Faasologa o le Sauniga o le Auaunaga

Vaiaso e Amata iā Tesema 11

Pese 1 (1)

10 minu: Faasilasilaga a le faapotopotoga. Ia faaaogā fautuaga o loo i le itulau e 6 po o isi taulimaga e fetaui i la outou oganuu, e faataʻitaʻi ai le ofoina o le Olomatamata o Tesema 15 ma le Ala Mai! o Oketopa-Tesema, 2006. I se tasi o faataʻitaʻiga, ia faaali ai le taulimaina o le manatu e ono taofia ai le talanoaga, “Ou te lē fia faalogologo.”—Tagaʻi i le tamaʻitusi, Le Auala e Amata ma Faaauau ai Talanoaga, itu. 8.

15 minu: Le Aʻoga o le Faiva Faatiokarate mo le 2007. Lauga ma ni faatalanoaga e faia e le ovasia o le aʻoga. Talanoa ni manatu e fetaui i le faapotopotoga mai le faaopoopoga o La Tatou Faiva o le Malo o Oketopa 2006. Ia faamatala atu e lē muaʻi faasilasila e le ovasia o le aʻoga le uiga o le tautala o loo galue i ai se tagata aʻoga. Talu ai o le a māeʻa ona tatou faitauina tusi Eperu o le Tusi Paia mai le Isaia 24 e oo i le faaiʻuga o le Malaki a o faagasolo le 2007, o se avanoa lelei la mo uso e tofia e saunia manatu tāua mai le Tusi Paia i le tausaga lenei, ma isi e fai ni o latou manatu, ona faaaogā lelei a tatou lomiga o loo faamalamalama ai nei tusi faavaloaga. Faatalanoa ni tagata talaʻi se toʻalua pe toʻatolu e pei ona taʻua: o se tagata aʻoga fou, o se tagata aʻoga talavou o loo lelei le agaʻigaʻi i luma, ma se tagata aʻoga ua iai le poto masani. Ia faamatala mai ni aafiaga o le aʻoga i la latou faiva ma i lo latou itu faaleagaga. Ia faalaeiau tagata uma ina ia maelega e faataunuu o latou tofiga, i le faia o ni sao i manatu tāua o le Tusi Paia, ma faatatau fautuaga o loo maua i vaiaso taʻitasi mai le Mauaina o Aogā Mai i le Aʻoga o le Faiva Faatiokarate.

20 minu: “Aua Neʻi Mou Atu lo Outou Uluaʻi Alofa.”a Afai e lava le taimi, valaaulia le aofia e fai mai ni o latou manatu i mau faasino.

Pese 34 (40) ma le tatalo faaiʻu.

Vaiaso e Amata iā Tesema 18

Pese 25 (30)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Autalu le Pusa Fesili. Ia faasilasila ni faatulagaga faapitoa o le faiva i le fanua mo Tesema 25 ma Ianuari 1.

15 minu: “Toe Asia i Latou Uma na Faaalia Sina Naunau Fiafia.”b Valaaulia le aofia e fai mai ni manatu pe faafefea ona maua ni faamatalaga e toe faafesootaʻi ai ē fiafia na feiloaʻi i ai, a o molimau lē fuafuaina atu pe galulue foʻi i alatetele, ma faamatala mai ni mea mataʻina na tutupu i le toe asia o i latou. E ono muaʻi faatulaga se manatu se tasi pe lua.

20 minu: “O se Agaga Tauofo e Maua ai Faamanuiaga.”c Ia faatalanoa se tagata talaʻi se toʻatasi pe toʻalua ua mātauina lo la agaga tauofo. Na faapefea ona faaalia lo la agaga tauofo? O ā ni fetuunaʻiga na tatau ona fai ma na faapefea ona la faia? O ā faamanuiaga ua la olioli ai i le faia faapea?

Pese 10 (12) ma le tatalo faaiʻu.

Vaiaso e Amata iā Tesema 25

Pese 42 (52)

10 minu: Faasilasilaga a le faapotopotoga. Faitau le tala o le tupe ma tusi na faafetai mai ai mo foaʻi na auina atu. Ia faaaogā taulimaga i le itulau e 6 po o isi taulimaga e fetaui i la outou oganuu, e faataʻitaʻi ai le ofoina o le Olomatamata o Ianuari 1 ma le Ala Mai! o Ianuari-Mati, 2007. I le faaiʻuga o faataʻitaʻiga taʻitasi, ia faatū se fesili faatupu manatu lea o le a tali i le asiasiga e sosoo ai e faaaogā ai le tusi, Aʻoaʻoga a le Tusi Paia.

15 minu: Manaʻoga o le faapotopotoga.

20 minu: “Pe Iai Sau Lava Oganuu?”d Ia faaaofia ai ni manatu pupuu mai le ovasia o le auaunaga i le telē o le oganuu tofia a le faapotopotoga, pe faafia ona galueaʻiina, ma le mauaina o oganuu a le tagata lava ia.

Pese 20 (23) ma le tatalo faaiʻu.

Vaiaso e Amata iā Ianuari 1

Pese 83 (136)

5 minu: Faasilasilaga a le faapotopotoga. Ia faamanatu i tagata talaʻi e tuuina mai a latou lipoti o le auaunaga mo Tesema.

15 minu: Lipoti o le Agaʻigaʻi i Luma o le Faiva. Lauga ma le talanoaga ma le aofia e faavae i le tusi, Ua Faamaopoopo Ina ia Faia le Finagalo o Ieova, mai le tamaʻi ulutala i le itulau e 83 seʻia oo i le faaiʻuga o le mataupu.

25 minu: O le ā se Auala e Tetee Atu i Faiga Faaleituaiga i le Aʻoga? E faia e se toeaina. O le lauga ma le talanoaga e faavae i le Ala Mai! o Iulai-Setema 2006, itulau e 18-20. Ia faamatilatila taʻiala mai le Tusi Paia.

Pese 49 (65) ma le tatalo faaiʻu.

[Faaopoopoga i lalo]