Taulimaina o le Tala Lelei—Faatasi ma le Tusi Revelation Climax

¹ Maeu lo tatou fiafia e talia se faalauaitelega aupito manino ma le lata mai o le tusi o Faaaliga i le tusi Revelation—Its Grand Climax at Hand! E lē masalomia e o o mai i le taimi nei ua maeʻa ona e faitauina lau kopi ma maua ai aogā mai le talanoaina o fuaiupu i le fuaiupu ua iai.

² O ata faatosina o le tusi o se fesoasoani sili lea i le vaaia faalemafaufau o mea faafaatusa ua faamatalaina e Ioane. Ia faaaogā ma le uigā na ata pe a taulimaina le tusi i le auaunaga i le fanua. E ui ina tatou te mananao e faatomua faamanuiaga o le Malo i le taulimaina o le tala lelei, ae tatou te manaomia foi ona fesoasoani i tagata naunau ia talisapaia le nanati o le feau mai ia Iesu Keriso ua maua lea i le tusi o Faaaliga.

O LE Ā FA OE?

³ A maeʻa ona faafeiloai atu o oe lava, atonu e te faapea atu: “E toatele ua momoo ia mafai ona latou malamalama i le tusi o Faaaliga. O le mea e sili ona faitaulia o le ‘itu aso o le faamasinoga’ ua taʻua i le Faaaliga 14:7. [Faitau.] Atonu o le a faateʻia oe e iloa po o ai ua mauaina le faamasinoga faasala mai le Atua.[Faitau Faaaliga 18:2a, 4.]. Ua e faalogo ea i le faaupuga ‘Papelonia Tele’? [Tuu le avanoa mo se tali.] O le ā ua faasino i ai, ma o le ā foi e manaomia ona tatou ō ese mai ai? [Faaali le tusi Revelation Climax.] O le mea ua ala ai ona faatosina ma fesoasoani lenei tusi ona ua saunia ai faaupuga e faamanino ai fuaiupu taitasi o le tusi o le Tusi Paia o Faaaliga. O faamatalaga ua taulimaina i mataupu 33-38 ua taʻu mai ai Papelonia Tele ma ua tautalagia lona faaumatiaga o loo loma.[Faamatilatila se faasinoga patino po o se ata i le lomiga.] O nei faamatalaga o le a sili ona aogā e fesoasoani ia te oe ma e ua pele ia te oe e uia laasaga mo le mauaina o le finagalomalie o le Atua, ma aloese ai mai le iʻuga o Papelonia Tele. Ou te faalaeiauia oe e talia se kopi o lenei tusi, Revelation—Its Grand Climax at Hand!, mo na o le $6.00 (US$3.00).”

⁴ I le faia o se taulimaina puupuu, atonu e filifili nisi e faitauina le Faaaliga 18:4 ona sue lea i le ata i le itulau e 241, ma fai atu faapea ua faamatalaina e le tusi le mea ua faaataata mai e Papelonia Tele, le mea ua faaatata mai e le manu feai, ma pe aiseā ua tāua tele ai mo i tatou ona amanaia lapataiga e faatatau ia i laua. E mafai e tagata fou po o ē lē lava le poto masani ona faamatala le ata i le itulau e 302, e faaaogā ai le Faaaliga 21:4 e pei ona siʻiina mai i le itulau 303.

⁵ O au uputomua ma manatu e te faatomuaina e mafai ona fesuisuiai e tusa ma aiaiga ma i le faaaogāina o mau ma faamatalaga i lalo o “Papelonia Tele,” i itulau e 49, 52, ma le 53 o le tusi Reasoning.

⁶ Tatou te alolofa ia Ieova ma tatou te alolofa i o tatou tuaoi. Ua uunaia i tatou e lenei mea ia faalauiloa atu le feau faafaamasinoga a le Atua. E ui ina tatau ona folasia atili i malae Papelonia Tele, ae tatau ona tuuina atu le avanoa i tagata loto faamaoni ia ‘o mai ese ia te ia’ ma tutu mausali mo le upu moni. Mo lena iʻuga ua siʻitia ai o tatou leo i le autasi ma faapea atu “Ina sau ia” ia i latou o ē o loo galala mo le “vai o le ola.”—Faaa. 22:17.