Le Tala e Fai Atu e Uiga i Mekasini

Le Olomatamata Iuni 1

“O le ā se māfuaaga e uunaʻia ai oe e te foaʻi atu? [Tuu le avanoa mo se tali.] E taofi eseese tagata i māfuaaga latou te foaʻi atu ai. Ae seʻi mātau mai le mea o fai mai ai le Eperu 13:16. O se mea e ao ona fai e faafiafia ai le finagalo o le Atua. Pe a e faitau i lenei mekasini, o le a e iloa ai nisi o māfuaaga faale-Tusi Paia e ao ai ona tatou foaʻi atu.”

Awake! Iuni 8

“O se vaaiga faanoanoa ma o se tulaga foʻi e faapopoleina ai ona o tulaga tauamio i aso nei. O le ā sou silafia e faatatau i tulaga tauamio i Samoa nei? [Tuu le avanoa mo se tali.] Ua matuā paʻū maulalo lava tulaga tau amio i lo tatou atunuu a ea? Faamolemole seʻi mātau mai le mea o fai mai ai le 2 Timoteo 3:1-5. Ua tatou ola ma soifua i aso e gata ai, ma ua lē toe faigofie le olaga aemaise lava i tulaga tauamio. O le a faamatala atili atu e lenei mekasini iā te oe e faatatau i lenei tulaga.”

Le Olomatamata Iuni 15

“O le ā sou taofi, e faapefea ona e iloa sa soifua muamua taʻitaʻi lototetele ua mavae atu o le atunuu? [Tuu le avanoa mo se tali.] E faapena uma lava Iesu, e iai faamaoniga maufaatuatuaina e faamaoni ai sa soifua moni o ia. Ma e leai se tasi na soifua muamua e tutusa ma ia. [Faitau le Galuega 4:12.] Ioe, e ala mai iā te ia ua tatou maua ai le faaolataga. E faapefea la ona tatou mauaina lenā faamoemoe? O le a tali e lenei mekasini lenā fesili.”

Ala Mai! Ape.-Iuni

“Pe e te silafia se tala fou faafiafia loto e uiga i le AIDS? [Tuu le avanoa mo se tali, ona faitau lea o le Faaaliga 21:4, 5.] O se fiafiaga ona o le a faafouina e le Atua mea uma, ma o le a lē toe iai se mea tuai na iai muamua i le lalolagi. O lona uiga la, o le a aofia ai foʻi ma le AIDS. E logolelei lenā faamatalaga i lau faafofoga? O loo i lenei mekasini fesoasoani faale-Tusi Paia e aogā mo i tatou.”