Ua Fesili Mai Talavou—O le a Faapefea Ona Faaaogā Loʻu Olaga? (Vaega 1)
E tatau i talavou ona fai ni filifiliga tāua a o tuputupu aʻe e avea ma tagata matutua. Ua saunia le vitiō Young People Ask—What Will I Do With My Life? ina ia fesoasoani iā i latou. Pe a amata le DVD, oomi le vaega ua taʻua Play Drama, ona vaai lea pe e mafai ona e taliina fesili o loo i le palakalafa e 2. Pe a uma, oomi le vaega ua taʻua Interviews (Faatalanoaga), ona oomi lea o le vaega ua taʻua Looking Back (Toe Tepa i Tua), ma tali fesili o loo i le palakalafa e 3.
Drama (Tala): (1) E faapefea ona tutusa le tulaga o Timoteo ma tulaga o le toʻatele o talavou Kerisiano i aso nei? (2) Na faapefea ona uunaʻia Andre ina ia lauiloa i taaloga? (3) O le ā na taʻu atu e le uso o Fleissig iā Andre e faatatau i (a) le tuutoina atu iā Ieova ma le tuutoina atu i taaloga? (Mata. 6:24) (e) le puna o le fiafiaga moni? (i) le mea e faamanatu atu iā te ia e lana ipu ʻai supo mai i le nofoaga o faasalaga mamafa? (o) tagata o loo iai i le ata faatasi ma laʻua ma lana avā? (u) pe na salamō o ia ina ua suia ona sini? (Fili. 3:8) (4) Na faapefea ona tali e le tinā o le tinā o Andre lana fesili, “Pe e sesē loʻu manaʻo e avea ma tagata tamoʻe taʻutaʻua?” (Luka 4:5-7) (5) Pe na faamalieina moni Andre ina ua manumalo i le tamoʻega? (6) O le ā se mea e faagaeetia ai oe e uiga i le tusi mulimuli a le uso o Fleissig na avatu iā Andre? (Faata. 10:22) (7) O le ā na fesoasoani le uso o Fleissig iā Andre e na te mauaina?
Looking Back (Toe Tepa i Tua): (8) O ā galuega sa tuliloaina e le uso ma le tuafafine, ma aiseā? (9) O le ā le tele na la taulau manuia ai? (10) Aiseā na toe suia ai a la galuega? (2 Kori. 5:15) (11) O ā galuega faaleagaga na suia ai a la galuega na iai muamua, ma aiseā na la manatu ai e lē mafai ona la saʻilia uma ia galuega? (12) Pe na la salamō ona o le suia o mea e taulaʻi i ai o la olaga? (13) O ā a la faamatalaga ua uunaʻia faapitoa ai oe e mafaufau i mea e ao ona faia i lou olaga?
Ia maimoa i isi faatalanoaga ma isi mea faaopoopo ma sauni ni tali mo na vaega, ia o le a talanoaina i le Sauniga o le Auaunaga i le vaiaso e sosoo ai.