Faasologa o le Sauniga o le Auaunaga

Vaiaso e Amata iā Fepuari 12

Pese 42 (52)

10 minu: Faasilasilaga a le faapotopotoga. I le faaaogāina o fautuaga o loo i le itulau e 8 po o isi taulimaga e talafeagai ma la outou oganuu, ia faataʻitaʻi le auala e ofo ai Le Olomatamata o Fepuari 15 ma le Ala Mai! o Ianuari-Mati 2007. I se tasi o faataʻitaʻiga, ia faailoa mai le auala e taulima ai le manatu e ono taofia ai le talanoaga, “Ou te lē fiafia i lotu.”—Tagaʻi i Le Auala e Amata ma Faaauau ai Talanoaga Faale-Tusi Paia, itu. 9.

35 minu: “Ia Taʻutaʻu Atu Galuega Lelei a Ieova.”a E tauaaoina e le ovasia o le auaunaga. Pe a oo le talanoaga i le vaega tonu e tatau ona fai ai, ia faasilasila le taimi ma le nofoaga e fai ai le Faamanatuga, fuafuaga mo feiloaʻiga faaopoopo mo le auaunaga i le fanua, ma le sini o le faapotopotoga mo paeonia lagolago iā Aperila.

Pese 64 (84) ma le tatalo faaiʻu.

Vaiaso e Amata iā Fepuari 19

Pese 48 (63)

5 minu: Faasilasilaga a le faapotopotoga.

20 minu: “Faaaʻoaʻo i le Faiaʻoga Sili pe a Faaaogā le Tusi o Aʻoaʻoga a le Tusi Paia.”b Pe a iloiloina le palakalafa e 6, ia fai se faataʻitaʻiga puupuu o se tagata talaʻi o loo ia faaaogāina le pusa i le faaiʻuga o le mataupu 6 o le tusi o Aʻoaʻoga a le Tusi Paia e autalu ai ma lana tagata aʻoga le mataupu.

20 minu: Pe Mafai Ona E Amata se Suʻesuʻega Faale-Tusi Paia iā Mati? O se talanoaga e fai ma le aofia. O le a tatou ofoina atu le tusi o Aʻoaʻoga a le Tusi Paia, i le ʻafa muamua o le masina o Mati, faatasi ai ma le sini o le amataina o ni suʻesuʻega faale-Tusi Paia i aiga. Ia toe autalu fautuaga o loo taʻua i le faaopoopoga o La Tatou Faiva o le Malo o Ianuari 2006, itulau e 3-6. I le faaaogāina o se tasi o fautuaga o loo iai i le itulau e 6 po o se isi lava taulimaga e talafeagai lelei i la outou oganuu, ia faataʻitaʻi le auala e amata ai se suʻesuʻega faale-Tusi Paia i le uluaʻi asiasiga. Ia valaaulia le aofia e faamatala mai ni iʻuga fiafia na latou olioli ai i le faaaogāina o le tusi, aemaise i le amataina ai o suʻesuʻega faale-Tusi Paia.

Pese 72 (109) ma le tatalo faaiʻu.

Vaiaso e Amata iā Fepuari 26

Pese 24 (29)

10 minu: Faasilasilaga a le faapotopotoga. Faitau le tala o le tupe ma tusi na faafetai mai ai ona o foaʻi na auina atu. I le faaaogāina o fautuaga o loo i le itulau e 8 po o isi taulimaga e talafeagai ma la outou oganuu, ia faataʻitaʻi le auala e ofo ai Le Olomatamata o Mati 1 ma le Ala Mai! o Ianuari-Mati 2007. I se tasi o faataʻitaʻiga, ia faataʻitaʻi mai se tagata talaʻi o loo molimau i oganuu pisinisi.

15 minu: “Aua Neʻi Faagaloina i Latou ua Lē o Toe Talaʻi.”c Ia faaaofia ai ma faamatalaga o loo i Le Olomatamata o Me 1, 2004, itulau e 21-22, palakalafa e 13-16.

20 minu: “Ia Faaaʻoaʻo iā Keriso i Lau Faiva.”d Pe a lava le taimi, ia valaaulia le aofia e faitau ma fai mai ni o latou manatu i mau o loo faasino mai.

Pese 95 (200) ma le tatalo faaiʻu.

Vaiaso e Amata iā Mati 5

Pese 88 (162)

15 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Tufa atu ia tofu tagata uma o le aofia ma se tusi valaaulia faapitoa o le Faamanatuga, ona toe talanoaina lea o fuafuaga ua faatulaga e le faapotopotoga mo le tufatufaina o le valaaulia i le oganuu. Faalaeiau tagata uma e fai se sao tele i lea galuega. Fai se faataʻitaʻiga e faailoa ai le auala e faaaogā ai le tusi valaaulia.

15 minu: Ia Talaʻia le Tala Lelei i se Tulaga Maopoopo. Lauga ma se talanoaga ma le aofia e faavae i le tusi Ua Faamaopoopo Ina ia Faia le Finagalo o Ieova, mai le tamaʻi ulutala i le itulau e 102 e oo i le faaiʻuga o le mataupu.

15 minu: “Ua Tuuina Mai se ʻOa Tatou te Tausia.”e Pe a lava le taimi, ia valaaulia le aofia e fai mai ni o latou manatu i mau o loo sii mai.

Pese 67 (92) ma le tatalo faaiʻu.

[Faaopoopoga i lalo]