Faasologa o le Sauniga o le Auaunaga

Vaiaso e Amata iā Novema 14

Pese 4 (4)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Faaaogā fautuaga o loo i le itulau e 4 (pe a talafeagai ma le oganuu a la outou faapotopotoga) e faataʻitaʻi ai le auala e ofo ai le Olomatamata o Novema 1 ma le Ala Mai! o Oketopa-Tesema. E ono mafai ona faaaogā isi taulimaga talafeagai. I taulimaga taʻitasi, ia faailoa mai se isi auala e taulimaina ai le manatu e ono taofia ai se talanoaga “Ou te lē fiafia i lotu.”—Tagaʻi i le tamaʻitusi Le Auala e Amata ma Faaauau ai Talanoaga Faale-Tusi Paia, itu. 9.

15 minu: Meaalofa e Fiafia i ai le Atua. Lauga e fai e se toeaina e faavae i le Olomatamata o Novema 1, 2005, itu. 26-30.

20 minu: “Ia Taʻutaʻu Atu le Mamalu o Ieova.”a Pe a talanoaina le palakalafa e 4, ona valaaulia lea o le aofia e faamatala puupuu mai ni mea na tutupu e faaalia ai faapea, e mafai e amioga lelei ona amata ai se molimau.

Pese 10 (12) ma le tatalo faaiʻu.

Vaiaso e Amata iā Novema 21

Pese 34 (40)

10 minu: Faasilasilaga a le faapotopotoga.

20 minu: Ia Fai Ieova ma Ou Atua. Lauga e fai e se toeaina e faavae i le Olomatamata o Aperila 1, 2005, itulau 25-28. Fai se faatatauga lelei o lesona tatou te aʻoaʻoina mai faaaʻoaʻoga a Aperaamo, Tavita, ma Elia.

15 minu: “Ia Faaalia le Naunau Moni i Isi—E Ala i le Mātauina o Tulaga o Mea.”b Ia faaaofia ai ma se taulimaga e fai e se tagata talaʻi o loo mātauina mea o loo faaalia ai le fiafia o le tagata o le aiga, ona fetuutuunaʻi lea o lana talanoa e faafetaui atu i le tulaga o loo iai.

Pese 51 (67) ma le tatalo faaiʻu.

Vaiaso e Amata iā Novema 28

Pese 16 (18)

12 minu: Faasilasilaga a le faapotopotoga. Faitau le tala o le tupe ma tusi na faafetai mai ai mo foaʻi na avatu. Faamanatu i le ʻautalaʻi e tuuina mai a latou lipoti o Novema. I le faaaogāina o fautuaga o loo i le itulau e 4 (pe a talafeagai ma la outou oganuu), ia faataʻitaʻi le auala e ofo ai le Olomatamata o Novema 15 ma le Ala Mai! o Oketopa-Tesema. E ono mafai ona faaaogā isi taulimaga talafeagai. Ia taʻua le fuafuaga mo meaalofa tauofo.

15 minu: “E Faapefea Ona Fai la Tatou Fesoasoani?” O se lauga. Faamatala ni nai faataʻitaʻiga o taumafaiga o loo fai e auauna a Ieova e saunia ai fesoasoani mo uso talitonu o loo matuā manaʻomia se fesoasoani. (Tagaʻi i lomiga o le Awake! o Aokuso 8, 2003, itu. 10-15; Novema 22, 2002, itu. 19-24; ma Oketopa 22, 2001, itu. 23-27. E mafai foʻi ona faaaogā isi lomiga.) Ona talanoa lea i manatu tāua mai le mataupu o loo i le itulau e 3 o La Tatou Faiva o le Malo. Ia faamamafa le manatu faapea, pe afai e manaʻo le tagata e fai se foaʻi mo fesoasoani laveaʻi, o le auala sili e fai ai o le foaʻi lea o tupe mo le galuega i le lalolagi aoao.

18 minu: Talaʻi Atu le Tala Lelei iā Tesema. Lauga ma se talanoaga ma le aofia. I manatu amata o le lauga pe lima minute, ia autalu puupuu manatu o loo taʻua i inei mai “Le Auala e Faaaogā ai Taulimaga Faataʻitaʻi,” o loo i La Tatou Faiva o le Malo o Ianuari 2005 i le itulau e 8: (1) O le a sili atu ona aogā pe a faia taulimaga iā tatou lava upu. (2) E ao ona faaaogā le utaga mamao ma fetuunaʻi la tatou taulimaga e tusa ma le mea e taliaina e lea vaipanoa. (3) E tatau ona tatou iloa le talaaga ma mafaufauga o tagata i la tatou oganuu. (4) E ao ona tatou faitauina lelei le mataupu lea e tatou te mananaʻo e faaaogā, ma vaai manatu ia e faagaee ai le fiafia o le tagata. (5) E lē na o taulimaga faataʻitaʻi e mafai ona faaaogā. A uma ona talanoa lea o le auala e faatatau ai na manatu, pe a taulima le ofo o Tesema. E mafai ona faaaogā taulimaga faataʻitaʻi o loo i le faaopoopoga o La Tatou Faiva o le Malo o Ianuari 2005 po o se isi taulimaga e aogā i le oganuu. Ia faataʻitaʻi se taulimaga se tasi pe lua.

Pese 18 (20) ma le tatalo faaiʻu.

Vaiaso e Amata iā Tesema 5

Pese 46 (57)

10 minu: Faasilasilaga a le faapotopotoga.

15 minu: Manaʻoga o le faapotopotoga.

20 minu: “Mea ua Faataunuuina e la Tatou Faiva.”c Pe a talanoaina le palakalafa e 5, ia faaaofia ai manatu o loo i le Olomatamata o Fepuari 15, 2004, itulau 32.

Pese 21 (26) ma le tatalo faaiʻu.

[Faaopoopoga i lalo]