Faasologa o le Sauniga o le Auaunaga

Vaiaso e Amata iā Novema 8

Pese 12 (14)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. O le a faauma iā Novema 14 le tauiviga faapitoa mo le tufaina atu o le polosiua Ia Faaauau Ona Mataala! O lea, mo aso o loo totoe o Novema, o le a tatou ofoina ai le tusi Ia Faalogo i le Faiaʻoga Sili. Ia autalu puupuu fautuaga mo taulimaga o loo i La Tatou Faiva o le Malo o Me 2004, itulau e 3.

15 minu: Mauaina Atoa Aogā Mai le Sauniga o le Auaunaga. Talanoaga ma le aofia e faavae i le tusi La Tatou Faiva, itulau 71-72. O ā auala e lima o loo fesoasoani ai le Sauniga o le Auaunaga iā i tatou e faaleleia atili ai, i le avea ma faifeʻau Kerisiano. Ia taʻua ni faaaʻoaʻoga i polokalame o loo faagasolo. O ā ni aogā o le muaʻi sauniuni? Aiseā e auai e lē aunoa? O le ā se faaaʻoaʻoga faale-Tusi Paia o loo iai mo le sauniga lenei?

20 minu: “Ia Tausia se Uiga Faanatinati!”a Ia faaaofia ai ma faamatalaga o loo i le Olomatamata o Ianuari 15, 2000, itulau 12-13.

Pese 17 (19) ma le tatalo faaiʻu.

Vaiaso e Amata iā Novema 15

Pese 10 (12)

10 minu: Faasilasilaga a le faapotopotoga. Afai e aogā fautuaga o loo i le itulau e 4 i le oganuu a la outou faapotopotoga, ia faaaogā e faataʻitaʻi ai le auala e ofo ai le Olomatamata o Novema 1 ma le Awake! o Novema 8. E mafai ona faaaogā isi taulimaga talafeagai.

15 minu: Po ua E Tofo i le Fiafia e Maua Mai i le Foaʻi Atu? Lauga e faavae i le Olomatamata, Novema 1, 2004 itulau 19-23.

20 minu: Ia Ati Aʻe le Fiafia i le Faaaogāina o le Polosiua Fou. Lauga ma se talanoaga ma le aofia e faia e le ovasia o le auaunaga. E tatau ona tatou toe foʻi e ati aʻe le fiafia o tagata taʻitoʻatasi na taliaina se kopi o le polosiua Ia Faaauau Ona Mataala! I le faaaogāina o le faasologa o mataupu i le itulau e 2, ia faia se aotelega puupuu o le polosiua, ia taulaʻi atu i vaega o loo lisi mai ai (o loo lomia i mataʻitusi masani i lalo o ulutala olaola tetele). E mafai ona faaaogā lenei mataupu mo ni talanoaga pupuu e toe faalautele ai manatu na talanoaina muamua. Mo se faataʻitaʻiga, afai na faamatilatila le vaega o loo i le itulau e 3-4 i lau uluaʻi asiasiga, ona faaaogā lea o le vaega “Po o Silasila Alofa Mai le Atua?” i le itulau e 5 e fai ai le toe asiga. Talanoa le auala e faia ai. Autalu isi vaega o loo faamatilatila mai, e pei o vaega o loo i le itulau e 6-8 ma le 17-18 po o isi vaega e talafeagai ma le oganuu a le faapotopotoga. Faataʻitaʻi se toe asiga, e ala i le faaaogā o se vaega o loo tusi faamatilatila mai. E ao ona faitau ma talanoaina se mau faasino se tasi pe sili atu foʻi. E faaiʻu e le tagata talaʻi e ala i le taulaʻi atu i se isi vaega o loo faamatilatila mai lea e mafai ona talanoa i ai i le isi asiasiga e sosoo ai.

Pese 50 (66) ma le tatalo faaiʻu.

Vaiaso e Amata iā Novema 22

Pese 63 (82)

10 minu: Faasilasilaga a le faapotopotoga. Tala o le tupe. Ia faataʻitaʻi le auala e ofo ai le Olomatamata o Novema 15 ma le Awake! o Novema 22.

15 minu: Manaʻoga o le faapotopotoga.

20 minu: Amata Suʻesuʻega Faale-Tusi Paia ma i Latou na Taliaina le Polosiua Fou. Lauga ma se talanoaga ma le aofia e taulimaina e le ovasia o le auaunaga. Ia toe autalu le asiga lea na faia i le Sauniga o le Auaunaga o le vaiaso na teʻa nei, ma taʻua faapitoa lava le vaega lea na taʻua i le faaiʻuga o lenā toe asiga. Ia faaaogā e le tagata talaʻi lava lenā (pe a fetaui) le mataupu lava lenā e fai ai se faataʻitaʻiga mo le asiasiga e sosoo ai. Ona faaaogā lea e le tagata talaʻi le itulau i tua o le polosiua e ofo atu ai se suʻesuʻega faale-Tusi Paia, ona faia lea o fuafuaga mo le talanoaina o le lesona 1 o le polosiua o le Manaomia i le isi asiasiga e sosoo ai. Ia faalaeiau tagata uma ia taulaʻi atu i le amataina o suʻesuʻega faale-Tusi Paia ma i latou na taliaina se kopi o le polosiua Ia Faaauau Ona Mataala!

Pese 47 (58) ma le tatalo faaiʻu.

Vaiaso e Amata iā Novema 29

Pese 20 (23)

10 minu: Faasilasilaga a le faapotopotoga. Faamanatu i le ʻautalaʻi e tuuina mai a latou lipoti o le auaunaga o Novema.

10 minu: Pusa Fesili. Lauga e faia e se toeaina.

25 minu: “Faia o Suʻesuʻega Faale-Tusi Paia e Agaʻigaʻi i Luma—Vaega 3.”b Faaaogā fesili ua saunia. Pe a uma ona talanoaina le palakalafa e 3, ia faaaofia ai ma se faataʻitaʻiga puupuu o se suʻesuʻega faale-Tusi Paia i le polosiua o le Manaomia, lesona 5, palakalafa 1. Ua uma ona faitau le palakalafa ma ua uma foʻi ona tali le fesili. E faitau ma talanoaina e le faiaʻoga ma le tagata aʻoga le Isaia 45:18 ma le Failauga 1:4. E faaaogā e le faiaʻoga fesili faigofie e uunaʻia ai le tagata aʻoga e faamatala mai le auala e fesootaʻi ai mau taʻitasi i le manatu o loo talanoaina.

Pese 27 (32) ma le tatalo faaiʻu.

Vaiaso e Amata iā Tesema 6

Pese 78 (127)

10 minu: Faasilasilaga a le faapotopotoga. Ia taʻua le lomiga e ofo iā Tesema. Ia faataʻitaʻi se taulimaga se tasi pe lua e mafai ona faaaogā pe a ofo le tusi o Le Tagata Silisili.

20 minu: “Pe e Mafai Ona E Fesoasoani Atu?”c Ia faatalanoa se tagata talaʻi se toʻatasi pe toʻalua na lagona le lotofaafetai i le fesoasoani po o se faalaeiauga na mauaina mai isi.

15 minu: Tala i mea na tutupu. Valaaulia le aofia e faamatala mai ni mea na olioli ai ina ua toe foʻi atu e asi tagata na tuu ai le lomiga Ia Faaauau Ona Mataala! Ia muaʻi faatulaga ina ia toe faatino mai mea mataʻina na tutupu. Ia faamālō i tagata uma mo la latou lagolagosua mo le tauiviga faapitoa.

Pese 28 (33) ma le tatalo faaiʻu.

[Faaopoopoga i lalo]