Le Tala e Fai Atu e Uiga i Mekasini

Le Olomatamata Me 1

“Pe ana fai e tatou te maua se avanoa e fesili ai i le Atua i ni mea tatou te lē malamalama ai, o le ā se tasi o fesili e te ono fesili ai i le Atua? [Tuu le avanoa mo se tali, ona faitau lea o le Iopu 21:7.] E pei o Iopu ua tuu fesili ai foʻi nisi o ē na oo iai tulaga faigatā ona o faiga a tagata amioleaga. O le a faaailoa atu e le mekasini lenei ni tali i nisi o fesili e faatatau i le olaga.”

Awake! Me 8

“Ua anoanoaʻi le mau faamaʻi ua aafia ai le soifua o tagata, a ea? E pei o le gasegase lea ua taatele i lo tatou atunuu o le suka. O le ā sou silafia e faatatau i lea gasegase? [Tuu le avanoa mo se tali, ona faitau lea o le Isaia 33:24.] Ua taʻu mai e le Tusi Paia e iai le taimi o le a lē toe iai ni maʻi e aofia ai ma le maʻi suka. Maʻeu se folafolaga faamāfanafanaloto, a ea? O le a fesoasoani le mekasini lenei e faamatala atili atu iā te oe.”

Le Olomatamata Me 15

“Ua taatele faiga sauā i o tatou taimi. E te ioe i lenei tulaga? Ae faapefea faiga sauā i aso uma mavae? [Tuu le avanoa mo se tali, ona faitau lea o le Mataio 24:37.] Na valoia e Iesu o mea ia e tutupu i o tatou aso e tutusa ma ona pō o Noa. O le ā sou taofi, e tāua le tusi o faamaumauga a Noa? O le a taʻu atu e le mekasini lenei le tali iā te oe.”

Ala Mai! Ape.-Iuni

“O le ā sou taofi e te silafia e iai se vaifofō o le faamaʻi lenei o le AIDS? [Tuu le avanoa mo se tali.] E mafai ona puipuia se tasi mai le aafia e ala i le usitaia o tapulaa a le Tusi Paia. [Faitau le 1 Korinito 6:18.] O loo manino faatulagaga tauamio a le Tusi Paia, o lea la pe afai e mulimuli ai tagata uma, o le a saʻoloto i latou mai ona aafiaga. O le a faailoa atu e le mekasini lenei nisi o fautuaga faale-Tusi Paia.”