Faasologa o le Sauniga o le Auaunaga
Vaiaso e Amata iā Ianuari 9
Pese 8 (10)
10 minu: Faasilasilaga a le faapotopotoga. I le faaaogāina o fautuaga o loo i le itulau e 8 po o isi taulimaga e talafeagai i la outou oganuu, ia faataʻitaʻi le auala e taulima ai le Olomatamata o Ianuari 1 ma le Ala Mai! o Ianuari-Mati. I se tasi o taulimaga, ia faaali mai se tagata talaʻi o loo galue i se oganuu o pisinisi.
15 minu: “O le Tusi Aʻoaʻoga a le Tusi Paia—O la Tatou Fesoasoani Autū Lea i le Faia o Suʻesuʻega Faale-Tusi Paia.”a Ia faatupu le naunau e amata suʻesuʻega faale-Tusi Paia i le tusi fou.
20 minu: “Le Auala e Amata ai Suʻesuʻega i le Tusi Aʻoaʻoga a le Tusi Paia.” Talanoaga ma le aofia faatasi ai ma faataʻitaʻiga e faavae i le itulau e 3 o le faaopoopoga. E mafai ona amata ona faaaogā le tusi Aʻoaʻoga a le Tusi Paia e amata ai suʻesuʻega faale-Tusi Paia ma i latou o loo faaalia le fiafia. Ia faatulaga ni faataʻitaʻiga e saunia lelei e faaalia ai le auala e faaaogā ai (1) itulau 4-5, (2) itulau e 6, ma le (3) le palakalafa muamua i le itulau e 7 e amata ai se suʻesuʻega faale-Tusi Paia pe a faia se toe asiga. Ia muaʻi taʻua le vala autū o faataʻitaʻiga taʻitasi, ma toe autalu pe a uma le faataʻitaʻiga. O le iloiloina o palakalafa i le tusi Aʻoaʻoga a le Tusi Paia e mafai ona faapuupuu pe a manaʻomia. Ia faauma faataʻitaʻiga taʻitasi a o loo faia e le tagata talaʻi se fuafuaga mo le asiasiga o loo sosoo ai.
Pese 19 (21) ma le tatalo faaiʻu.
Vaiaso e Amata iā Ianuari 16
Pese 24 (29)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Ia faalaeiau tagata uma e maimoa i le vitiō Transfusion-Alternative Health Care—Meeting Patient Needs and Rights e sauniuni ai mo le talanoaga lea e toe lua vaiaso ona fai lea i le Sauniga o le Auaunaga.
15 minu: Ua Faamaopoopo Ina ia Faia le Finagalo o Ieova. Lauga ma se talanoaga ma le aofia e faavae i le itulau e 4-7 o le tusi Ua Faamaopoopo Ina ia Faia le Finagalo o Ieova. Pe a uma le faatomuaga lea e itiiti ifo i le tolu minute e faavae i le itulau e 4, ona talanoa lea ma le aofia i le itulau e 5 seʻia oo i le tamaʻi ulutala i le itulau e 7. O le a iloiloina atili nisi vaega o le tusi Faamaopoopo, i Sauniga o le Auaunaga o loo lumanaʻi ai.
20 minu: “Talavou o Loo Susulu Atu Faapei o Mea e Faamalamalama Aʻi.”b Ia valaaulia talavou e fai mai ni o latou manatu i le auala ua mafai ona latou talaʻi atu ai i le aʻoga. E mafai ona muaʻi faia se fuafuaga mo se talavou se toʻatasi pe toʻalua e fai mai ni o la manatu.
Pese 71 (107) ma le tatalo faaiʻu.
Vaiaso e Amata iā Ianuari 23
Pese 48 (63)
10 minu: Faasilasilaga a le faapotopotoga. Faitau le tala o le Tupe ma tusi na faafetai mai ai ona o foaʻi na auina atu. I le faaaogāina o fautuaga o loo i le itulau e 8 po o isi taulimaga e talafeagai ma la outou oganuu, ia faataʻitaʻi le auala e ofo ai le Olomatamata o Ianuari 15 ma le Ala Mai! o Ianuari-Mati. Ia fai e se talavou se tasi o faataʻitaʻiga.
15 minu: Manaʻoga o le faapotopotoga.
20 minu: “Ia Faaalia le Naunau Moni i Isi—E Ala i le Faia o Fesili ma Faalogo Lelei.”c Pe a talanoaina le palakalafa e 2, fesili atu i le aofia po o ā fesili ua latou iloa le aogā mo le amataina o talanoaga ma tagata. Faataʻitaʻi le auala e faatalanoa ai le tagata ina ia faaali mai ni ona manatu e ala i le faaaogāina o fesili e filifilia lelei ma faalogo lelei atu i ai.
Pese 62 (80) ma le tatalo faaiʻu.
Vaiaso e Amata iā Ianuari 30
Pese 29 (34)
10 minu: Faasilasilaga a le faapotopotoga. Ia faamanatu i le ʻautalaʻi e tuuina mai a latou lipoti o le auaunaga i le fanua mo Ianuari. Ia taʻua lomiga e ofo iā Fepuari, ma faataʻitaʻi se tasi o taulimaga.
15 minu: Sauniuniga Alofa mo lo Tatou Lelei. Faia e se toeaina. Faitau ma talanoaina le tusi na lafo atu iā Ianuari 1, 2006, mai le ofisa i Samoa i faapotopotoga uma e faatatau i auala e aogā ai gaoioiga a le Komiti o Mataupu Tau Falemaʻi (HLC) ma le Vaega e Asiasi i Tagata Mamaʻi (PVG).
20 minu: “Se Vitiō e Faamatilatila ai Togafitiga Fou Tāua Faafomaʻi.” Faitau le Galuega 15:28, 29, ma fai se faamamafaga puupuu i le māfuaaga tāua ua teena ai e Kerisiano le tuigātoto ona o lo latou usitaia o le tulafono a le Atua i le paia o le toto. Ona talanoa loa lea i le vitiō Patient Needs and Rights, ma faaaogā fesili o loo iai i le mataupu. Faaiʻu i le faitauina o le palakalafa mulimuli.
Pese 37 (45) ma le tatalo faaiʻu.
Vaiaso e Amata iā Fepuari 6
Pese 56 (74)
10 minu: Faasilasilaga a le faapotopotoga.
25 minu: Ia Faamasani i la Tatou Meafaigaluega Fou mo le Aʻoaʻo Atu. Lauga ma le talanoaga ma le aofia. Ia tuu atu i le aofia e aumai ni o latou manatu i vala o le tusi Aʻoaʻoga a le Tusi Paia na latou fiafia i ai, e pei o fesili i le amataga lava o le mataupu ma le pusa mo le autaluga lea e faamatilatila mai ai manatu tāua o mataupu taʻitasi (itu. 106, 114); o fesoasoani vaaia (itu. 122-123, 147, 198); ma mataupu faaopoopo (itu. 197, pala. 1-2). O le auala o loo aʻoaʻo mai ai le tusi e māfana ma faafiafiaina ai (itu. 12, pala. 12). O loo iai faamatalaga faigofie, (itu. 58, pala. 5) ma o loo faamatala ai faataʻitaʻiga lelei lava (itu. 159, pala. 12). Ua faatulaga faatomuaga e fesoasoani iā i tatou e amata ai suʻesuʻega faale-Tusi Paia (itu. 3-7). Ia faataʻitaʻi le auala e faaaogā ai le pusa i le itulau e 7 ma se suʻesuʻega fou faale-Tusi Paia. Ia taʻu mai ni mea na tutupu na olioli ai i le faaaogāina o le tusi fou.
10 minu: O le Paeonia Lagolago e Aumaia ai ni Faamanuiaga. (Faata. 10:22) Valaaulia i latou na paeonia lagolago talu ai nei e faamatala mai le auala na latou faatulaga ai mea ina ia paeonia, o mea na olioli ai faapea ma faamanuiaga ua latou maua mai ai. Ia faalaeiau tagata uma ina ia mafaufau i ai faatasi ma le tatalo pe e mafai ona paeonia lagolago iā Mati, Aperila, ma Me.
Pese 14 (16) ma le tatalo faaiʻu.
[Faaopoopoga i lalo]
a Faapuupuu upu tomua ia itiiti ifo i le minute, ona amata loa lea o le talanoaga i fesili ma tali.
b Faapuupuu upu tomua ia itiiti ifo i le minute, ona amata loa lea o le talanoaga i fesili ma tali.
c Faapuupuu upu tomua ia itiiti ifo i le minute, ona amata loa lea o le talanoaga i fesili ma tali.