mo le Sauniga o le Auaunaga i le vaiaso e sosoo ai. I le faaaogāina o fautuaga i le itulau e 6, ia faia ni faataʻitaʻiga eseese se lua i le auala e ofoina ai le Olomatamata o Setema 1 ma le Awake! o Setema 8. I se tasi o faataʻitaʻiga, ia faaali mai se tamaitiiti aʻoga po o se matua o loo molimau atu i se faiaʻoga.

10 minu: Tusi Mai le Ofisa. O se talanoaga a se tagata ua loa ona talaʻi, e lelei pe a faia e se toeaina, ma se tagata talaʻi talavou. E fesili atu le tagata talaʻi talavou i le tagata talaʻi ua iai le poto masani pe na ia tagaʻi i le tusi mai le ofisa i Samoa i La Tatou Faiva o le Malo. E faamatala atu e le tagata talaʻi ua iai le poto masani faapea o le tusi mai le lālā—o se vala o La Tatou Faiva o le Malo i le vaitaimi o le 1960-1969 ma le 1970-1979. Ona la talanoaina lea o le tusi mai le ofisa i le itulau muamua, ma faamatilatila manatu autū.

25 minu: “Talavou—Ia Ati Aʻe se Faavae Lelei mo le Lumanaʻi.”a Ia faia e se toeaina, ma ia faaaogā fesili ua saunia. Pe a talanoaina le palakalafa e 5, ia faamatilatila le olioli ma faamanuiaga o le auaunaga faataimi atoa.

Pese 98 (221) ma le tatalo faaiʻu.

Vaiaso e Amata iā Setema 15

Pese 50 (66)

10 minu: Faasilasilaga a le faapotopotoga. Tala o le tupe.

10 minu: “Suʻesuʻeina o le Tusi Tapuaʻi i le Atua.” Lauga e faia e se ovasia o suʻesuʻega tautusi. Ia taulaʻi atu manatu i le faasologa mo suʻesuʻega. Pe a talanoaina le palakalafa e fā, ia faaaofia ai ma faamatalaga o loo i le tusi Aʻoga o le Faiva, itulau 28, palakalafa 1, ma le itulau e 70.

25 minu: ʻIa Faatuatua iā Ieova ma Fai Mea Lelei.’ (Sala. 37:3) Talanoaga ma le aofia e faavae i fesili o loo mulimuli mai, ia e faamatilatila ai manatu autū o le polokalame o le fonotaga matagaluega, mo le tausaga faaleauaunaga na teʻa nei. Ia valaaulia le aofia e faaaofia iā latou tali le auala na latou mafai ai ona faatatauina manatu autū iā i latou, ma o latou aiga. Faamatilatila vaega nei o le polokalame: (1) “Faaaliaina o le Faatuatua iā Ieova.” Aiseā e tāua ai le faaalia o le faatuatua iā Ieova i vala uma o le olaga? (it-2 itu. 521) E faapefea ona fesoasoani mai le Watch Tower Publications Index iā i tatou? (2) “Ia Leoleo Faasaga i Mea Faatauvaa o le Olaga.” (Fai. 2:4-8, 11) O ā mea faatauvaa e tatau ona tatou leoleo faasaga i ai, ma e faapefea ona tatou faia faapea? (3) “Ia Tetee Atu i le Leaga, ae Avea ma Ē Faia Mea Lelei.” Aiseā e tāua ai le pipii atu i tapulaa a Ieova? (Isa. 5:20) O ā galuega lelei e tatau ona tatou pisi e fai? (4) “Faatumauina o lo Tatou Mautinoa iā Ieova.” O le ā o le a fesoasoani iā i tatou e tumau ai ma le mausalī, e ui i puapuaga ma tofotofoga? Aiseā e tatou te manaʻomia ai ona tuu atu nisi o mea i aao o Ieova? (5) “Po o le a Taʻuaogāina Oe i le Malo o le Atua?” (Kolo. 1:10) O ā faaaʻoaʻoga faale-Tusi Paia ua faagaeeina i tatou e faaauau ona savavali ai ina ia taʻuaogāina ai e Ieova? (6) “Ia Faatuatua i Folafolaga a Ieova.” O le a faapefea ona aafia ai o tatou olaga?

Pese 47 (58) ma le tatalo faaiʻu.

Vaiaso e Amata iā Setema 22

Pese 5 (6)

10 minu: Faasilasilaga a le faapotopotoga. I le faaaogāina o fautuaga i le itulau e 6, ia faia ni faataʻitaʻiga eseese se lua i le auala e ofoina ai le Olomatamata o Setema 15 ma le Ala Mai! o Iulai-Setema. Ia faaalia se toeaina ma se tagata talaʻi e lē atoatoa le malosi o loo molimau atu e ala i le telefoni.

15 minu: O le ā na Tatou Faataunuuina i le Tausaga ua Mavae? E autalu e le ovasia o le auaunaga manatu tāua mai le lipoti a le faapotopotoga o le tausaga faaleauaunaga o le 2003. Ia faamālō i le faapotopotoga mo mea lelei na faataunuuina. Ia faaaofia ai ma manatu lelei mai le lipoti mulimuli a le ovasia matagaluega. Ia taʻua se sini se tasi pe lua e mafai ona ausia mo le tausaga o loo sau.

20 minu: Pe e Talia e le Atua Lotu Uma? Talanoaga ma le aofia e faavae i le tusi Reasoning. Talanoa le auala e fefulifulisaʻi ai ma se tasi i lenei manatu. (rs itu. 322-323; rq itu. 26) Ia faamatilatila ni nai auala e iloa ai le tapuaʻiga moni. (rs itu. 328-330; w01 6/1 itu. 13-15) E fesoasoani la tatou faiva i isi e filifili ai le ituaiga tapuaʻiga e taliaina e le Atua.—Kolo. 1:9, 10.

Pese 33 (39) ma le tatalo faaiʻu.

Vaiaso e Amata iā Setema 29

Pese 19 (21)

10 minu: Faasilasilaga a le faapotopotoga. Ia faamanatu i le ʻautalaʻi e faaoo ane a latou lipoti o le auaunaga i le fanua mo Setema. Ia taʻua le lomiga e ofo mo Oketopa. Ia faia se faataʻitaʻiga puupuu i le auala e amata ai se suʻesuʻega faale-Tusi Paia i le polosiua o le Manaomia.

15 minu: Manaʻoga o le faapotopotoga.

20 minu: “Ia Oofu Outou i le Lotomaulalo.”b Ia faaali mai ni manatu o le aofia i le auala e faatatauina ai mau.

Pese 100 (224) ma le tatalo faaiʻu.

Vaiaso e Amata iā Oketopa 6

Pese 81 (134)

10 minu: Faasilasilaga a le faapotopotoga. E tatou te faia ni taumafaiga faapitoa i le masina lenei, e amataina ni suʻesuʻega faale-Tusi Paia. Ia autalu puupuu La Tatou Faiva o le Malo, o Me 2002 itulau 1, palakalafa 1.

15 minu: “Ia Mautinoa ua Faamuamua Mea e Ao Ona Faamuamua!” Se lauga ma se talanoaga ma le aofia e faavae i le mataupu i le Olomatamata o Setema 1, 1998, itulau 19-21. Ia taʻua aso o fuafuaga faatiokarate ua faatulaga mo masina o loo lumanaʻi ai, ma faalaeiau tagata uma e faailoga nei aso iā latou kalena. Ia valaaulia le aofia e faamatala mai mea e latou te faia e ʻalofia ai le misia o nei sauniuniga faaleagaga.

20 minu: Ia Teena ma le Maumauaʻi Omiga Mai Aumea. Ia faatalanoa se toeaina po o se auauna o le faiva na soifua aʻe i se aiga Kerisiano. Ia tagaʻi i manatu o loo i le Olomatamata o Fepuari 15, 2003. O ā omiga na fesagaʻi ma le uso i le aʻoga? (itu. 24 pala. 3; itu. 25 pala. 4-5) Pe na ia fesagaʻi ma se lamatiaga e leaga ai mai isi? (itu. 26 pala. 4-6) Po o ia fesagaʻi pea ma omiga ina ua matua? O le ā na fesoasoani iā te ia e teena ai omiga ina ia gaoioi e pei o ana aumea? I se lauga faaiʻu puupuu e faavae mai le Olomatamata, o Aokuso 1, 1999, itulau 24-25, faamatilatila aogā o le iai o ni aumea lelei.

Pese 21 (26) ma le tatalo faaiʻu.

[Faaopoopoga i lalo]