“Ua Oi Faatasi . . . Mea Uma Lava na Faia”—Ai se a?
SA FULITUA le uluai tane ma le fafine i le Atua. Peitai ina ua maua le “saolotoga” na la manaomia, ua a o ai nei ona faatulaga a laua lava mea i le lelei la te mafaia. I se taimi puupuu a e la iloa o le mea sili, ua le taitai ona lava lona lelei. O leai o se poto masani ma le itiiti o le tomai sa taʻitaʻiina atu ai i faafitauli.
O le mafuaaga lena ua faapologaina ai i tatou e le faailoga tagata po o le faamasino le tonu. O le mafuaaga lena ua tatou i ai uma i lalo o noagata o le lē lelei atoatoa faaletagata, le mafuaaga ua tatou mamaʻi ai, ua tatou ogotia ai i tiga e le masani ai o le tino ma le mafaufau, ma maligi ai loimata o le faanoanoa. Po o, e pei ona faamatalaina i le gagana faale-Tusi Paia, o le mafuaaga “ua oi faatasi, ma oono faatasi mea uma lava na faia, ua oo mai lava i ona po nei.”—Roma 8:22.
O lea, o le uluai taumafaiga a le tagata i le saolotoga e tino mai ua liua i lona faapologa. Mo le 60 senituri, o loo taumafai pea le tagata e faasaolotoina mai o ia mai auga leaga. A e o a ni taunuuga manuia?
Saolotoga Faapolotiki
Ua uma ona faataʻitaʻi e tagata ituaiga eseese o faiga malo. Malo saua ma faamasino le tonu, po o malo e le mafai ona latou faafetaiaia manaoga faanatinati o tagata, ua faaleaogaina pe oo lava ina faatoilaloina i le pule saua a e suia e nisi—ae peitai o le iuga masalomia lava e tasi.
O tagata tusitala o Lance Morrow, i lana talanoaga e uiga i fouvalega faapolotiki, ua ia matauina ai faapea: “Ua laasia nei e talatuufaasolo le tele naunau o pulega faimai e gata ai malo i le lelei a e iu i le avea ma faiga faatautalatasi, fasioti tagata, ma pei lava foi o malo na latou tafiesea—o le manumalo o e na aasa i le faamoemoe i luga o i latou sa i ai le poto masani.”
O le suia o se malo le lelei atoatoa i le isi ua le o lea le auala sili e aumaia ai le saolotoga moni. O lea, sa faagaeeina ai tauatua le tupu poto o Solomona e tusia. “E pule ai le tasi tagata i le tasi, e leaga ai o ia.” (Failauga 8:9) O lea, o le a faaauau pea ona “oi faatasi, ma oono faatasi mea uma lava na faia” seia oo ina faatino e le malo lelei atoatoa le faasaoloto mai pulega le lelei atoatoa.
Saolotoga Mai le Lotonuu ma le Faailoga Lanu
O le lotonuu po o le faailoga lanu ua matua faasagatau tonu lava i upu moni mai le Tusi Paia faapea o le Atua na “faia foi e ia nuu uma o tagata i le toto e tasi” ma “e le faailogaina tagata e le Atua; a e peitai o le mataʻu ia te ia i nuu uma lava, ma fai ma pologa po o auauna. Ua latou sese ai i le mea lena. O le tupuga mai o le lanu uliuli e le o Kanana a o Kuso atonu o Futu foi. A e lei fetuʻuina se tasi o i laua na.—Kenese 9:24, 25; 10:6.
E ui i lenei mea moni, e masani lava i tagata uli ona teena pe le talileleia foi i tulaga faavafealoaloai ma faiga tautamaoaiga e oo lava ina solia i lalo e isi tagata uli. Ua leva ona latou momoo mo le saolotoga. A e o a latou gaoioiga mo le saolotoga. A e o a latou gaoioiga mo le saolotoga, e ui lava ina nofoi ma fai solo tetee, a e ua na ona aumaia ai o sina manuia faatatau. Ona ua le mafai ona latou suia atoatoa loto o tagata, ua le taulau ai foi la ona latou soloia le faailoga lanu, ma le valea faalotu, ma le leai o se alofa faaletuaoi.
O lea, o le a faaauau pea ona “oi faatasi, ma oono faatasi mea uma lava na faia” seia oo ina soloia e le Malo o le Atua e ala ia Keriso le faailoga lanu.
Saolotoga o Fafine
I le faagasologa o senituri, sa le aloaia ai fafine ma e masani lava ona manatu i ai o ni tagata e tulagalua. E le o se sese o Le Na Faia i latou. E lei faia e ia le fafine ina ia vaaia e le tane faapea ua na o se mea e faaaoga i feusuaiga. E lei faatonuina foi le tane e pule saua ia te ia. I le avea o le avā a le tamaloa, e avea le fafine o le “fesoasoani” ia te ia, ia avea o se mea “e tatau ma ia,” ia avea ma “tino e tasi” ma ia.—Kenese 1:26-28; 2:18-24.
O le manaoga o Eva ia tutoatasi mai le pulega alofa a le Atua na iu ai e le o le saolotoga a e o le toilalo popo. I le muai silafia o lenei mea, sa valoia mai e le Atua: “E uai atu lou manao i lau tane, e pule foi o ia ia te oe.” (Kenese 3:16) Mo le toatele o fafine, o pule a tane le lelei atoatoa ua sili ona le fiafia ai, ma o le tele o gaoioiga a fafine ua taumafai ai e solaese mai ai.
A e peitai o Gaoioiga a Fafine mo le Saolotoga, ua iu ina ua mafai ona afia ai ni suiga mo le lelei, a ua le taulau ona e faasagatau i le saolotoga paleni ua folafolaina mai e le Atua. O le a faaauau ona “oi faatasi ma oono faatasi mea uma lava na faia” seia oo ina aʻoaʻoina e le Malo o le Atua tane uma ia “alolofa . . . i a latou lava avā, faapei o latou lava tino” ma ia tausi atu i “loomatutua, peiseai o tinā, o fafine muli foi, peiseai o tuafafine ia, ma ia le gaoiā lava.”—Efeso 5:28 1 Timoteo 5:2.
A o lei faamatalaina atu pe o le a faapefea ona oo mai lena aso, e tatau ona tatou talanoaina se tasi o fesili taua. E faapefea ona vaaia e Kerisiano taumafaiga mo le saolotoga i aso nei?
[Faamatalaga faaopoopo i le itulau 4]
O le suia e le tasi malo le lelei atoatoa i le isi e le lelei atoatoa e le o le vaifofo lea mo le aumaia o le saolotoga moni.
[Faamatalaga faaopoopo i le itulau 5]
O le le usiusitai o tagata lautele, nofoi, ma solo tetee e le suia ai loto o tagata
[Faamatalaga faaopoopo i le itulau 5]
Ua le taulau Gaoioiga a Fafine mo le Saolotoga auā e le tafafeagai ma le saolotoga paleni lelei ua folafolaina mai e le Atua