Faasologa o le Sauniga o le Auaunaga

Vaiaso e Amata iā Tesema 12

Pese 27 (32)

10 minu: Faasilasilaga a le Faapotopotoga. Faasilasilaga e fili mai i La Tatou Faiva o le Malo. Faaaogā fautuaga o loo i le itulau e 6 (pe a talafeagai ma la outou oganuu) e faataʻitaʻi ai le auala e ofo ai le Olomatamata o Tesema 1 ma le Ala Mai! o Oketopa-Tesema. E mafai ona faaaogā isi taulimaga talafeagai. Pe a uma faataʻitaʻiga taʻitasi, ona taʻua lea o le faigofie tele ona faaaofia o se mau i le taulimaga.

15 minu: “Se Aʻoga e Fesoasoani iā i Tatou e Faia ni Faatatauga Aogā.” Lauga e faia e le ovasia o le aʻoga. Ia faaaofia ai ma manatu o loo i le faaopoopoga o La Tatou Faiva o le Malo, o Oketopa 2005.

20 minu: “Aʻoaʻoga e Taʻitaʻia ai i le Ola.”a Ia muaʻi faatulaga se tagata se toʻatasi pe toʻalua e faamatala mai le auala ua la maua ai aogā mai aʻoaʻoga a le Atua.

Pese 78 (127) ma le tatalo faaiʻu.

Vaiaso e Amata iā Tesema 19

Pese 56 (74)

5 minu: Faasilasilaga a le faapotopotoga. Faamatala fuafuaga mo le galuega talaʻi iā Tesema 25 ma Ianuari 1.

15 minu: “Ia Faaalia le Naunau Moni i Isi—E Ala i le Fetuutuunaʻi.”b Ia faaaofia ai ma se faataʻitaʻiga puupuu e faaalia ai le auala e fetuutuunaʻi ai e se tagata talaʻi lana taulimaga e fua i faamatalaga a le tagata o le aiga.

25 minu: “Pe Mafai e Lou Alo Ona Filifili Faatagata Matua?”c E faia e se toeaina. Ia faitau e se uso e lelei lana faitau ia palakalafa taʻitasi. Talanoaina mau faasino uma o loo iai. Pe a uma ona talanoaina le palakalafa e 2, ona faamatala lea o le eseesega o tulaga o talavou e toʻalua o loo taʻua i le palakalafa e 16-17 ma le pusa i le itulau e 16-17 o le Olomatamata o Oketopa 15, 1991. I le faaiʻuga, faalaeiau mātua e toe autalu le mataupu atoa i Le Olomatamata ma ia vave ona faia se talanoaga ma le fanau ma faataʻitaʻi ma i latou le faatonuga a le Tusi Paia e faatatau i le toto, ma ia aʻotauina i latou e faamatala o latou talitonuga ma lo latou mautinoa atoatoa i mea ua latou talitonu i ai. E ao i ulu o aiga ona faamautinoa o loo tauaveina e le tamaitiiti ua papatiso se pepa Faatonuga/Tuusaunoaina Faafomaʻi ua Muaʻi Saunia ma ia tauaveina foʻi e le tamaitiiti e leʻi papatiso le Identity Card. Po o fea lava le taimi e taofia ai se tagata i le falemaʻi ma ua tulaʻi mai se luʻi e faatatau i le tuigātoto, e ao i toeaina ona faafesootaʻi le Komiti o Mataupu Tau i le Falemaʻi mo se fesoasoani.

Pese 45 (56) ma le tatalo faaiʻu.

Vaiaso e Amata iā Tesema 26

Pese 65 (85)

10 minu: Faasilasilaga a le faapotopotoga. Faitau le tala o le tupe ma faafetai na auina mai mo foaʻi na auina atu. Ia faamanatu i le ʻautalaʻi e tuuina mai a latou lipoti o Tesema. Afai o le a suia taimi o sauniga a le faapotopotoga i le tausaga fou, ona faasilasila lea o le taimi fou ua iai. Ia taʻua lomiga e ofo iā Ianuari, ma faasino le mea e maua ai taulimaga ua fautuaina mai. I le faaaogāina o fautuaga o loo i le itulau e 6, ia faataʻitaʻi le auala e ofo ai le Olomatamata o Tesema 15 ma le Ala Mai! o Oketopa-Tesema. E mafai ona faaaogā isi taulimaga e talafeagai.

15 minu: Manaʻoga o le faapotopotoga.

20 minu: O ā Ata o le a E Matamata Ai? Lauga ma se talanoaga ma le aofia e faavae i le Ala Mai! o Oketopa-Tesema 2005 itulau e 16-20. Ia faamatilatila taʻiala a le Tusi Paia i lenei mataupu.

Pese 99 (222) ma le tatalo faaiʻu.

Vaiaso e Amata iā Ianuari 2

Pese 51 (67)

10 minu: Faasilasilaga a le faapotopotoga.

15 minu: “Ia Faaaogā Tatau a Tatou Lomiga Faale-Tusi Paia.”d Ia faaaofia ai ma manatu o loo i La Tatou Faiva o le Malo o Setema 2002, itu. 1.

20 minu: Faatulagaga Fou o le Awake! Lauga ma se talanoaga ma le aofia. Ia toe taʻua fetuunaʻiga ua faia i le Awake! lea na faasilasila atu i La Tatou Faiva o le Malo o Mati 2005 itulau 1, palakalafa 5-6. Ia faaaofia ai ma faamatalaga i le Awake! o Ianuari 2006, itulau 3-4 “To Our Readers” (Mo le ʻAufaitau). O le tele lava o mea o loo i lenei mataupu o le a iai i le lomiga o le Ala Mai! o loo sosoo mai. Ia faailoa faapea o le a tele atu mataupu e taulaʻi saʻo atu ai le ʻaufaitau i le Tusi Paia. Ia faamatala faapea o le a iai ni vala fou i le itulau e 31 i nisi o lomiga o le Ala Mai! i le gagana Samoa. O le a avea lenei itulau ma itulau faapitoa e faaalia ai tali a le Tusi Paia i fesili, mea e faatatau i le talafaasolopito o mea na tutupu, ma o loo iai foʻi Ata e Suʻe a Tamaiti. O le a faaauau pea ona ofo le seti o Le Olomatamata ma le Ala Mai! i le uluaʻi asiasiga.

Pese 40 (48) ma le tatalo faaiʻu.

[Faaopoopoga i lalo]